Vikan - 24.09.1987, Page 29

Viðtal: Jóhanna Margrét Einarsdóttir - Myndir: helgi skj. friðjónsson og fieiri
Anna Erla er uppalin i Stapaseli í Staf-
holtstungum, ein af tíu systkinum, auk þess
á hún eitt hálfsystkini. í Stapaseli átti hún
heima þangað tií faðir hennar dó. árið 1946.
Ári seinna flutti hún til Reykjavíkur. Líf
Önnu Erlu hefur verið ævintýri líkast. Þegar
hún fór út var hún nær ótalandi á enska tungu
en ekki leið á löngu þangað til hún var full-
nunta í enskunni og hafði þar að auki lært
spænsku.
Líf hennar tók miklunt breytingum eftir að
hún flutti til Buenos Aires í Argentínu og gift-
ist Gravinhorst. Þar stýrði hún umfangsniiklu
heimili þeirra hjóna; hún hafði þjón á hverjum
fingri. einkabílstjóra og þernur. ..Maður þurfti
ekkert að gera annað en skipa fyrir. Gravin-
horst. maðurinn minn. átti heimilistækjaverk-
smiðju. Við tilheyrðum hástéttinni og
bjuggum við mjög góðan efnahag." Þau áttu
þrjú sumarhús í Uruguay, suntarhús í Argent-
ínu. skíðaskála og snekkju.
Anna Erla bjó í Argentínu ,á miklum um-
brotatímum. Lýðræðislega kjörinni stjórn
Perons forseta hafði nýlega verið steypt af
stóli og herforingjastjórn tekið völdin. Mikil
ólga var í landinu og götubardagar tíðir.
Anna Erla fór ekki varhluta af þessu. „Maður
þakkaði sínum sæla fyrir að komast lífs af,
samt tilheyrðum við þeirri stétt sem var hvað
vernduðust. Einu sinni var ég að koma heim
og lenti þá á milli stríðandi fylkinga, það var
barist alls staðar umhverfis mig og uppreisnar-
seggir reyndu hvað þeir gátu til að ná af mér
bílnum. Ég komst heim við fremur illan leik
og hafði að skjóta bílnum inn í skúr. En bíln-
um vildu þeir ná til að nota hann sem hlíf
þegar þeir voru að skjóta hver á annan.
Efnahagslíf þjóðarinnar var í rúst en við
sem tilheyrðum yfirstéttinni fundum lítið fyrir
því. Á þessum tíma voru einungis tvær stéttir
í landinu. þeir sem voru ríkir og þeir sem
voru fátækir og þeir voru margir. Kjörum
alþýðufólks kynntist ég í gegnum konu sem
hét Ingibjörg. Hún rak fátækrahjálp og við
hjálpuðumst að við að hlynna að börnunum
og koma þeim i skóla.
Ég veit ekki hvernig ástandið í Argentínu
er núna. Ég veit bara að þeir sækja mikið að
fá að flytja til Ameríku þó þeir séu menningar-
lega séð miklu skyldari Evrópubúum en
Ameríkönum. Annars hugsaði ég ekki ýkja
mikið um stríð og stéttaskiptingu á þessum
tíma. Maður hugsaði meira um að lifa og
skemmta sér; vakna um hádegið. fara út að
versla og koma heim og athuga hvert ætti að
fara um kvöldið og hvernig maður ætti að
vera klæddur. hvort maður ætti að vera með
demanta eða perlur og svo framvegis. Þetta
var allt saman voðalega spennandi eftir að
hafa búið í Borgarfirðinum," segir Anna Erla
dálítið prakkaraleg á svip og skellihlær.
- Hvernig gekk stelpunni úr Borgarfirðin-
um að aðlagast gjörólíku umhverfi og aðstæð-
um j framandi landi?
..Ég kynntist mörgum af frammámönnum
þjóðarinnar og sendiráðsfulltrúum erlendra
ríkja í landinu. Mér hefur alltaf gengið vel
að laga mig að mismunandi aðstæðum, það
hefur verið eins og ég hafi fæðst inn í hástétt-
ina. Þetta kom allt af sjálfu sér."
39. TBL VIKAN 29
l