Menntamál - 01.12.1953, Blaðsíða 34

156
MENNTAMÁL
Skýrsla EiSaskóla
Nýlega er út komin skýrsla Eiðaskóla fyrir árin 1950—’51, 1951—’52
og 1952—’53. Er þar margháttaðan fróðleik að finna um liag manna
og viðfangsefni á höfuðmenntasetri Austurlands.
Fyrsta árið, sem skýrslan fjallar um, sóttu 105 nemendur skólann,
annað árið 85 og þriðja árið 87. Kennarar voru 7—8 auk skólastjóra,
Þórarins Þórarinssonar.
Fer hér á eftir orðrétt frásögn af daglegum liáttum í skólanum og
enn fremur af nýrri, athyglisverðri tilhögun á gagnfræðanámi.
Daglegir ha;ttir.
Daglegir hættir voru svipaðir alla veturna. Helztu breytingar voru
viðvíkjandi eftirliti kennara. Var þeim komið á haustið 1951. Þær
voru þessar: Kennarar og skólastjóri skiptust á um daglegt eftirlit,
tveir í senn, sína vikuna hverjir. Litu jieir eftir útivist (annar í einu),
stjórnuðu borðhaldi og litu eftir í heimavistum þann tíma, sem heim-
sóknir milli kynja voru leyfðar, annar í heimavist karla, en hinn í
heimavist kvenna. Um leið var sá siður upp tekinn að leyfa slíkar
heimsóknir kl. 20—21.30 miðveturinn hvert kvöld, en þann síðasta
annað hvert. Þessar heimsóknir voru jafnan af teknar, þegar alvarleg
veikindi voru, dansleikir eða annar sameiginlegur mannfagnaður og
fundir. Sama haust var einnig byrjað að haga borðhaldi á þá lund,
að matur var borinn á eitt langborð í borðstofu, og sóttu nemendur
mat þangað í flokkum. Eftirlitsmaður úr hópi kennara var jafnan
viðstaddur, kallaði á flokkana og gætti borðsiða.
Sökum þrengsla í kennsluhúsnæði var einni deild kennt síðari
hluta dags. Tvo fyrri veturna var það yngri deid, en hinn síðasta
framhaldsdeild B. Höfðu nemendur þeirrar deildar verknám fyrra
hluta dags.
Annars voru daglegir hættir þessir i stuttu máli: Kl. 7.45 hófst
fyrsta kennslustund. Kl. 8.30—9 hlé til morgunverðar og ræstingar
herbergja. Kl. 11.30 var 4 kennslustundum lokið og þá farið í úti-
vist fram að hádegisverði, kl. 12.15. Kl. 16 var kennslustundum
yfirleitt lokið nema hjá þeim bekknum, sem kennt var seinni part-
inn. Lestrartími var frá kl. 16 dl kl. 19.30, en þá var kvöldverður.
Kl. 21.30 var húsum lokað og háttatími í síðasta lagi kl. 22.30.