Vikan - 07.10.1971, Blaðsíða 39

ekki íþrótt máls og stíls um-
fram það, sem gerist og gengur
á íslandi, en hann nýtur hins
vegar kostgæfni sinnar og ná-
kvæmni. Lesandinn sér heldur
ekki greinarhöfund fyrir sér, og
á því græðir Páll Þorsteinsson
í málflutningi sínum, er hann
rekur kotroskinn landsins gagn
og nauðsynjar í Tímanum. Hann
er drjúgur meðalmaður, en eng-
inn kappi. Ýmsir ætla, að Páll á
Hnappavöllum sé smávaxinn til
sálarinnar, en sú ályktun er
hæpin. Maðurinn er gæddur
góðum almennum gáfum og
reynist útsjónarsamur og nask-
ur og vel verki farinn við frið-
samleg störf. Páll er og víðles-
inn og fróður. Ókunnugum
finnst hann einrænn og fáskipt-
inn og jafnvel hjárænulegur, en
málvinir hans hafa aðra sögu
að segja. Þeir una ágætlega ná-
vist mannsins og eiga oft með
honum skemmtilegar stundir,
þó að engar nautnir séu þar
framdar. Loks er þrautseigja
Páls aðdáunarverð. Hún er slík
og þvílík, að hann hefur gætt
hjarðar sinnar af stakri sam-
vizkusemi, þó að þoka skylli á
eða óveður færi um landið,
hvað þá í sólheitri blíðu í smá-
ríkinu þokkasæla við rætur
jöklanna miklu og á bökkum
vatnanna ströngu.
Páll Þorsteinsson er eins og
melurinn í Skaftafellssýslum.
Aðkomufólk hyggur hann óæt-
an, en héraðsbúar vita af
reynslu, að þetta er sæmileg-
asti mannamatur, sem oft hef-
ur bjargað í hallæri. Kjósend-
ur Framsóknarflokksins á suð-
austurhorni landsins telja sig
heldur ekki hafa ráð á að
hrækja út úr sér því, sem einu
sinni er upp í þá komið.
Lúpus.
HNEFALEIKAMAÐUR
ALDARINNAR
Framhald af hls. 15.
við, „þú skalt berjast, aðeins
berjast. Þú verður að hlýða
öllum reglum fullkomlega. Ef
þú getur ekki unnið á þennan
hátt, eftu einfaldlega ekki nógu
snjall.“
Þannig voru Joe settar lífs-
reglurnar. Hann varð að hlýta
öllum úrskurðum dómaranna,
hvort sem þeim urðu á mistök
eður ei, hann mátti ekki gefa
höggstað á sér í éinkalífinu.
Hann átti ávallt að koma fram
sem sannur íþróttamaður, að
öðrum kosti var hann glataður
vegna litarháttar síns.
Joe Louis fylgdi í öllu sett-
um reglum Black og Roxbor-
ough, framkoma hans vakti alls
staðar athygli, og hann var með
réttu nefndur heiðursmaður
hringsins. Framkoma hans í
hringnum sem utan hans var
óaðfinnanleg og hann neytti
hvorki áfengis né tóbaks.
Umsagnir hans um afrek sín
og keppinautana að keppni lok-
inni, einkenndust ávallt af virð-
ingu og hógværð. Árið 1939, er
Joe hafði sigrað Bob nokkurn
Pastor, spurði útvarpsmaður,
hvernig högg Pastor hefðu ver-
ið. Tja, svaraði Joe, ég fann
svo sannarlega að hann hitti
mig. Mjög svo „diplomatiskt"
svar, þegar þess er gætt, að
Pastor þótti ekki höggfastur.
Útvarpsmaðurinn hélt áfram:
„Varstu nokkurn tíma hrædd-
ur?“ Joe hugsaði sig aðeins um.
„Eitt af því góða við að vera
meistari er, að maður er ávallt
svolítið hræddur.“ Negraprest-
ur frá litlum bæ í nágrenni
New Orleans sendi honum eft-
irfarandi bréf: „Ég held að þú
eigir eftir að verða heimsmeist-
ari. Ef svo verður, reyndu þá
ávallt að vera meistari okkar,
hinna þeldökku, svo að sagt
verði um þig, þegar þú hættir
keppni: Hann var svartur hið
ytra, en hvítur hið innra og
umfram allt í hjarta sínu.“
Stjarna Joe Louis fór stöð-
ugt hækkandi og eftir langan
umhugsunarfrest tók J ack
gamli Blackburn að sér þjálf-
un hans, en hann krafðist
fastra mánaðarlauna. „Munið
að hann er negri," sagði Black-
burn. Þegar Joe hafði fengið
fyrstu milljónina í hagnað, gat
hann ekki stillt sig um að
stríða Jack, sem þó hafði feng-
ið mikla hækkun á mánaðar-
launum sínum. En launin hefðu
orðið mun hærri, ef hann hefði
tekið venjulegan hundraðs-
hluta sem þjálfari.
Eitt sinn braut Joe reglurn-
, ar um að móðga ekki fulltrúa
hvíta kynstofnsins. Blackburn
bauð Joe með sér á keppnina
Max Baer — Jim Braddock.
Hann var spurður hvort hann
áliti sig nógu góðan til að berj-
ast við annanhvorn þessara
toppkalla. „Átt þú við að þeir
séu beztu hnefaleikamenn
heimsins?" spurði Joe. „Ja, það
stendur a. m. k. í auglýsingun-
um.“ Joe fannst þetta svo snið-
ugt, að hann veltist um af
hlátri, án þess að hugsa um, að
á þann hátt gat hann móðgað
hvíta kynstofninn.
Tæplega tvítugur — 4. júlí
1934 hóf Joe feril sinn sem
heimurinn segirja
við hinum logagyíitu
BENSONand HEDGES
kr.52
hafið þið sagt Já ?
40. TBL. VIKAN 39