Vikan - 03.04.1947, Side 3

VIKAN, nr. 14, 1947
3
Enskar markaðsborgir.
Allstaðar í Englandi eru markaðsborgir og markaðstorg. Þang-
að hafa bændurnir komið árum saman, einu sinni í viku, til að
selja afurðir sínar og hitta kunningjana. Markaðsdagurinn er
ennþá aðal viðburður sveitalífsins í Englandi. Enski bóndinn hefir
fengið orð fyrir að vera stundum óþarflega lengi í markaðsferð-
inni og mun það satt vera, því að bændur hafa mjög gaman af
markaðsferðunum. Dagurinn er honum ekki aðeins þýðingar-
mikill til að gera hagkvæm viðskipti, heldur nýtur bóndinn há-
vaða og erils dagsins, slúðursagnanna og skemmtanana. Allar
götur markaðsborgarinnar eru fullar af bílum, kerrum og vögn-
um. Sögur ganga manna á milli, kýrnar baula, kindurnar jarma,
en upp yfir alla háreistina heyrist rödd uppboðshaldarans, sem
selur búpeninginn, „annað sinn, býður enginn betur.“ Alls staðar
er ys og þys og mikil fjölbreytni.
Salan fer aðailega fram á morgnana, en um hádegið fara
bændurnir með konur sínar inn í eitthvert veitingahús og ræða
þar ákaft saman yfir matnum. Seinni hluta dags fer sveitafólkið
í búðir og ef til vill í kvikmyndahús, jafnvel þótt á sama tíma sé
kannske þýðingarmikil bændaráðstefna í borgarráðinu.
Myndin sýnir tvo bændur — annar er seljandi, en hinn er tilvonandi kaup-
andi — þjarka um verð á tveim kúm. Allan þann tíma, sem þeir prútta
um verðið takast þeir í hendur, sem er gömul venja, en beljurnar bíða á
meðan hinar rólegustu.
Litli snáðinn rekur heim til sín kýr, sem keyptar hafa verið á markað-
inum í Richmond.
Bæði borgarbúar og sveitafólk þyrpist á markaðinn tii að kaupa og selja
og ræða við kunningjana. Að ofan sést grænmetissala á markaðstorgi i
Richmond.
Hér sést borgarráðið í Richmond, er það kemur saman á markaðsdegi.
Allir bændur, sem sæti eiga í ráðinu eru fjarverandi. Þeir eru uppteknir
á markaðstorginu. Borgarstjórinn situr fyrir enda borðsins. Hin dýrmæta
festi, er hann ber, er tákn um vald hans.
Þetta er Richmond í Yorkshire. Fólkið safnast saman á markaðstorgið.
Kirkjuturn eins og myndin sýnir má víða finna í enskum sveitaþorpum.