Vikan - 20.10.1995, Side 14

gert í bókum. Eða - þetta er góð hugmynd sem er ekki notuð oft í
bókum - hún lætur alla halda að þeim hafi verið stolið, lætur Sir
Herman síðan sjá hvað henni líði illa, og hann gefur henni nýja
skartgripi. Þá á hún helmingi fleiri en fyrr. Ég er viss um að þess
konar kvenfólk er mjög útsmogið."
„Þú ert snjöll Dolly," sagði Jane með aðdáun í röddini. „Mér datt
þetta aldrei í hug.“
„Það getur verið að þú sért snjöll, en það þýðir ekki að þú hafir
rétt fyrir þér,“ sagði Bantry ofursti. „Mig grunar herramanninn í
borginni. Hann gæti vitað hvers konar skeyti þyrfti að senda til að
koma konunni úr húsinu, og eftirleikurinn væri auðveldur með hjálp
nýrrar vinkonu. Engum virðist hafa dottið í hug að biðja hann um
fjarvistarsönnun."
„Hvað heldur þú, fröken Marple?" spurði Jane, og sneri sér að
gömlu konunni sem sat þögul, með dularfullan svip á andlitinu.
„Ég veit ekki hvað skal segja, vina mín. Sir Henry hlær áreiðan-
lega, en ég man bara ekki eftir neinu hliðstæðu máli til að hjálpa
mér. Auðvitað eru nokkrar augljósar spurningar sem á eftir að
svara. Til dæmis spurningin um þjónustufólkið. Á svona óvenjulegu
heimili myndi þjónustufólkið strax taka eftir hvað ætti sér stað, og
góð stúlka myndi ekki þiggja slíka stöðu - móður hennar myndi
ekki koma til hugar að leyfa henni það. Út frá þessu getum við
ályktað það að þjónustustúlkan hafi ekki verið áreiðanleg mann-
eskja. Það getur verið að hún hafi verið í slagtogi með þjófunum.
Hún gæti skilið húsið eftir opið fyrir þá og gæti svo farið sjálf til
Lundúna, til að beina grunsemdum frá sér og þykjast hlýða plat-
símtalinu. Ég verð að játa það að þetta er líklegasta lausnin. Það
er þó furðulegt ef venjulegir þjófar áttu þátt í þessu. Þetta virðist
nefnilega krefjast meiri vitsmuna en þjónustustúlka er líkleg til að
hafa.“
Fröken Marple hikaði, en hélt svo áfram dreymandi.
„Mér finnst eins og það hafi verið einhvers konar persónulegar
tilfinningar tengdar málinu. Segjum að einhver hafi haft horn í síðu
hans. Til dæmis ung leikkona sem hann hafði farið illa með? Hald-
ið þið ekki að það sé betri útskýring? Einhver að reyna að koma
VIKAN
12