Vikan - 08.07.1943, Blaðsíða 2

2
VIKAN, nr. 27, 1943
Pósturinn | B
Kæra Vika!
Getur þú sagt mér hve gamall ég
þarf að vera til að fá leyfi til að
skjóta af byssu eða riffli, og hvaða
önnur skilyrði eru sett?
Óska vinsamlegast eftir svari í
næsta blaði.
Með vinsemd, „Hr. L.“
Svar: Menn þurfa að vera yfir 18
ára að aldri til þess að fá byssuleyfi
og eru það lögreglustjórar, sem veita
þau.
Svar til „Næturgala“:
t>að er t. d. gert hjá Hans Peter-
sen, en ekki þeim, sem þér getið um,
einnig mun Carl Ölafsson, Lækjar-
götu 8, og Týli h.f., Austurstræti
20, gera það. Annari spurningunni
svörum við ekki að sinni, en um þá
þriðju er það að segja, að þær virðast
ekki fást núna. Við spurðum víða
um þær.
Kæra Vika!
Viltu nú ekki vera svo góð og
svara héma nokkrum spumingum
fyrir mig? Hvað er lengi verið að
læra til loftskeytamanns ? Þarf gagn-
fræðapróf til þess ? Hvar er það
kennt? Em margir kvenmenn loft-
skeytamenn? Eg er mjög áköf í að
fá upplýsingar sem fyrst.
Þín einlæg
Olla.
Svar: 1. Tvo vetur, 6 mánuði,
hvorn vetur. 2. Gagnfræðapróf þarf
eða sambærilega menntun. 3. Kennsl-
an fer fram á vegum Landssímans
og sér hann um húsnæðið, en skólinn
mun enn ekki hafa neinn fastan
samastað. 4. Enginn kvenmaður, sem
hefir próf í loftskeytafræðum, mun
vera hér á landi.
Rose Teed er mjög upp með sér af
því, að stöðuvatn á eynni Kodiak í
Alaska, verður látið heita í höfuðið á
henni. Ástæðuna til þessa telur hún
vera þá, að hún hefir skrifast á við
eiganda vatnsins í mörg ár, — en
hefir samt aldrei séð hann.
Kæra Vika!
Geturðu ekki sagt mér hve
Múhameðstrúin er mikið útbreidd í
heiminum ? Söguþyrstur.
Svar: Um þetta segir í Mannkyns-
sögu Ólafs Hanssonar: „Múhameðs-
trú (Islam) á um 250 milljónir ját-
enda. Hún er ríkjandi trú í Norður-
Afríku og að miklu leyti i Súdan,
V.-Asíu, Mið-Asíu vestanverðri og A,-
Indíum. Einnig á hún mikið fylgi í
Vestur-Indlandi og dálítið í Kína. 1
Evrópu á hún mest fylgi í Tyrklandi
og Albaníu og dálítið í Rússlandi og
Júgóslafiu. Múhameðstrúarmenn eru
klofnir í tvo aðalflokka, sunníta og
sjita, en þeir hafa hvor um sig klofn-
að i ýmsa undirflokka, einkum sjitar.
Sunnítar eru miklu fjölmennari. Sjít-
ar eiga mest fylgi í Iran, en auk þess
nokkuð í Vestur-Indlandi, Irak, Sýr-
landi og Norður-Afríku.
Af sértrúarflokkum meðal Mú-
hameðstrúarmanna má nefna t. d.
Wahabíta í Arabíu, er vilja hverfa
aftur að ströngum, óbrotnum lifnað-
arháttum og fara nákvæmlega eftir
boðum spámannsins. Drúsar í Sýr-
landi hafa blandað saman sjíta-trú og
eins konar náttúrudýrkun. Mikla
eftirtekt hefir Babisminn vakið. Sú
stefna er upprunnin í Persíu á 19. öld,
og gætir í henni allmikilla kristinna
áhrifa. Babistar hallast að dulrænu
og algyðistrú. Hefir kenning þeirra
hlotið dálítið fylgi í Evrópu og
Ameriku."
Hershöfðingjaskipti.
William S. Key hershöfðingi.
færaverziunum, eins og stendur. En
síðast þegar þeir fengust, fyrir 2
mánuðum, þá kostuðu þeir 300 kr.

Kæra Vika!
Getur þú gefið mér upplýsingar
um, hvort fáist Hawiian-gítarar í
Reykjavík núna, og kvað þeir kosta.
Með fyrirfram þökk fyrir.
Katla.
Svar: Þeir fást hér ekki í hljóð-
Kæra, margfróða Vika min!
Ertu ekki svo vel að þér í skáld-
skap að þú getir sagt mér, hvemig
bragarhátturinn „stikluvik" er?
Ljóðavinur.
Svar: Hann er svona:
„Strengjum létti, steig á gnoð
steinda fögrum blóma;
byrinn þegar brast í voð,
svo bognaði löngum siglustoð.“
Vélaverkstœði
SIG. SVEINBJORNSSONAR
Simi 5753 — Skúlatúni 6 — Reykjavik
FRAMKVÆMIR;
Vélaviðgerðir
Vélasmíði
Uppsetning á vélum
og verksmiðjum.
Gjörum við og gjörum upp bátamótora.
SMÍÐUM ENNFREMUR
Síldarflökunarvélar
ískvamir
Rörsteypumót
Holsteinsvélar.
Charles H. Bonesteel hershöfðingi.
Charles H. Bonesteel, sem verið
hefir yfirhershöfðingi ameríska setu-
liðsins á Islandi síðan 16. september
1941, hefir nýlega látið af stjóm
þess og verið kvaddur til annarra
starfa. Og var hann þá sæmdur
heiðursmerki fyrir dyggilega þjón-
ustu í þágu þjóðar sinnar hér á landi.
Bonesteel hershöfðingi mun hafa
eignast hér marga vini vegna hlýlegs
viðmóts og prúðmennsku og allrar
framkomu sinnar. — Hinn nýi yfir-
hershöfðingi heitir William S. Key, er
frá Oklahama og hefir 36 ára reynslu
sem hermaður, fæddur i Alabama 6.
október 1889, kvæntur og á tvo syni
og eina dóttur. Hershöfðinginn tók
á móti gestum í salarkynnum Rauða-
krossins við Hringbraut á þjóðhátíð-
ardegi Bandaríkjanna, 4. júlí. Ávarp-
aði hann þar blaðamenn sérstaklega
og fór hlýlegum orðum um land vort
og þjóð. Eftir að gestir höfðu þegið
veitingar var þeim boðið í kvik-
myndasal, þar sem hljómsveit lék
nokkur lög, sunginn var einsöngur,
spilað á banjó og harmoniku og sýnd
áhrifamikil kvikmynd úr sögu ame-
rísku þjóðarinnar og var hún einkum
um fána hennar.
Utgefandi: VIKAN H.F., Reykjavík. — Ritstjóri og ábyrgðarmaður: Jón H. Guðmundsson, Kirkjustræti 4, sími 5004, pósthólf 365.