Vikan - 27.01.1949, Síða 3
VIKAN, nr. 4, 1949
3
Féiag íslenzkra
Starfsemi áhugamanna hefur verið ís-
lenzkum flugmálum mikils virði. „Dreng-
irnir“, sem voru að „leika sér“ að svif-
flugi hér á árunum gerðu mikið gagn. Um
það verður varla deilt, að flugmálin eru að
verða einn af merkustu þáttunum í þjóð-
lífi okkar og því bráðnauðsynlegt, að
dugnaðar- og hæfileikamenn helgi þeim
krafta sína í beinu starfi. Jafnvel tóm-
stundavinna slíks fólks getur komið að ó-
metanlegum notum.
Félag íslenzkra einkaflugmanna gaf
blaðamönnum nýlega kost á að skoða hið
nýja félagsheimili sitt á Reykjavíkurflug-
velli. Það er í bragga, sem útbúinn hefur
verið til þessarar starfsemi. Björn Br.
Björnsson, formaður félagsins, hélt ræðu
og sagði m. a.:
Félag íslenzkra einkaflugmanna var
stofnað 10. okt. 1947, og voru stofnend-
ur 40. Félagstala er nú um 70. Tilgangur-
inn samkv. félagslögum er m. a. að glæða
áhuga á flugi, auka öryggi, hafa með
höndum fræðslustarfsemi ö. fl.
IJr skýrslu félagsstjórnarinnar á aðal-
fundi F. I. E. í apríl síðastliðinn:
Útvegaður braggi á Reykjavíkurflug-
velli fyrir félagsheimili. Ákveðið að setja
upp íslandskort í félagsheimilið og merkja
þar á alla lendingarstaði á landinu, enn-
fremur að útbúa spjaldskrá yfir alla flug-
velli og lendingarstaði með tilheyrandi
upplýsingum. Koma skal upp bókasafni
fyrir félagið.
Fluttir hafa verið fyrirlestrar. Sýndar
hafa verið ýmsar fræðslukvikmyndir.
Félagið tók þátt í leit að flugvélinni,
sem fórst á Hellisheiði í vetur. Félags-
menn mynduðu bæði gönguleitarhópa og
leituðu úr eigin flugvélum.
I samráði við yfirstjórn flugmálanna.
og í samvinnu við atvinnuflugmenn,
hefur nú verið hafizt handa um merk-
ingu flugvalla. Nú þegar hafa þessir vell-
ir verið merktir og settir þar upp vind-
pokar: Kaldaðarnes, Hella, Múlakot og
Stóri Kroppur. Skal þess getið að í þess-
um ferðum hefur þátttaka verið langmest
frá okkar félagi.
Eins og í skýrslu þessari getur var það
eitt af takmörkum félagsins að koma upp
félagsheimili þessu, og setja hér upp ís-
landskort með ámerktum flugvöllum eða
lendingarstöðum — hér sjáið þið kortið
— og prjónarnir, sem festir eru hér á,
tákna lendingarstaði, en númerin vísa til
spjaldskrár, þar sem eru ýtarlegar upp-
lýsingar um vellina. Skráin er enn ekki
fullgerð, en sem dæmi eru hér Vestmanna-
eyjar. (Lét form. ganga meðal manna
spjald, þar sem öðru megin voru 3 mynd-
ir frá Vestmannaeyjum, en hinum megin
nauðsynlegar upplýsingar fyrir flugmenn
um þann stað.) Það er mikilvægur þáttur
einkaflugsins, eða minni flugvélanna, að
finna og reyna nýja flugvelli, sem síðar
geta orðið nothæfir fyrir stærri flugvélar,
einkafiugmanna
eða a. m. k. sem nauðlendingarvellir. Oft
þarf ekki nema sæmilega slétt tún til
lendinga, og getur það haft mikla þýðingu
fyrir sjúkraflug eða í neyðartilfellum,
þar sem ekki er hægt að koma stærri flug-
vélum við. Þetta skilur fólkið í sveitun-
um,og hefur einkaflugmönnum alstaðar
verið tekið forkunnar vel í slíkum leið-
angrum. Dæmin sanna mikilvægi þessa
þáttar einkaflugsins. Félagið hefur fullan
hug á samstarfi við Slysavarnafélag Is-
lands og Rauðakross íslands, þar sem slík
starfsemi gæti komið að gagni — auð-
vitað án endurgjalds.
