Heima er bezt - 01.12.1957, Blaðsíða 31

TAFLMENN
ÚR KROSSVIÐI EÐA PAPPA
Þeir unglingar, sem eiga í fórum sínum laufsög og
|)unnan krossviðarbút, geta á einni kvöldstund gert
ágæta taflmenn, er koma að sömu notum og dýrir er-
lendir taflmenn.
Við ættum ætíð, |icgar |>ví verður viðkomið að gera
hlutina sjálf, og minnast þess að „Heima er bezt“
(hollt er heima hvat). Hér sjáið þið teikningu af öll-
um taflmönnunum.
Af kóng, þarf að saga út 2 stk., af drottningu 2, at
biskupi 4 stk., af riddara 4 og af hrók 4 stk.
A milli biskups og riddara er teikning af peði.
Af þeim þarf 16 stk.
Hluti af stétt undir mennina — er sýnir þvermál og
rauf —, sést á milli drottningar og biskups.
Athugið, að raufin í stéttinni þarf að vera í sam-
ræmi við krossviðarþykktina.
Eins og þið vitið, er um tvö lið að ræða í tafli, er
annað liðið málað dökkt (svart), en hitt ljóst (hvítt).
En þeir, sem hvorki eiga laufsög eða krossvið, geta
þrátt fyrir það gert sæmilega taflmenn eftir þessum
teikningum, ef þeir eiga þunnan pappa (karton) og
lím.
A litlu myndinni, milli kóngs og drottningar, sjáið
þið greinilega hvernig taflmenn þessir úr pappa, eru
gerðir:
Tvö stk. eru sniðin alveg eins og límd saman, en
hálf stéttin, — er fylgir hvorum helmingi —, er límd á
hringlaga stétt, sem sniðin er sér í lagi. —
Að endingu þetta: Vandið ykkur við verkið! Það
sést ekki hve langan tíma verkið tók.
Hitt leynir sér aldrei, hvort vel eða illa er unnið.
Verkið lofar meistarann, munið það.
Jón Pálsson.
Heima er bezt 415