Menntamál - 01.06.1972, Qupperneq 11

Frá leikfangasýningunni.
Um heimiliö
ÞaS á við um öll börn, að á heimili þeirra verður að
vera andrúmsloft, sem er svo hliðhollt börnum, að þau
fái leyfi til að leika sér í raun og veru og tekið sé tillit
til leikþarfar þeirra á sama hátt og þarfar hinna fullorðnu
fyrir næði og tómstundastörf. Fjöldi búshluta — verð-
•ausir munir eins og öskjur, umbúðapaþþír, ílát og aug-
lýsingarit — hlutir úr fjöru og af víðavangi geta komið
fhjgarfluginu af stað og laðað til spennandi leikja. Þar
fyrir utan þarf alltaf að vera aðgangur að búningum,
blýöntum, litum, pappír og leir. Góð verkfæri eru: góð
°ddlaus skæri, hæfilega stór hamar, töng og sög. Keypt
leikföng eru ágæt viðbót við allt þetta — að því tilskildu,
að þau séu rétt valin.
einkenni góðra leikfanga
Góð leikföng vekja áhuga barnsins, viðhalda áhuga
Þess og virkja það til athafna.
Þau eru ekki of fín til þess að leika sér með. Það er
Þægt að leika sér með þau á ýmsan hátt. Þau eru traust
°9 sterkbyggð.
Bókasýningin
í sambandi við þingið var einnig haldin sýning á
barnabókum og bókum um uppeldisfræðileg efni í Nor-
ræna húsinu. Elsa Mía Sigurðsso.i, bókavörður, sá um
uppsetningu þessarar sýningar og naut við það aðstoðar
nokkurra fóstra. Bókasýningin var eins og leikfangasýn-
ingin mjög fjölsótt.
Kvikmyndasýningar
Sýningar á fræðslukvikmyndum um uppeldismál voru
haldnar á Hótel Loftleiðum þingdagana. Fjölluðu þessar
myndir um hin margvíslegustu efni og voru mjög at-
hyglisverðar. Má t. d. nefna sænsku myndirnar Barn och
farg, Vattenlek, Sexáringenes experimenterande verk-
somhet, Barn og form, og dönsku myndina Skrammel-
legepladser. Það er ánægjuefni að Fræðslumyndasafnið
hefur þegar keypt 4 af þessum myndum, og vonir standa
til að keyptar verði fleiri.
Allar þessar sýningar voru mjög fjölsóttar.
MENNTAMÁL
113