Vikan - 03.09.1987, Síða 18
Nafn vikunnar
„Golf er engin
snobbíþrótt"
Áhugifólks á golfifer ört vaxandi hér á landi og leikmönnumjafnt sem
keppnisspilurum fjölgar meö hverju árinu sem líður. Um mánaðamótin júlíl
ágúst var haldið Islandsmeistaramót í golfi á Akureyriþar sem allir helstu
kylfingar landsins leiddu saman hesta sína. Glœsilegurfulltrúi kvenþjóðarinn-
ar í golfinu er Þórdís Geirsdóttirfirá golfklúbbnum Keili í Hafnarfirði.
Þórdís fór norður, sá og sigraði eftir harða og drengilega keppni.
Hinn nýbakaði íslandsmeistari kvenna,
Þórdís Geirsdóttir, er tuttugu og eins árs en
samt enginn nýgræðingur í golfinu. Strax sem
lítil hnáta fór hún að skottast með bræðrum
sínunr út á golfvöll, fylgjast með þeim og
draga kerrurnar. Þetta var sumarið 1978.
Ekki leið á löngu þar til sú stutta fór að laum-
ast í kylfurnar og spreyta sig ásamt hinum.
Hvort sem það var af kylfuskorti eða að litla
systir óx þeim bræðrum yfir höfuð þá hættu
þeir í golfinu. Þórdís lét það ekkert á sig fá,
hún var orðin bergnumin af golfinu, æfði og
tók þátt i mótum af miklu kappi.
- Þórdís, hvers konar íþrótt er golf?
„Golfið byggist á því að slá kúlu eða bolta
í sem fæstum höggum frá upphafsstað i
ákveðna holu á endastöð. Þessir ákvörðunar-
staðir liggja innan ákveðinnar afmörkunar
sem er völlurinn. Vellinum er síðan skipt upp
í brautir sem liggja á milli hola. Til að auka
spennuna í leiknum eru gerðar ákveðnar gildr-
ur í völlinn, svo sem sand- og vatnsgryfjur.
Golfið felst í að spila við völlinn eða jafnvel
sjálfan sig. Einnig er algengt að menn spili
fjórir saman eða tveir og tveir. Þó að þetta
sé ekki átakamikil íþrótt verður fólk að vera
vel á sig komið til að ná einhverjum árangri.
Það sem gerir þetta að hentugri fjölskyldu-
íþrótt er að hver og einn getur ráðið sinni
eigin ferð. Ef viðkomandi er stirður sveiflar
hann kylfunni stutt og leggur lítinn kraft í
höggið, nú ef hann er í góðri þjálfun leggur
hann sig allan í sveifluna. Fólk getur algjör-
lega haft sína hentisemi.
Golfið er upprunnið í Skotlandi og var
sport heldri manna. Það voru eingöngu karl-
menn sem lögðu stund á golfið og eimir ennþá
eftir af þessari gömlu hefð því að við suma
golfvelli i Bretlandi má sjá skilti þar sem á
stendur: ,,Konum og hundum meinaður að-
gangur". Hér heima er þetta ekki svona slæmt
og hafa viðhorf manna til kvennagolfs og
þátttöku barna og unglinga breyst mikið á
undanförnum árum. Við erum að fá upp hóp
af snjöllum krökkum sem mæta á völlinn strax
í bítið á nrorgnana og spila allan daginn.
Golfið er i vaxandi mæli fjölskylduíþrótt en
er alls ekki snobbíþrótt fyrir fáa útvalda. Það
verður sífellt algengari sjón að sjá foreldra
með barnahópinn sinn úti á golfvelli. Eg þekki
dæmi þess að hjá sumum fjölskyldum fer allt
sumarið i það að elta uppi golfvelli úti unt
allt land. Hjá þessu fólki er ekkert eldað í
þrjá mánuði á ári og sunnudagssteikin þarf
stundum að bíða þrjár vikur áður en fjölskyld-
an gefur sér tíma til að setjast niður við
matarborðið." Þórdís verður kankvís á svip-
inn þegar hún minnist á þessa golffjölskyldu
og klappar heimiliskettinum Skottu sem
hringar sig nrakindalega í keltu hennar og
malar.
- Liggja miklar æfingar á bak við meistaratit-
ilinn?
„Það liggur ómæld vinna á bak við allan
árangur, sama í hvaða íþróttagrein það er.
Ég hef stundað golf árum saman og eytt öllum
mínum frístundum úti á velli. Þegar ég var í
skóla þóttist maður vera að spara fyrir vetur-
inn en þegar upp var staðið á haustin var
ævinlega allt í bullandi tapi því að maður elti
hvert einasta mót og það kostar drjúgan skild-
ing. Þrátt fyrir að það sé virkilega gaman að
stunda þessa íþrótt og henni fylgi góður og
skemmtilegur félagsskapur er þjálfunin ekki
eintóm sæluganga. Frá morgni til kvölds er
maður að velta fyrir sér ákveðnum þáttum
golfsins eða þá að rölta unt vellina til að
glöggva sig á kennileitum og reikna út fjar-
lægðir á milli hola því það er ákaflega mikil-
vægt að hafa tilfinningu fyrir landslagi
vallarins.
Ég hef unnið átta surnur hjá golfklúbbnum
Keili á Hvaleyrarvelli og reyni að æfa klukku-
tíma á dag. Ég verð þó að viðurkenna að ég
er latari að fara á völlinn til að þjálfa eftir
að hafa verið þarna allan daginn. Það getur
verið sáluhjálparatriði að komast heim augna-
blik, þó ekki sé nema til að hafa fataskipti
áður en maður skellir sér í slaginn aftur. Lífið
hjá mér snýst um golf enda erurn við hjónin
bæði í þessu af lífi og sál.“
- Hvaða eiginleikum þarf kylfingur að búa
yfir til að ná góðum árangri?
„Golf er 70-80% hugaríþrótt. Aðalatriði
fyrir kylfing, sem vill ná árangri, er að hann
hugsi leikinn rétt. Það er nú einu sinni þann-
ig að golf byggist ákaflega rnikið á röklegri
hugsun og ef hugur og hönd vinna ekki sam-
an er voðinn vís. Það er einnig mikilvægt að
hann hafi gott auga og geti reiknað út fjar-
lægðir. Sveiflurnar eru staðlaðar nema þegar
maður púttar og það er sama hvað gengur
á, kylfunni er alltaf sveiflað eins. Síðan verður
sá sem spilar að breyta um kylfugerðir og
höggstyrk eftir því hvernig landslag vallarins
er.“
- Nú hefur lengi loðað við golfið að það sé
karlagaman. Ertu sátt við hlutfall kvenna inn-
an golfklúbbanna?
„Auðvitað kysi ég að fleiri konur tækju sér
kylfu í hönd og kæmu út á völl. Það vantar
stórlega mikið í kvennaliðið, við erunr allt of
fáar. Ég vil því nota tækifærið, blása í herlúðr-
ana og hvetja stelpur á öllum aldri til að vera
með. Þær geta treyst því að það verður tekið
vel á móti þeim.
Texti: Sigríður Steinbjörnsdóttir - Mynd: helgi skj. friðjónsson
\
18 VI KAN 36. TBL