Vikan - 12.08.1943, Blaðsíða 15

VIKAN, nr. 32, 1943
15
Þegar kona . . .
Framhald á bl3. 15.
hefir margt verið reynt í þess stað.
Aether, sem er notaður á sama hátt
og chloroform, hefir þann kost, að
hann dregur minna úr hriðunum, en
hins vegar þarf meira af honum og
hann er ekki eins fljótvirkur og þægi-
legur i notkun. Hefir hann því ekki
náð að útrýma chloroforminu.
Glaðloft dregur ekki, að talið er,
neitt úr hríðunum og hefir þann kost,
að hægt er að gefa það miklu fyrr í
fæðingunni, en það er aftur á móti
dýrt og fyrirferðármikið og útheimt-
ir sérstök áhöld. Það er því ekki nógu
einfalt og handhægt í notkun. Aðrar
deyfingaraðferðir, eins og innspýting
lyfja í æðar, mænu og taugabrautir
eða endaþarminn, hafa allar haft sína
annmarka og ekki náð að ryðja sér
til rúms. Fram til þessa hefir engin
aðferð náð að útrýma chloroform-
deyfingunni.
„Casablanca Camellía“.
Hér sést Eleanor Parker kvik-
myndaleikkona með blómi því, sem
nefnt hefir verið „Casablanca Camell-
ia" til heiðurs Roosevelt forseta, eftir
að hann fór hina minnisstæðu flugför
til Casablanca í Marokko.
Nuffield lávarður.
Þetta er mynd af brézka mann-
vininum Nuffield lávarði, sem stofn-
að hefir sjóð með 40,000,000 dollara
og á að verja honum til styrktar
læknisfræðilegum rannsóknum.
„EN ÞAÐAN KOMA
LJÓS HIN LOGA-
SKÆRU“.
Framhald af bis. 7.
próf í Kaupmannahöfn 1917 í
rafmagnsverkfræði. — Hann
dvaldi síðan eitt ár í Noregi og
tvö ár í Svíþjóð við rafmagns-
verkfræðistörf, en réðist 1.
febrúar 1920 til Reykjavikur-
bæjar, sem eftirlitsmaður með
rafmagnslögnum og varð 1. júní
1921 rafmagnsstjóri og hefir
gengt því embætti síðan. Hann
er kvæntur Láru Árnadóttur,
Sveinssonar, fyrrum kaupmanns
á ísafirði, og konu hans Guð-
rúnar Brynjólfsdóttur frá Mýr-
um.
Þetta er einkennisbúningur kvenna,
sem eru i þjónustu Bandarikjaflotans.

gh Gashitarinn
EK A VIÐ HITAVEITU SEM BORG-
AR SIG NIÐUR Á EINU ÁRI.
GH-GASHITARINN vinnur hita, sem ella tap-
ast með útblástursgasi Dieselvéla og
sem nemur um þriðjungi þeirrar olíu
sem vélin brennir.
GH-GASHITARINN hitar upp vatn, sem nota
má til upphitunar eða neyslu.
GH-GASHITARINN var smíðaður í fyrsta skipti
fyrir sundlaugina á Siglufirði — 1940
— og hefir reynst svo vel, að nú ný-
verið hafa borist pantanir frá ýmsum
stöðum á landinu.
GH-GASHITARINN sparar sig í mörgum tilfell-
um upp á einu ári — miðað við kola-
kyndingu sem þyrfti til framleiðslu
sama hita.
GH-GASHITARINN er byggður eftir flóknum
og nákvæmum útreikningum fyrir mis-
munandi vélastærðir.
GH-GASHITARINN á heima víðast hvar þar
sem Dieselvélar eru starfræktar — svo
sem við Diesel-rafstöðvar — í hrað-
frystihúsum — mótorskipum — verk-
smiðjum og víðar.
Vér eigum enn efni í nokkra GH-GASHITARA
og getum tekið að oss smíði þeirra ef samið er
strax.
Vélsmiðjan Jötunn h.f.
Hringbraut. — Sími 5761.

SKRÍTLUR.
Robinson er dálítið f jarhuga. Fyrir
nokkrum dögum sat hann i veitinga-
húsi og er þjónninn í annað sinn
rétti að honum matseðilinn, sagði
hann: „Nei, þakka yður fyrir, ég
kæri mig ekki um að lesa á meðan ég
borða.“
Nýgifta konan, við vinstúlku sína:
Maðurinn minn talar svo mikið upp
úr svefninum, að ég er viss um að
ég gæti haft upp úr honum hans
helgustu leyndarmál.
Vinstúlkan: Minnist hann nokkum
tíma á mig.
„Maðurinn, sem ég giftist, verður
að vera hetja,“ sagði ekkja nokkur.
„Það má hann til með að vera,“
sagði meinyrtur piparsveinn, sem
hún var að tala við.
Telpa, sem var að skoða dýragarð,
sagði þegar hún sá zebradýr: „Sjáðu,
mamma, þarna er hestur í baðfötum.”
Jóna: Hann afi er 90 ára gamall!
Finnst þér það ekki merkilegt?
Sigga: Merkilegt? Nei! Það verð-
ur að gá að því, hvað það hefir tekið
hann langan tima að verða svona
gamall!
„Mamma", spurði lítill drengur,
„geturðu sagt mér, hvað verður um
eldinn, þegar hann deyr?" „Nei.’ekki
frekar en hvað verður um hann pabba
þinn, þegar hann fer út á kvöldin."
Amerísk kona að athuga strand-
vamabyssu.