Vikan - 22.05.1986, Blaðsíða 23
KIK DOUGLAS
■ Kirk Douglas hefur verið kallaður mörgum
nöfnum á löngum leikaraferli. A sínum tíma
var hann meira að segja kallaður „mest hataði
maðurinn i Hollywood". Þegar hann er minnt-
ur á þessa umsögn svarar hann því til að hann
hafi aldrei átt 1 vandræðum með að starfa með
fólki sem hefur hæfileika. Aftur á móti segir
hann að fólkið, sem þykist vera eitthvað, þoii
hann ekki og hann hafi alltaf látið skoðun sína
í ljósi við það. Sjálfsagt er það þess vegna sem
Kirk Douglas fékk á sínum tíma þessa vafasömu
lýsingu enda er maðurinn skapmikill. Fáir
leggja f að reyna að hafa hann að fífli.
í ár á Kirk Douglas fjörutíu ára leikafmæli
f kvikmyndum. Á ferli sínum hefur hann leikið
í kvikmyndum, sem urðu mjög vinsælar, og
einnig jafnmörgum myndum sem enga hylli
hlutu. Ferill hans byrjaði í kvikmynd sem heit-
ir The Strange Love of Martha Ivers. Það var 1946.
Milli þessarar myndar og þeirrar nýjustu, Amos,
hefur hann leikið frægar söguhetjur á borð við
Spartacus og Doc Holliday ásamt því að hafa leik-
ið Van Gogh i Lust for a Life, svo einhveijar
persónur séu nefndar.
Hinn þekkti leikstjóri, Billy Wilder, sagði einu
sinni: „Um leið og Kirk Douglas heyrir orðið
„taka" er eins og hann stækki um helming." Þetta
eru orð að sönnu. Það þarf ekki annað en sjá
Douglas til að sannfærast um að í honum býr kraft-
ur þess leikara sem nýtur þess að fást við likamlega
erfið verkefni. Og það eru einmitt þannig hlutverk
sem hafa gert hann að stórstjömu í heimi kvik-
myndanna. Kirk Douglas hefur samt á stundum
sýnt það að hann er fær um að leika tilfmningamik-
il hlutverk. Má nefna Lonely Are the Brave frá 1962
þar sem hann leikur kúreka sem á erfitt með að
sætta sig við að aðlagast nútímalífi.
Eins og Sylvester Stallone á Kirk Douglas frama
sinn að þakka því að hafa leikið boxara í kvik-
mynd. í hans tilfelli var það Champion sem Stanley
Kramer gerði 1949. Þegar hann er spurður um til-
drög að því að hann fékk aðalhlutverkið í þeirri
mynd svarar hann: „Þegar kom til tals að ég fengi
hlutverkið fannst Stanley Kramer ég ekki vera
nógu sterkbyggður fyrir það. Hann hafði nefnilega
nýlega séð A Letter to Three Wives þar sem ég lék
kennara. Ég hafði engin orð um það en dreif mig
úr skyrtunni fyrir framan hann og hann sann-
færðist um að ég væri rétti leikarinn" Kannski var
það ekki nema von því áður en Kirk Douglas sneri
sér að kvikmyndaleik var hann mikill glímukappi
(wrestling) og vissi að hann gat leikið hnefaleika-
mann. Fyrir hlutverk sitt í Champion fékk Douglas
fyrstu óskarstilnefninguna af þremur sem hann
hefur fengið til þessa dags. Hinar tvær tilnefning-
arnar voru fyrir The Bad and the Beautiful og Lust
of Life. En sá heiður að fá óskarsverðlaunin hefur
ekki fallið honum í skaut hingað til.
Margir eru á því að besta hlutverkið, sem Kirk
Douglas hefur fengið, hafi verið hlutverk Van
Gogh í Lust for Life og hefur hann sjálfur sagt að
aldrei hafi hann lagt eins mikið á sig við nokkurt
hlutverk. Hann var líka verðlaunaður sem besti
leikarinn af kvikmyndagagnrýnendum í New York
fyrir leik sinn í þeirri mynd og kannski eru það
mestu vonbrigðiiji á leikferli hans að hann skyldi
ekki fá óskarsverðlaunin fyrir það hlutverk.
Fáir leikarar í Hollywood hafa unnið jafnmikið
og verið jafnósérhlífnir við sjálfa sig og Kirk
Douglas, enda hefur hann alltaf haft mikinn metn-
að hvort sem hann hefur verið fyrir framan
kvikmyndavélina eða fyrir aftan sem framleiðandi.
Sjálfur segir hann að hann hafi gert bæði góða
hluti og slæma og er áþví að hann hafi stundum
átt að fara sér hægar. I dag gefur hann sér meiri
tíma til að slappa af en segist samt í eðli sínu vera
"vinnuþjarkur. Því komi það aldrei til að hann
.hætti sjálfviljugur að leika í kvikmyndum.
Kirk Douglas á Ijóra syni úr tveimur hjónabönd-
um. Allir starfa þeir við kvikmyndir þó starfssvið
þeirra sé ólíkt. Peter sonur hans var til dæmis við-
riðinn framkvæmdahliðina á Amos, nýjustu mynd
Kirk Douglas, þar sem hann leikur 78 ára gamlan
ekkjumann. Það þurfti að gera hann mun ellilegri
í útliti en hann er því þótt Douglas verði sjötugur
í desember er hann mjög unglegur, enda heldur
hann líkamanum vel við með stanslausum æfingum.
Þekktastur sona hans er að sjálfsögðu Michael
sem er bæði vinsæll leikari og stórhuga kvikmynda-
framleiðandi. Af myndum, sem hann hefur fram-
leitt, má nefna One Flew over Cuckoo's Nest, China
Syndrome, Romancing the Stone og Jewel of the
Nile. Hann lék einnig aðalhlutverkið í þremur þess-
ara mynda. Kirk Douglas segir um Michael: „Hann
er mjög gáfaður. Ég hef alltaf haft það á tilfmning-
unni að hvað sem Michael tæki sér fyrir hendur
mundi hann vera í fremstu röð.“
Þótt Kirk Douglas hafi leikið 78 ára gamlan
mann í nýjustu mynd sinni kæmi það engum á
óvart þó að í þeirri næstu yrði hann í hlutverki
fimmtugs manns og liti ekki út fyrir að vera degi
eldri. •
21. TBL VIKAN 23