Vikan - 03.09.1987, Page 23

★ ★ ★ ★
MAURICE
Leikstjórinn þekkti, James
Ivory, sló loksins í gegn í fyrra
með A Room with a View.
Lauk þar með tuttugu og
fimm ára barningi milli fjár-
málamanna því þrátt fyrir að
margar myndir Ivory fengju
mjög góða dóma hjá gagn-
rýnendum hefur aðsókn að
myndum hans verið dræm.
Annað er uppi á teningnum
nú. Handrit streyma til hans.
Hann heldur þó ró sinni og
segist ekki hafa í huga að
breyta til og til að sanna það
valdi hann að kvikmynda
Maurice, sem er eftir E.M.
Forster, þann sama er samdi
skáldsöguna A Room wíth a
View.
Maurice er sjálfsævisöguleg
skáldsaga og segir frá ungum
dreng á Viktoríutímanum
sem á í mikilli innri baráttu.
Hann veit að hann er kyn-
villtur en tíðarandinn vinnur
gegn honum.
Að sjálfsögðu framleiðir
Ismail Merchant kvikmynd-
ina en hann og Ivory hafa
verið óaðskiljanlegir, hafa
starfað saman frá því þeir
gerðu hina rómuðu Shake-
speare Wallah 1965.
Þrátt fyrir nýfundna vel-
gengni hafa Merchant og
Ivory ekki látið undan þrýst-
ingi að vinna fyrir stóru
kvikmyndafélögin heldur
gera Maurica óháða þeim,
segja að frelsið sé fyrir öllu.
Umsjórr. Hilmar Karlsson
ROOM WITH A VIEW
Leiksijóri: James Ivory.
Aðalleikarar: Maggie Smith, Denholm Elliott og Helena Bonham Carter.
Sýningartími: 112 mín. - Útgefandi: Háskólabíó.
Það er óhætt að segja um Room with a View að það að horfa á hana
sé einna líkast því að lesa klassískar fagurbókmenntir. James Ivory hefur
tekist að skapa kringum sögupersónur sínar stemningu sem er afar sjaldgæf
í kvikmyndum. Þessi fallega kvikmynd gerist í byrjun í Florence þar sem
ung stúlka, Lucy Honeychurch (Helena Bonham Carter), er á ferð með
frænku sinni. Hún er sakleysið uppmálað og því fljót að hrífast af ungum
manni, George Emerson (Julian Sands), sem á ástríðuþrunginn hátt sýnir
henni ást sína. Hún reynir að gleyma Emerson þegar til Englands kemur
en hann er ekki á sama máli... Áuk þeirra koma margar skemmtilegar
persónur við sögu og er sérstaklega vert að minnast á Denholm Elliott í
hlutverki föður Emerson og Maggie Smith sem frænku Honeychurch; bæði
sýna snilldarleik í kvikmynd sem öllum ætti að líða vel yfir.
SAVING GRACE ★★
Leikstjóri: Robert M. Young.
Aðalleikarar: Tom Conti, Giancarlo Giannini og Erland Josephsson.
Sýningartími: 107 mín. - Útgefandi: Tefli hf.
Undanfarið hefur Tom Conti verið frekar óheppinn í hlutverkavali.
Kannski má tala um óskynsemi í tilfelli Saving Grace því að það að taka
að sér að leika páfann er hættuspil sem margir hafa flaskað á. Conti leikur
páfa sem hálfleiðist hlutverkið. Þegar hann óvart lendir út fyrir Vatikanið
án páfaskrúðans kynnist hann fyrst venjulegu fólki. Hann kann vel við sig,
lætur vita að hann ætli að taka sér smáfrí frá störfum og heldur út í sveit.
Hann lendir í þorpi þar sem enginn prestur er og spilling allsráðandi. Hann
tekur höndum saman við nokkra krakka um að endurreisa þorpið. Gengur
á ýmsu þar sem ekki eru allir hrifnir af gjörðum hans en með þolinmæði
tekst honum ætlunarverk sitt og fer aftur til starfa mun sáttari við tilver-
una. Saving Grace er gamansöm mynd en nokkuð langdregin og söguþráð-
urinn lítt áhugaverður. Þó má hafa gaman af einstökum atriðum.
WRAITH ★ ★
Leikstjóri: Mike Marvin.
Aðalleikarar: Charlie Sheen, Nick Cassavettes og Sherilyn Fenn.
Sýningartimi: 90 mín. - Útgefandi: Vídeóval.
Hópur illa innrættra unglinga verður ungum dreng að bana þegar hann
vogar sér að vera með stúlku sem foringi flokksins hefur augastað á. Stuttu
eftir þennan atburð kemur fram á sjónarsviðið annar ungur maður á mótor-
hjóli og hrífst einnig af sömu stúlkunni. Unglingaflokkurinn, sem dýrkar
bílakappakstur, fær um leið óvæntan keppinaut á svörtum bíl. Það er fljót-
lega ljóst að veran á svarta bílnum erekki jarðnesk. Sú lætur sigekki
muna um að sigra í kappakstri heldur sér um að sá sem hún keppir við
drepst... Þrátt fyrir að söguþráðurinn sé nokkuð ruglingslegur og ótrúleg-
ur má hafa nokkurt gaman af Wraith. Nokkur sper.nandi atriði eru í
myndinni og Charlie Sheen, sem nú hefur orðið frægur fyrir að leika aðal-
hlutverkið í Platoon, er nokkuð góður í hlutverki táningsins sem enginn
veit deili á. Wraith er gerð fyrir unglinga og ættu þeir ekki að vera sviknir.
DEATH BEFORE DISHONOR ★
Leikstjóri: Terry Leonard.
Aðalleikarar: Fred Dryer, Brian Keith og Joanna Pacula.
Sýningartimi: 90 mín. - Útgefandi: Vídeóval.
Death before Dishonor fjallar um bandaríska hermenn og arabíska
hryðjuverkamenn sem hrella þá. Gerist myndin í Jemal. Þar hefur öfgafull-
ur hryðjuverkahópur aðalstöðvar sínar, rænir bandariskum sendifulltrúa
og heimtar að fangar verði látnir lausir fyrir hann. Þetta lætur Joseph
Burns (Fred Dryer) sér ekki líka og þvert ofan í fyrirmæli sendiherrans
hefur hann einkaaðgerðir gegn hryðjuverkamönnunum. Hann hefur samt
ekki uppi á þeim fyrr en þeim hefur tekist að sprengja bandaríska sendiráðið
í loft upp... Death before Dishonor er ósköp ófrumleg og klisjukennd
kvikmynd, þjóðerniskenndinni er haldið á lofti með því að gera bandarísku
hermennina að einhverjum ofurmönnum og um leið alið á þeirri trú að
langflestir arabar séu hryðjuverkamenn. Myndin nær því samt að vera
nokkuð spennandi á köflum þótt ofbeldið sé fullmikið fyrir minn smekk.
36. TBL VIKAN 23