Vikan - 24.09.1987, Síða 44

NAFN: Simon John Charles Le Bon
FÆDDUR: 27. október 1958
HÆÐ: 188 cm
AUGNL.: Blár
HÁRAL.: Ljós
HLJÓÐF.: Söngur
Foreldrarnir skildu þegar Simon var ungur
en gættu þess alltaf að hvetja hann þegar
hann langaði til að verða skemmtikraftur.
Eftir skyldunám fór hann í leiklistarskóla í
Birmingham en eftir ársdvöl þar var hann
orðinn meðlimur í Duran Duran og þar með
fauk öll menntun lönd og leið. Aðaláhugamál
hans eru siglingar og tókst honum að láta
alla aðdáendur Duran Duran fá áfall þegar
hann hvolfdi skútunni sinni og bjargaðist
naumlega frá drukknun. í desember 1985 gift-
ist hann unnustu sinni, Yasmin Parvaneh.
NAFN: Andrew Wilson Taylor
FÆDDUR: 16. febrúar 1961
HÆÐ: 168 cm
AUGNL.: Blár
HÁRAL.: Brúnn
HLJÓÐF.: Gítar
Forfeður Andys voru fiskimenn en Andy
sýndi engan áhuga á að feta í fótspor þeirra
heldur hefur gítarleikurinn átt hug hans frá
fimm ára aldri. Hann hætti í skóla þegar hann
var sextán ára og var í ýmsum hljómsveitum
þar til hann sá auglýsinguna frá Duran Dur-
an; hafði leikið með öðrum hljómsveitum
fimm hundruð níutíu og fimm sinnum. Hann
er giftur stúlku sem heitir Tracy Wilson og
þaðan kemur Wilson nafnið. Þau eiga einn
son, Andy. Búist er við sólóplötu frá honum
innan skamms.
Vikan — popp
Duran
Duran
Ferill hljómsveitarinnar Duran Duran nær frá
árinu 1978 til dagsins í dag. Þó má segja að
saga þessarar hljómsveitar minni dálítið á
sönginn um grænu flöskurnar uppi á vegg,
þar sem þær týna tölunni hver á fætur ann-
arri. Hljómsveitin var upphaflega skipuð
fimm mönnum en í dag eru meðlimir Duran
Duran þrír.
Arið 1978 var til hljómsveit sem var skipuð
tveimur bassaleikurum, klaríncttuleikara og
trommuheila. Hugmyndin að nafninu er kom-
in úr kvikmynd sem heitir Barbarella.
Aðalhlutverkið í þeirri mynd var í höndum
Jane Fonda og Barbarella átti í höggi við erf-
iðan andstæðing sem hét Duran Duran.
Árið 1978 voru John og Nick orðnir einir
eftir en þá bættist Roger Taylor í hópinn.
Þeir leituðu vel og lengi að gítarleikara og
brugðu svo á það ráð að auglýsa eftir einum
slíkum. Ráðinn var strákur að nafni Andy
Taylor og voru þá Taylorarnir fyrir hreina
tilviljun orðnir þrír, allir óskyldir. Þeir störf-
uðu með sex söngvurum á stuttum tíma en
ekkert gekk upp. Þá benti stelpa, sem þeir
þekktu, á einn af fyrrverandi kærustum sínum.
Sá drengur hét Simon Le Bon. Hann mætti
nokkuð skrautlegur í prufuna. buxurnar voru
bleikar, úr hlébarðaskinni, leðurjakkinn
brúnn og skórnir támjóir. Punkturinn yfir i-ið
var dökku sólgleraugum. Þeim félögum leist
ekkert of vel á röddina í drengnum en sáu
að Simon var trúlega sú týpa sem þeir voru
að leita að svo hann var ráðinn.
Þeir spiluðu í klúbbi sem bar nafnið Rum
Runner. Þar léku þeir við miklar vinsældir
fyrir tiltölulega lítinn pening. Það sem þá
vantaði var að komast í tónleikaferðalag.
Umboðsmaður þeirra hafði svo mikla trú á
þeim að hann seldi ofan af sér húsið til að
kosta ferð þeirra sem upphitunarsveitar fyrir
Hazel O'Connor. Þessi sami maður hefur trú-
lega ekki séð eftir þeirri fjárfestingu þar sem
þeir slógu í gegn.
Fyrsta smáskífan þeirra kom út í febrúar
1981. Hún innihélt lagið Planet Earth. Platan
gekk nokkuð vel en þó blaðamenn og gagn-
rýnendur væru ekki beint á móti sveitinni þá
efuðust flestir um að vinsældirnar entust. En
vinsældirnar fóru vaxandi. Lög eins og Girls
on Film, Careless Memories, Hungry Like the
Wolf, My Own Way, Save a Prayer og Rio
fóru á vinsældalista í heimalandi þeirra, Bret-
landi, og víðar.
Frá því að þeir voru upphitunarsveit fyrir
Hazel O’Connor höfðu þeir, þegar hér er
komið í sögu, haldið fjölda tónleika þar sem
þeir voru aðalnúmerið. Voru vinsældirnar
slíkar að i maí 1983 kom út smáskífa sem
Vmsjón: Helga Margrét Keykdal
NAFN: Nicholas James Bates
FÆDDUR: 8. júní 1962
HÆÐ: 173 cm
AUGNL.: Grænn
HÁRAL.: Ljósskolleitur
HLJÓÐF.: Hljómborð
Nick er yngsti meðlimur sveitarinnar. Hann
breytti nafni sínu þegar hann byrjaði í Duran
Duran; Rhodes nafnið fékk hann af hljóm-
borðstegund. Hann er einn af stofnendum
Duran Duran og heilinn á bak við sveitina.
Hann er afskaplega upptekinn og segir að
sólarhringurinn sé alls ekki nógu langur fyrir
sig. Hann hefurmeðal annars komið nokkrum
óþekktum sveitum á framfæri og af þeim er
Kajagoogoo einna þekktust. Einnig hefur
hann haldið ljósmyndasýningar og gefið út
bókina Interference sem inniheldur abstrakt-
Ijósmyndir. Hann er giftur bandarískri fyrir-
sætu sem heitir Julie-Ann Friedman og eiga
þau dóttur sem heitir Tatjana.
NAFN: Nigel John Taylor
FÆDDUR: 20. júní 1960
HÆÐ: 187 cm
AUGNL.: Brúnn
HÁRAL.: Brúnn
HLJ ÓÐF.: Bassi
John er sá sem gengur einna mest í augun
á stelpunum. Hann er líka veisluglaðastur af
þeim og að þeirra sögn tekur hann næturvakt-
irnar í almenningstengslunum. Hann er mikill
aðdáandi James Bond myndanna og á þær
allar á myndbandi. Hann á líka eitt stykki
Bondbíl (Aston Martin) og var fremstur í
flokki þegar titillagið A View to a Kill var
samið. Hann er sá eini sem er ekki giftur en er
í föstu sambandi með dönsku fyrirsætunni
Reneé Simonsen.