Bjarmi

Árgangur

Bjarmi - 07.05.1928, Blaðsíða 1

Bjarmi - 07.05.1928, Blaðsíða 1
BJARMI KRISTILEGT HEIMILISBLAÐ e XXII. árg. Reykjavík, 7. maí 1928 15. tbl. 'jesús mælti: jeg er hið lifandi brauð, sem kom niður af himni. (Jóh. 6, 51). KvöldmáltíOin. Ræða á Skírdag eftir sra Siglrygg Guðlaugsson á Núpi. Lúk. 22, 14.-20. Mjer finst erfitt að koma orðum að helgi þeirri og hálíðartilfinningu, sem fylgir deginum í dag, skirdeginum. Hún er svo viðhafnarlaus og ósæ hið ytra, en nær þó þeim tökum hið innra, að jafnvei þeir, sem eigi gefa sig mikið að helgidómsefnum trúar vorrar, hlusta á með angurblíðri lotn- ingu, þegar lesin eru þau orð Jesú, sem þessum degi helgast, og sagt er frá því, hvernig Jesús bjó sigogpost- ula sína undir viðskilnaðinn, sem var nú fyrir höndum. Það var hiö fyrsta skirdagskvöld, að hnfgandi lífssól Jesú stafaði geislum náðar ylir djúp eymdar og spillingar, og lagði frið- sælan bjarma yfir þenna dapra vina- hóp, þegar tók að húma. Og mjer virðist svo, sem í geislum þessum mætti lesa: »Kærleikurinn er sterkari en dauðinn«. — Sjerhvert skírdags- kvöld breiði sól Guðs slíkan bjarma yfir hugarbygð mína og þina, vinur Jesú, og láti okkur, og alla, finna, að það er eitthvað svo heilagt i því, hvernig Jesús kveður lærisveina og festir þeim minningu sina lifandi og óafmáanlega i hjarta. Þenna dag, og einkum að kvöldi hans, er eins og ósýnilegur heilagleika andi fari um bústaði mannanna og leiti inn i fylgsni sálanna. Og mjer finst, það væ'ri hann, sem leiddi okkur syst- kinin smáu að knjám móður okkar, þegar hún hvert skírdagskvöldið tók bibliuna sina og las okkur um við- burð þess og skilnaðarviðtal Jesú við lærisveina sina. Mjer er enginn efi á því, að frels- arinn hefir ætlast til þess, að við- burður þessa dags, hin heilaga at- höfn, sem hann fór með að kvöidi hans, skyldi vera föst i minni öllum lærisveinum hans og játeudum. — Stundin og athöfnin er svo dásam- lega valið saman, að hvortveggja gerist öflug aðstoð hins, að leiða sálirnar í helgustu sameiningu við Jesú og eign- ast ávexti af lifi hans og dauða. Og af orðum Jesú og poslula hans verð- ur það ráðið, aö hann ætlaðist til, að þessi heilaga athöfn geymdist eigi að eins i minni þeirra, sem þá voru með honum, og þekkist siðar að eins i gegnum ritin, heldur að hún yrði sifelt endurtekin til kröftugs viðhalds þess iífs, sem bygt var á honum og fjekk kraft sinn i dauða hans. En þó er það svo, að þrált fyrir lotninguna, sem kvöldmáltíð Jesú með lærisveinunum vekur i hugum alvörumanna, þá nær alvörufestan eigi jafnan svo langt, að menn geri sjer ljósa grein fyrir afstöðu sinni til slikrar endurtekningar, og hvers það sje vert, að þeir eigi þátt í henni. Það er þvi ástæða til, að reynt sje að vekja athygli fjöldans á þessu, og einkum ættu guðsþjónustustund- um hvers skirdags vera varið til þess.

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.