Vikan - 12.05.1949, Blaðsíða 10

10
VTKAN, nr. 19, 1949
* HEIMILIÐ * || Heyrnardeyfa.
iiiiiiiin 1111111 iiiiiii ii iiiiii ii iiimiiimiiiiiiiiiiiiiiiimiii iii ii 111111111111 ■k'** *>i ii ii 111111111111111111111111111111111111111111111 Eftir dr. G. C. Myers.....
Matseðillinn
Kjötbollur.
250 gr. kjöt, 250 gr. soðnar kart-
öflur, 25 gr. tvíbökumylsna, 25
gr. maizenamjöl, 2 y2 di. mjólk,
1—2 egg, pipar og 'salt.
Kjötið er þvegið og brytjað smátt,
látið saman við afhýddar, kaldar
kartöflur, tvíbökumylsnu og mjöl.
Allt hakkað tvisvar eða þrisvar í
hakkavél. Síðan eru eggin, ásamt
mjólkinni, lítið í senn, látin saman
við og farsið svo hrœrt vel. Salt og
pipar látið út i og dálítið af lauk,
eftir vild. Bollurnar steiktar ljósar í
smjörlíki (smjöri). Bera má fram
með þessu kartöflusalat eða græn-
meti, brúnað smör eða tómatsósu.
Trifli.
250 gr. makkarónur, 2 matskeið-
ar sherry, 2% dl. vanillakrem,
2 blöð matarlím, ávaxtamauk,
1% dl. þeyttur rjómi.
Sherryinu er helit yfir makkarón-
urnar. Er þær eru gegnblautar, eru
þær látnar í glerskál og ofan á þær
þunnt lag af ávaxtamauki, síðan er
vanillukreminu, sem matarlímið hef-
uf verið látið í, hellt ofan á ávaxta-
maukið. Triflið er skreytt með þeytt-
um rjóma.
Tízkumynd
Þegar heitt er í veðri, er gott að
vera svona léttklædd.
Mörg þeirra barna, sem hljóta á-
mæli fyrir sljóleika, sinnuleysi, eftir-
tektarleysi og dáðleysi, þjást af
daufri heyrn. Þetta getur mönnum
dulizt mjög lengi, og jafnvel barnið
sjálft gerir sér ekki grein fyrir veik-
indum sínum. Oft mun heyrnar-
sljóa barnið leita sætis aftast í
bekknum og helzt úti í horni, þar
sem verzt er að fylgjast með því
sem fram fer í tímanum.
Þannig missir barnið margt úr,
sem nauðsynlegt er fyrir það að vita,
og þegar kennarinn kallar það upp
að töflu, stendur það eins og glópur
og hefur ekki hugmynd, hvað kenn-
arinn var að segja eða bekkjasyst-
kinin, sem uppi höfðu verið fyrr í
kennslustundinni. Þannig fær barn-
ið áminningu fyrir leti og sinnuleysi,
en orsakanna til þeirra ekki leitað
sem skyldi.
1 hópi leiksystkina
Leiksystkini barnsins munu álíta
það heimskt og leiðinlegt, af þvi að
það fylgist ekki alltaf með því, sem
þau eru að hafast að. Þau leggjast
því á það og meðhöndla það eins
og hálfvita, þótt barnið sé langt frá
því að vera illa gefið. Allir geta
ímyndað sér, hversu það muni fá á
veslings barnið. Og þótt því væri
ekki til að dreifa, sér það hver mað-
ur, hversu óþægilegt það er fyrir
mann að heyra ekki það sem fram
fer í kringum mann og þurfa sífellt
að vera að hvá, eftir því sem sagt
er. Það gerir menn heimskulega og
þreytandi.
Heyrnardauft barn á mjög bágt
með að læra að lesa og skrifa í
fjölmennum bekksögnum, auk þess
sem það gerir því mjög erfitt fyrir
við allt annað nám. Að nema erlend
tungumál er þeim eins og að lyfta
Grettistaki. Ýms hljóð, sem gott
eyra þarf til þess að skynja, hljóta
að fara fyrir ofan garð og neðan
hjá þeim. Jafnvel mun þeim ógerlegt
að nema sitt eigið móðurmál lýta-
laust, því að þau geta ekki heyrt öll
minnstu blæbrigði málsins né skynj-
að hverja áherzlu þess. Þannig er
viðbúið að málfar þeirra verði ein-
hliða suð, stundum ofhátt, stundum
oflágt, en aldrei eins og eðli máls-
ins krefst. Ef foreldrar eða kennar-
ar verða þessa vísari, ber þeim taf-
arlaust að hafa tal af sérfræðing,
sem ef til vill er þess megnugur að
gefa góð ráð.
Foreldrum skal á það bent, að
gangi börnum þeirra illa og seint
að læra að tala, getur það stafað
af heyrnardeyfu, og því er rétt, að
læknar líti eftir því. Foreldrum skal
og bent á það, að erfitt mun að veita
heyrnardeyfu hjá 2—3 ára barni
athygli nema við nána athugun.
Almenn heilbrigði.
Við skulum, foreldrar, taka hönd-
um saman með læknunum og vernda
almenna heilbrigði barnanna. Við
skulum gæta þeirra fyrir kvefi og
afleiðingum þess. Kvef er oft undan-
fari heyrnarsjúkdóma og væri æski-
legt, að læknar hefðu gát á því. Ef
þið foreldrar verðið vör mikillar
gráthneigðar hjá börnum ykkar ung-
um, er mjög líklegt, að það stafi frá
suðu fyrir eyrum eða einhverjum öðr-
um líkum kvillum.
Barnasjúkdómar eins og kíghósti
mislingar og rauðir hundar geta skil-
ið eftir sín merki á heyrn barnsins.
Þannig verða menn í öllu tilliti, að
geeta að heyrn barna sinna og hafa
ávallt samband við lækna, er dæmt
geta um, hvað hollast sé að gera.
Kvikmyndaleikkonan Betty Grable,
sem fræg er fyrir góðan vöxt, ein-
kum fagra fætur.
MAOGI
OG
RAGGI
Teikning eftlr
VVally Bishop
Amma: Eg var að ljúka við að laga til í
forstofuskápnum . . .
Afi: Ágætt!
Amma: . . . og ég vil að þú sjáir um allt þitt
Lafurtask sjálfur.
Afi: Hafurtask! Hvaða hafurtask?
Amma: Ég er búin að talca frá alla mína hluti.
Afi: Gott, góða!
Afi: Aldrei get ég skilið, hvers vegna hún
segir: ,,Þitt hafurtask," ,en ,,mínir hlutir ! ! !“