Vikan - 24.08.1944, Blaðsíða 2

2
VIKAN, nr. 34, 1944
Pósturinn
Kæra Vika!
Mér hefir verið sagt, að fyrirmynd
að þýzku þegnskylduvmnunni sé að
finna á Islandi. Mig langar til, að
þú, kæra Vika, sem oft ert æði ráð-
holl, skerir úr þessu fyrir mig, og
tjáir mér Uka, hvaða maður það er,
sem hefir um þessi mál rætt og ritað,
svo að Þjóðverjar gátu af honum
lært. J. P. E.
Svar: Sumir segja, að Þjóðverjar
hafi hugmynd sýna um þegnskyldu-
vinnuna frá Islandi, en sá maður, sem
fyrst hreyfði þessu máli hér var Her-
mann Jónasson frá Þingeyrum.
Kæra Vika!
Mig langaði til að leita þeirra upp-
lýsinga hjá þér, hvort Handíðaskól-
inn í Reykjavík er einkaskóli eða rík-
isskóli. P. S.
Svar: Handíðaskólinn í Reykjavík
er einkaskóli, sem nýtur styrks úr
ríkissjóði.
Kæra Vika!
Okkur langar til að biðja þig um
að svara dálítilli spumingu fyrir
okkur. Hvaða litir klæða okkur bezt ?
Ég er með ljóst hár, grá augu og
frekar ljósa húð svo er ég bæði há
og grönn. En ég er ljóshærð, gráeygð
og hefi dökkan hörundslit og rjóðar
kinnar, svo er ég iág og nokkuð feit
(ekki mjög). Hvemig færi okkur
fjólublátt ?
Við sendum þér fjóra kossa.
Vinstúlkur.
Svar: Þeirri fyrmefndu mun svart
fara vel, sterkir litir, rautt og blátt;
en þeirri síðamefndu ljósblátt, grænt
og bleikt. Fjólublátt er nothæft.
Halló, Vika!
Getur þú sagt mér, hvaða utaná-
skrift vesturíslenzka blaðið Heims-
kringla hefir?
Dætur Islands.
Svar: „Heimskringla", The Viking
Press Ltd. 853—855 Sargent Avenue,
Winniþeg, Man. Canada.
Reykjavik, 24.júlí 1944.
Kæra Vika.
Segðu mér eitt.
Er mögulegt að fá eitthvað af
gömlu góðu bókunum um Tarzan
apabróðir og Buffalo Bill.
Sami.
Svar: Tvær af Tarzan-bókunum
fást enn þá á íslenzku í bókaverzl-
unum.
10. ágúst 1944.
Halló, „Vika"!
Þú getur víst ekki sagt okkur,
hvort bókin „Ramona" mun fást í
bókabúðum og ennfremur eftir hvaða
tónskáld er lagið, sem er leikið á
undan morgunfréttunum.
Tvær 15 ára.
1. Bókin Ramona fæst ekki á ís-
lenzku, en aftur á móti mun hún fást
á ensku.
2. Lagið er menuett í A-dúr eftir
Boccherini.
Kæra Vika!
Okkur langar til að biðja þig að
leysa úr þrætu okkar. Hvort er hinn
vinsæli söngkvartett „Comedian
Harmonist" enskur eða þýzkur. Það
varðar veðmál, ef þú ieysir úr þessu.
Með fyrirfram þökk fyrir birting-
una. Þrætugjarnir.
Svar: Comedian Harmonists eru
þýzkir.
ADVORUN
| Að gefnu tilefni tilkynnist hér með öllum, er |
1$ hlut eiga að máli, að ýtrustu varkárni ber að |
gæta um meðferð á innfluttum hálmumbúðum. |
Óheimilt er að taka vörur úr hálmumbúðum, |
nema undir eftirliti lögreglunnar, og skal tafar- |
laust brenna umbúðunum, þannig að útilokað sé, |
að áliti lögreglunnar og dýralæknis, að hætta |
geti stafað af hálminum. |
Lögreglustjórinn í Reykjavík, |
21. ágúst 1944. |
Agnar Kofoed-Hansen 1
Kæra Vika!
Það, sem mig langar til þess að
spyrja þig í þetta sinn er, hvort frí-
merkjabækur séu fáanlegar, og hvað
þær muni kosta. Nanna.
Svar: Islenzk frímerkjabók, út-
gefin af Gisla Sigurbjömssyni, fæst í
flestum bókaverzlunum og kostar
fjórtán krónur.
Kæra Vika!
Viltu gera svo vel og segja mér,
hvar ég get fundið sálminn „Lýs
milda ljós". Ég hefi verið að leita í
sálmabókinni en ekki getað fimdið
hann þar.
Með beztu kveðju.
Ragna.
Svar: Sálmur þessi er í sálmabók-
arviðbæti próf. Haraldar Níelssonar,
„Þitt ríki komi", en þar sem sú bók
er ófáanleg, þá birtum við hann hér.
1. Lýs, milda ljós, í gegnum þenn-
an geim. Mig giepur sýn; því nú er
nótt, og harla langt er heim. Ó hjálp-
in min, Styð þú minn fót; þótt fetin
nái Skammt, Ég feginn verð, ef áfram
miðar samt.
2. Ég spurði fyrr: Hvað hjálpar
heilög trú Og hennar ljós? Mér sýnd-
ist bjart, en/ birtan þvarr, og nú Er
burt mitt hrós. Ég elti skugga, fann
þó sjaldan fyð, Unz fáráð öndin sætt-
ist guð sinn við.
3. Þú ljós, sem ávallt lýsa vildir
mér, þú logar enn, — 1 gegnum bár-
ur, brim og voðasker. Nú birtir senn.
Og ég finn aftur andans fögru dyr
Og engla þá, sem barn ég þekkti
fyrr.
Kæra Vika!
Geturðu ekki frætt mig um, hvort
hljómsveit Glenn Millers, sem lék i
bíómyndinni „Eiginkonur hljómlistar-
manna", er sýnd var í Nýja Bíó fyrir
nokkru, hafi fylgt honum, þegar hann
gekk í herinn, eða er það ekki satt,
að hann sé genginn i herinn ?
Geturðu ekki einnig frætt mig um,
hver sé jazzkóngur Ameriku.
Moto.
Svar: Það er víst rétt, að Glenn
Miller sé kominn í herinn, og þá hefir
auðvitað hljómsveit hans orðið að
hætta störfum í bili.
Það eru svo margir, sem gera
kröfur til þess að verða Jazzkóngar
Ameriku, að það er ekki hægt að
gefa neitt ákveðið svar við því.
Ný bók.
Liljur Vallarins, heitir ný bók, sem
bókaútgáfan Esja í Reykjavík hefir
gefið út. Það er saga frá Tahiti, sem
var hér útvarpssaga og hefir einnig
sézt á kvikmynd. Höfundar bókarinn-
ar eru C. Nordhoff og J. N. Hall, en
Karl Isfeld blaðamaður sneri á ís-
lenzku.
Rauðskinna
í næstu viku kemur út nýtt hefti af
Rauðskinnu, hinu vinsæla þjóðsagna-
safni Jóns Thorarensen.
í þessu hefti er auk margs annars stór-
merkileg frásögn ensks fræðimanns,
sem tekin er eftir bréfi frá honum til
Ásgeirs heitins Sigurðssonar konsúls.
Bókaverzlun
ísafoldarprentsmiðju.
Utgefandi: VIKAN H.F., Reykjavík. — Ritstjóri og ábyrgðarmaður: Jón H. Guðmundsson, Kirkjustræti 4, sími 5004, pósthólf 365.