Það eru enn ekki liðin 50 ár síðan
fyrsta vélflugan hóf sig á loft, það er því
engin furða, þótt einkaflug á íslandi
sé ekki gamalt í hettunni. Atvinnuflug
og millilandaflug er einnig nokkuð nýr en
orðinn merkur þáttur í sögu Islendinga.
Það er einnig merkur þáttur í flugmálum
okkar, að hér eru starfandi flugskólar,
og flugmálastjórnin hefur sett á stofn
flugskóla í bóklegum fræðum, bæði fyrir
próf undir einkaflugmannaréttindi, A-
próf, sem veitir réttindi til flugs m'eð far-
þega án endurgjalds og einnig skóla
fyrir B-próf, sem gefur réttindi til at-
vinnuflugs. I fyrri deildinni eru nú 20
nemendur, en í atvinnuflugmannsdeild
22 nemendur, sem allt eru félagar í Félagi
einkaflugmanna. 2 félagar luku atvinnu-
prófi hér á síðastliðnu sumri og eru nú
starfandi hjá flugfélögum hér. Það er
ekki þýðingarlítið atriði fyrir flugmenn,
að alast upp við hin óblíðu veður- og land-
lagsskilyrði á Islandi. Þótt ekki sé minnst
á hinn marg umtalaða gjaldeyrissparnað.
Þannig má einnig sannprófa hæfileika
manna til flugs, án þess að eyða dýrmæt-
um gjaldeyri — og síðast en ekki sízt
geta ungir menn í byrjun stundað vinnu
sína, en tekið flugnámið í hjáverkum, og
þannig má fá hæfileikamenn á rétta hillu,
sem þeir annars ættu engan kost á, hvers\i
færir sem þeir væru.
Þetta félagsheimili er vel í sveit sett,
þar sem flugskýli einkaflugvéla er rétt
hjá. Ætlunin er einnig sú að hér geri
félagsmenn flugáætlanir fyrir yfirlands-
flug (hér liggja frammi áhöld til útreikn-
inga og kort) og liggur þá í augum uppi,
hve þýðingarmikið það er að hafa þetta
kort, þar sem áður en lagt er af stað, má
á augabragði fá yfirlit yfir lendingar-
staði, sem til eru á leiðinni. Hér er einnig
kominn vísir að bókasafni um flugmál og
munu félagsmenn einnig leggja hér fram
tímarit (um flugmál) sem þeim áskotn-
ast. Hér á veggjunum sjáið þið ýmsar
fallegar myndir, teknar úr lofti, það er
einnig ætlun okkar, að í framtíðinni verði
þetta skýr leiðarvísir um helztu flugleiðir.
Að ræðu formanns lokinni tók Agnar
Kofoed-Hansen, formaður flugráðs, til
máls og sagði í mjög skemmtilegri ræðu
sögu einkaflugsins hér á landi. Hann
kvaðst og vona, að innan fjögra ára yrði
hægt að vígja á flugvellinum vandað fé-
lagsheimili allra íslenzkra flugmanna.
I stjórn íslenzkra einkaflugmanna eru:
Formaður: Björn Br. Björnsson. Vara-
formaður: Baldvin Jónsson. Ritari: Hauk-
ur Claessen. Gjaldkeri: Steindór Hjaltalin.
Bréfritari: Lárus Öskarsson.
Þarna sést baðfatatízkan um 1880 og
1948. Tízkan hefur ekki breytzt svo lítið
á þessu 68 árum.
Hin fagra, mexíkanska kvikmyndaleik-
kona Maria Felix hefur hlotið mikið lof
fyrir leik sinn í myndinni ,,Maclovia“.
Einn hinna afrikönsku fulltrúa á ný-
lenduráðstefnunni i London sést hér á
myndinni. Það er frú Elaa Bai Iloklos,
kona höfðingja í Sierra Leone.