Vikan - 29.10.1981, Blaðsíða 51

Draumar
Ævintýri á
fædingardeild
Kæri draumráðandi.
Ég œtla að biðja þig að ráða
fyrir mig draum sem ég held að
sé nokkuð mikilvægur fyrir mig
því hann situr svo í mér.
Mér fannst ég vera stödd á
fæðingardeild á spítala en
kannaðist ekkert við hann. Mér
fannst ég fæða dóttur sem ég
svo sá aldrei í draumnum.
Þegar mér var sagt að það væri
stúlka var ég grátklökk og sár.
Ég hugsaði: Af hverju gat það
ekki verið drengur því mig
langar svo í strák? Strax og ég
var búin að fæða var ég send
fram á setustofu og ég átti að
bíða þar. Mér leið mjög illa þar
sem mér fannst ekki vera búið
að ganga frá mér og þrifa að
neðan. Égsat þarna í setustof-
unni sem var með frekar lágum
húsgögnum úr Ijósum við og með
appelsínugulbrúnu ullaráklœði.
Loks ákvað ég að reyna að
fmna stofu svo ég gæti lagt
mig og látið hreinsa mig og
ganga frá mér eftirfæðinguna
og síðast en ekki síst til að fá
barnið mitt í fangið. Mér
fannst ég vera afar þreytt og
þung á sálinni.
Ég gekk þá fram á ganginn
og kom þar að stiga. Stiginn
var breiður og voldug handrið
meðfram honum (úr tré, út-
skorin). Um 15 þrep lágu upp á
pall sem skipti stiganum í
tvennt, til hægri og vinstri
meðfram veggjunum. Hvor
stigi hafði um 10 þrep sem lágu
upp á annan pall. Ég gekk upp
stigann og svo upp þann til
hægri. Þar uppi var glerhurð
og fyrir innan var kennslu-
stundfyrir stúlkur í hvemig œtti
að ná sér í mann. Þar gekk
ungur maður nakinn, hár,
dökkhærður, eftir gólfi (eins og
í íþróttasal) og margar alklœdd-
ar stúlkur á eftir honum. Það
var glatt yfir hópnum. Þá
ákvað ég að setjast því ég var
svo þreytt og illt í móðurlífi. Ég
settistflötum beinum í sjötta
þrep eða svo. Þá kom ungi
nakti maðurinn úr salnum og
stúlkurnar með honum. Hann
lagðist á magann með bók og
las fyrir stúlkurnar sem sátu og
lágu í kringum hann. Þau tóku
ekki eftir mér og mér fannst
þau ekkert koma mér við.
Á meðan ég sat þarna var ég
að hugsa að ég yrði að koma
mér í rúm á spítalanum og fá
barnið mitt og láta ganga frá
mér, þar sem ég var enn
blóðug og tilheyrandi eftir
barnsburðinn. Þá kom til mín
dóttir mín, sem heitir M. og er
að verða fjögra ára. Hún
kastar sér ánœgð í fangið á mér
og segir: „Mamma mín. ” Ég
hrökk við, því við þetta fékk ég
kvalir í móðurlíflð, og sagði við
hana: „M. mín, viltu heldur
sitja hér á hnjánum á mömmu
af því mömmu er svo illt í
maganum. ” Ég tek um axlirnar
á henni um leið og hún færir
sig. Við sitjum svona smástund
og virðum fyrir okkur fólkið á
pallinum fyrir ofan okkur.
Þá dettur mér allt í einu í
hug að við (ég og maðurinn
minn) gætum skírt barnið A.
eftir látnum bróður hans. Ég
var mjög ánægð með þesssa
lausn og fannst nú öll vanda-
mál vera leyst. Síðan varð
draumurinn ekki lengri.
Nóttina á eftir dreymdi mig
draum en eina sem ég man úr
honum er að mér fannst ég
standa úti og horfa upp í
himininn. Ég var létt í skapi og
ánægð og var að velta fyrir
mér hvað himinninn væri
fallegur og blár og hvað allt
væri gott þegar sólin skini. Þó
fannst mér vera haust þar sem
andblærinn var svalur. Mér
fannst þessi draumur tengjast
hinum.
Ég vona innilega að þú ráðir
fyrir mig draumana því mér er
mikils virði merking þeirra.
Með fyrirfram þökk.
G.R.
Þessir draumar eru óneitanlega
nokkuð torráðnir en draum-
ráðandi ætlar að freista þess að
ráða í þau mörgu tákn sem í
þeim eru og gera úr þeim
sæmilega heild.
Svo virðist sem þú sért í þann
veginn að leggja að baki ákveð-
inn kafla lífs þíns þar sem þú
hefur verið mjög upp á aðra
komin, í bókstaflegri eða yfir-
færðri merkingu. Framundan
eru óvissir tímar og sumt af því
sem kann að mæta þér skelfir
þig en þó muntu leiða það að
einhverju leyti hjá þér. Þú ferð
ekki troðnar slóðir í þessu og
draumráðanda kæmi ekki á
óvart þó sumt það sem þú gerir í
framtíðinni komi bæði þér og
öðrum á óvart. Sjálfstæði þitt og
ný lífsstefna mun ótvírætt vera
til góðs, þó ekki séu allir á einu
máli þar um. Þó þú hafir mikið
samband við aðra (engin ástæða
til að telja að draumurinn breyti
framtíðaráformum þeim sem þú
rekur i eftirskrift — að minnsta
kosti ekki á yfirborðinu) muntu
vera fjárhagslega sjálfri þér nóg
og það er væntanlega breyting
frá þvi sem áður var. Ekki er
gott að sjá nákvæmlega hvað
veldur þessari breytingu á hög-
um þínum, hvort það er eitt
ákveðið atvik eða lengri tima
þróun. Hvað sem framundan er
má segja að á margan hátt muni
lífið taka óvænta stefnu en
draumráðandi sér ekki ástæðu
til að ætla annað en að það verði
að þínu eigin frumkvæði og
vilja. Tilfinningalega muntu
þroskast mjög á næstu árum og
hafa góð áhrif á fólkið í kringum
þig í þeim efnum. Ef til vill tekst
þér að opna augu einhvers sem
erfitt hefur átt með að sjá hluti í
réttu ljósi til þessa.
44. tbl. Vikan 51