Vikan - 20.10.1995, Page 33
Oskarsverðlaunahátíðinni til minningar um Irving G. Thalberg.
Sálfræðin lék stórt hlutverk í verkum Hitchcocks og oft skapaði
hann óbærilega spennu í kringum minnstu smáatriði í kvikmyndum
sínum, t.d. í Notorious og Rope og haft hefur verið eftir honum:
„Fólk verður mun óttaslegnara þegar það bíður eftir að hleypt sé af
byssu, heldur en við skothvellinn sjálfan." Margir hafa líklega séð
myndir þær sem hann gerði á síðari hluta ferils síns, til dæmis
Rear Window og Vertigo, með James Stewart í aðalhlutverki, og
North by Northwest, þar sem Cary Grant fór á kostum, og tónlist
eftir Bernard Herrmann hljómaði í bakgrunninum, en Herrmann
samdi oft tónlist í myndir Hitchcocks, t.d. Psycho og The Birds.
Síðasta mynd Hitchcocks hét Family Plot og var gerð árið 1976, og
þar eins og í flestum myndum hans, bregður leikstjóranum sjálfum
fyrir, eða skuggamynd af honum, og var það eins konar vörumerki
hans ( gegnum árin.
En Hitchcock fékkst ekki einungis við kvikmyndagerð, heldur
framleiddi hann sjónvarpsþætti á sjötta og sjöunda áratugnum, og
9egndi þar hlutverki sögumanns með drungalega og dularfulla
rödd, sem hæfði vel efni þáttanna. Auk þess sá hann um útgáfu á
smásagnasöfnum, með sögum í stíl við þá sem hér má lesa.
Þrátt fyrir að hann hafi öðlast bandarískan ríkisborgararétt sló
Elísabet önnur Englandsdrottning hann til riddara árið 1980, og var
það ekki seinna vænna, því Alfred Hitchcock lést 28. apríl sama ár,
áttræður að aldri. Einn kunnasti kvikmyndaleikstjóri sögunnar var
farinn á vit feðra sinna, en verkin hans lifa áfram, verk mannsins
sem sagði: „Leikrit eru ekkert annað en lífið sjálft, þegar búið er að
klippa hversdagslegu atriðin út.“
R.J.
31
VIKAN