Vikan - 01.06.1972, Blaðsíða 6
MIG DREYMDI
í FULLRIALVÖRU
RAUÐAR ROSIR
Kæri draumráðandi!
Ég hef skrifað áður og ef til vill er þetta ósköp vitlaus
draumur eins og þá, en sá fyrri var ekki ráðinn. Svona er
þá draumurinn:
Mér fannst sem ég væri á þjóðveginum hérna og var veg-
urinn ósléttari en hann er venjulega. „S“ systir mín var
með mér. Beggja vegna vegarins fannst mér vera kartöflu-
gras, en kartöflugarðurinn er þarna skammt frá. Nú voru
grösin hins vegar alveg upp að vegarbrún. Voru þau ekki
fullvaxin, en græn og falleg, litu vel út. Mér fannst ég taka
tvo tréstampa og bað systur mína að taka annan og voru
þeir eins og hálfir af mold. Tók ég þá blómapott og sagði
við systur mína: „Ég henti þessu hérna í haust, en sjáðu:
þetta hefur ekki verið ónýtt.“
Þá voru rauðar rósir, heldur lágvaxnar, í pottinum og
voru þær reglulega fallegar en ég man ekki eftir neinum
grænum blöðum með þeim, svo ég tók annan pott og voru
einnig rauð blóm í honum. Voru þetta allt dökkrauð blóm.
Svo gengum við af stað og ég með blómapottana og fleira
í stampnum, en það sem ég man var laukur er ég hafði
einnig hent um haustið — að mér fannst. Úr báðum endum
hans uxu blöð.
Sem við gengum þarna sá ég túlípana á milli kartöflu-
grasanna og sagði ég þá: „Sjáðu hvað ég á fallega túlípana
líka.“ Voru þeir rauðir og hvítir, en laukurinn sem ég var
með í balanum var með líkum blöðum. Við settum balana
niður og beit ég þá blöðin sem voru styttri á lauknum af,
svo ég gæti sett hann í mold. Systir mín var búin að missa
alla moldina úr sínum bala, en hjá mér hafði hún ekki
haggazt. Fór ég að athuga hvað ég sé með fleira. Þá er þar
rauð flauelskápa af systur minni, sem hún segist aldrei
fara í. Sagði ég þá: „Hún er svo síð, að hægt er að búa til
úr henni vesti. Ég skal hjálpa þér við það.“
Sá ég þá að ég var með stórar, rauðar rósir, afskornar,
og minntist ég á, hve dásamlegur ilmur væri af þeim. Bar
ég eina upp að vitum mér, en þær voru, að ég held, 4 eða
5 á löngum stöngli og var ég alveg hissa, að ekkert skyldi
sjá á þeim eftir allt hnjaskið. Meira man ég ekki, en ég
vonast til að fá drauminn ráðinn.
Guðrún.
Sennilega mun verða breyting á högum þínum fyrr en
þig grunar og verður það ekki átakalaust. Þó boðar þessi
draumur þér hagsæld og heppni, en ekki er útilokað að
bústaðaskipti eigi sér stað hjá þér. En ykkur systrunum á
líklega eftir að lenda saman innan skamms, en það verður
smávægilegt og samkvæmt öllum sólarmerkjum hefur hún
þig fyrir rangri sök — eða þá að hún fellst ekki á þína
skoðun, sem í þessu tilfelli verður sú rétta.
VÍSA VIKUNNAR
Þó að bindi vetrar vá
vorsins myndun tregu,
sunnan vindar sögðu frá
sumri yndislegu.
R. G.
BARÁTTAN VIÐ EITURLYFJASMYGLARA
Þá er eiturlyfjavandamálið enn komið á dagskrá
og það af ærnu tilefni: Komizt hefur upp um um-
fangsmikið smygl á liassi og LSD og er rannsókn
málsins í fullum gangi, þegar þetta er ritað. Magnið,
sem smygla átti inn í landið í þetta sinn, virðist
hafa komið mörgum á óvart, enda bendir það til
mikillar útbreiðslu eiturlyfja hér á landi.
Þeir sem eitthvað hafa kynnt sér málið, gátu þó
séð fyrir, að eiturlyfin hlytu að berast hingað til
lands fyrr eða síðar. Okkur var vel kunnugt um
vandamálið hjá nágrannaþjóðum okkar — áður en
það var að nokkru marki komið hingað til lands.
Á þeim tíma var unnt að gera ýmsar ráðstafanir,
en því miður héldu menn að sér höndum, ypptu
öxlum og töldu sér trú um, að eiturlyfin yrðu al-
drei vandamál hér eins og í öðrum löndum.
Það er löngu ljóst, að alþjóðlegir glæpahringir
með margra ára reynslu í smygli og eiturlyfj asölu
annast sölu og útbreiðslu á hassi á nýjum mörkuð-
um í Bandaríkjunum, Kanada og Vestur-Evrópu.
Ekkert skal fullyrt um það, hvort slík starfsemi
hefur teygt anga sína hingað til lands, en hættan er
vissulega fyrir hendi.
Yfirmaður heilbrigðiseftirlitsins í Noregi, Karl
Evang, var formaður nefndar, sem rannsakaði eit-
urlyfjamál á vegum Sameinuðu þjóðanna. í bók,
sem hann hefur skrifað, segir meðal annars, að
þegar maður kynnist hinni miklu þekkingu eitur-
smyglaranna á eðli og viðbrögðum ungmenna, verði
maður hvort tveggja í senn undrandi og óttasleg-
inn. Ef útbreiða skal hass meðal stúdenta, þá er
sölumaðurinn valinn úr þeirra hópi. Sé um jazz-
leikara að ræða, er hljómlistarmaður eða menn
valdir til sölunnar. Á sama hátt er unnið, þegar um
aðrar stéttir er að ræða. Allt fer þetta fram með
nokkrum dýrðarljóma. Gildir það jafnt um hinn
kæna sölumann sem hið trúgjarna fórnardýr.
Ungu kaupendurnir eru ginntir af áróðri sölu-
mannanna. sem er á þá leið, að hass sé ekki hættu-
legt og engin hætta á því, að menn venjist á notk-
un þess og verði háðir því.
„Allar þessar fullyrðingar, sem settar eru fram á
mismunandi hátt af eiturlyfj asölum, hafa ekki við
rök að styðjast samkvæmt vísindalegum athugun-
um,“ segir Evang. „Marijúana og hass myndu eyði-
leggja allt samlíf og leggja atvinnuvegi Norður-
landanna í í-úst, ef þessi eiturlyf væru notuð í sama
mæli og tóbak og vín í þessum löndurn."
Yfirlýsing eins og þessi frá manni, sem hefur
kynnt sér málið rækilega, er ofurlítil vísbending
um, hversu alvarlegt vandamál er hér við að glíma.
G. Gr.