Vikan - 19.02.1976, Blaðsíða 10

UNGT
KENNARALIÐ
Í vetur fór Vikan til ísafjarðar og átti þá
meðal annars viðtal við skólameistarahjónin í
menntaskólanum þar, þau Bryndísi Schram og
Jón Baldvin Hannibalsson. Eigi alls fyrir löngu
barst okkur þessi skemmtilega mynd af
kennaraliði menntaskólans, þar sem það var
samankomið eftir kennarafund á heimili skóla-
meistarahjónanna. Þær upplýsingar fylgdu
myndinni, að meðalaldur menntaskóla-
kennara á isafirði væri 29 ár, og af sautján
kennurum menntaskólans þar væru 12 undir
þrítugu. Kennararnir eru: (Sitjandi f.v.): Guð-
mundur Jónsson, deildarstjóri stærðfræði,
Bryndís Schram, kennir frönsku og ensku, Jón
Baldvin Hannibalsson, skólameistari, Axel
Carlquist, deildarstjóri raungreina, (standandi
f.v.): Þráinn Hallgrímsson, deildarstjóri erl.
mála, kennir ensku, frönsku og spænsku,
Guðmundur Ólafsson, íþróttakennari, Hjálmar
Helgi Ragnarsson, kennir tómenntir, Gunnar
Jónsson, kennir vélritun, reikning og skjala-
vörslu, Sigríður D. Kristmundsdóttir, kennir
mannfræði og bókmenntir, Hallur Páll Jóns-
son, kennir heimspeki og sálarfræði, Christina
Carlsson, kennir þýsku, Guðjón Skúlason,
kennir hagfræði, bókfærslu og stjórnun,
Þuríður Pétursdóttir kennir líffræði, vistfræði
og lífefnafræði, Grettir Engilbertsson, kennir
félags- og stjórnmálafræði, Kristín Oddsdóttir,
bókasafnsvörður og dönskukennari, Guöjón
Friðriksson, kennir íslensk fræði og Viðar
Ágústsson, kennir eðlisfræði, stærðfræði og
forritun.
GOTT AÐ
VERA GIFT
McCLOUD
Leikarinn, sem leikur McCloud f
samnefndum myndaflokki í sjón-
varpinu, heitir Dennis Weaver og
konan hans heitir Gerry. Frú Gerry
„McCloud" Weaver átti viðtal við
blaðamann ekki alls fyrir löngu og
sagði þá meðal annars:
— Þú skalt ekki vera hræddur
við að spyrja mig um hvað sem er.
Mér finnst ægilega gaman að tala
um McCloud. Ég á líka svo
auðvelt með það, því að hjóna-
band okkar er svo gott. Þetta er
alveg hreina satt. Það er nefni-
lega svo auðvelt að vera gift
honum. Hann er tvímælalaust
höfuð fjölskyldunnar og húsbóndi
en hann misnotar aldrei völd sín.
Hann ku vera ákaflega góöur fjöl-
skyldufaðir ___ og konan hans
lætur þess sérstak/ega getið, að
,,hann misnoti aldrei völd sín".
Hjónin Dennis og Gerry Weaver.
Hann rýkur aldrei upp í bræði og
skammast eins og óður eins og
svo margir karlmenn. Það hefur
að minnsta kosti aldrei gerst í þau
rúm þrjátíu ár, sem við höfum verið
gift, og ég held bara hjartað i mér
myndi hætta að slá, ef hann gerði
svoleiðis nokkuð. Hann er einhver
besti maður, sem ég get hugsað
mér, og hann er ekki bara góður
og tillitssamur við mig — hann
er svona við alla. Ég er svo
heppin, að ég er ekki bara gift
mjög glæsilegum manni, heldur
er ég einnig gift allra besta vini
mínum.
Dennis Weaver og hún Gerry
hans, sem hét reyndar Geraldine
Stowell áður en þau giftust,
kynntust þegar þau voru í
menntaskóla heima í Joplin í
Missouri. Þau giftust árið 1945,
þá tvítug, og þau eiga þrjá syni:
Rick, sem er 27 ára, Rob, sem er
23 ára og Rustin, sem er 17 ára.
Allir hafa þeir ákveðið að feta í
fótspor paþba síns og verða leik-
arar.
10 VIKAN 8. TBL.