Vikan - 02.01.1947, Page 1

Sendiherra íslands í
Stokkhólmi
Vilhjálmur Finsen, sendiherra.
landsbokasafn
M ÍG9028
Zs jsaníjs-
Vilhjálmur sendiherra
Finsen er staddur hér í
bœnum um stundarsakir
og notaði Vikan tœkifœr-
ið til að tala við hann
og birta mynd af hon-
um.
"Fkeir munu ekki margir, er nú gista full-
orðnir mexm á Hótel Borg, sem gætu
sagt það, að þeir séu staddir á fæðingar-
stað sínum. En einmitt þar sem hótelið
stendur nú var gamla pósthúsið og í því
fæddist Vilhjálmur Pinsen 7. nóv. 1883,
sonur O. P. Finsen póstmeistara og seinni
konu hans Maríu Þórðardóttur háyfirdóm-
ara Jónassen.
Á skólaárum sínum var Vilhjálmur leið-
sögumaður og túlkur erlendra ferðamanna
bæði hér heima og erlendis. Hann varð
stúdent 1902 og las málfræði, með ensku
sem aðalnámsgrein við háskólann í Kaup-
mannahöfn, en hvarf frá því námi og
lagði stund á hagfræði, og varð cand. phil.
1904. 1 Kaupmannahöfn ritaði hann í
dönsk blöð fréttapistla frá Islandi, og var
um tíma fastur starfsmaður við „Poli-
tiken“. Árið 1907 réðst hann til Marconi-
félagsins, tók sama ára próf í skóla þess
í London og sigldi síðan í eitt ár sem loft-
skeytamaður á stórum skipum milli
Evrópu og Ameríku. Svo varð hann kenn-
ari Marconi-félagsins við skóla þess í
Hamborg og Rotterdam og varð upp úr
því umsjónarmaður fyrir félagið, við upp-
•setningu loftskeytastöðva og þess háttar.
í þjónustu Marconifélagsins sigldi hann
með skipum margra þjóða og fór t. d. 72
ferðir yfir Atlantshaf.
Framhald á bls. 3.