Vikan - 25.12.1980, Side 32

Texti: Borghildur Anna Ljósm.: Ragnar Th.
Líklega kannast flestir lesendur
við þá óþægilegu aðstöðu að
óvænta gesti ber að garði: og
ísskápurinn að sjálfsögðu
næstum galtómur. Fæst heimili
búa svo vel að eiga kökur og
þess háttar nema við hátíð-
legustu tækifæri og því eru góð
ráð dýr. En ýmislegt má gera
með nokkurri hugvitssemi og
bakarinn Smári Stefánsson í
Hressingarskálanum og
matreiðslumeistararnir Ragnar
Guðmundsson, Gunnlaugur
Hreiðarsson og Úlfar Eysteins-
son sýna okkur hvernig gera má
gott — meira að segja mjög gott
— úr öllu.
Þeytikrem er efni sem fæstir
nota og margir vita reyndar
harla lítið um notagildi þess.
Kremið er fáanlegt í flestum
kjörbúðum og geymist ótrúlega
vel I frysti. Þarna er um að ræða
matvöru gerða úr lifrænum
efnum og því ekki ástæða til að
ætla þetta óhollari fæðu en
margt annað. Kremið er bragð-
laust og er því bragðbætt að vild
eftir þvi sem við á hverju sinni.
Yfirleitt er um að ræða 1/2 lítra
pakkningar á kreminu, en ef ekki
hentar að nota allt í einu má
skera pokann í sundur og geyma
afganginn til betri tíma. Sá hluti
sem nota á er þíddur í köldu
vatni og síðan þeyttur vel saman
í hrærivél. Engin hætta er á því
að allt fari sundur og að sögn
þeirra félaga er meðferðin leikur
einn. Þeytikremið hefur mun
meira geymsluþol en rjómi og er
reyndar líka talsvert ódýrara.
Uppskriftirnar á næstu síðum
eiga að geta bjargað miklu í
slíkum neyðartilvikum og að
sjálfsögðu er þarna aðeins um
hugmyndir að ræða, sem hver
og einn getur unnið að vild.
Makkarónukökurnar í
uppskriftunum fást í plast-
pokum í flestum bakaríum og
jafnvel næstu kjörbúð. Þær hafa
talsvert geymsluþol og þola
frystingu, sem á þó að vera
óþörf. Kransakökumassa má
líka fá í bakaríum og svamp-
botnar fást bæði I bakaríum og
kjörbúðum.
En sem áður sagði — bindið
ykkur ekki um of við
uppskriftirnar — þær eiga að
vera kveikjan að einhverju nýju
og frumlegu hjá ykkur sjálfum.
32 Vikan 5*. tbl.
Fölsk epli
Jardarbe
Fölsk epli
Makkarónukökur muldar I glas
og vættar með sólberjalíkjör.
Bragðbætið þeytikrem með epla-
mauki að vild og sprautið ofan á
makkarónukökurnar. Setjið
þerraða ferskju ofan á og penslið
hana að ofan með rauðum
matarlit. Skreyta má meðsúkku-
laðistilk og marsipanblaði eða á
annan máta.
Smáratoppar
500 g kransakökumassi
lOOgsykur
1-1 1/2 eggjahvíta
Hnoðið saman og búið til litlar
kúlur. Setjið á smurða bökunar-
plötu og sléttið að ofan með
hníf. Bakist við 180°-200° hita í
ofni. Topparnir eiga að vera ljós-
brúnir að utan og hráir að
innan. Kælið og sprautið ofan á
toppinn með smjörkremi bragð-
bættu með sólberjavíni. Dýft I
hjúpsúkkulaði og skreytt með
appelsínusneið.
Jarðarberja-
bolla
Þeytikrem er bragðbætt að vild
með jarðarberjum og jarðar-
berjaessens. Stingið út svamp-
botn I hringlaga form, sprautið
fieytikreminu ofan á og hjúpið
með súkkulaði. Skreytt með
marsipanlaufi og sultutoppi.