Heima er bezt - 01.04.1983, Page 32

í Sunnanfara í mars 1895 birtist þessi vorvísa, höfundar
ekki getið, enda mun hún mjög gömul.
Senn kemur sumarið,
sólin blessuð skín.
Víst batnar veðrið
þá veturinn dv'm.
Jóhann Samsonarson hét maður. Hann átti um skeið
heima á Sólheimum í Laxárdal, dó á fjórða tug nítjándu
aldar. Mig vantar nánari upplýsingar og fleiri vísur hans.
Jóhann þótti vel hagorður. Hann mun vera höfundur
þessarar stöku:
Lifnar hagur nú á ný,
nýr skal bragur spunninn.
Dýr og fagur austri í
upp er dagur runninn.
Á árunum fyrir og eftir síðustu aldamót var Sigurður
Kristjánsson einn afkastamesti bókaútgefandi landsins,
frægastur er hann vegna íslendingasagnaútgáfu sinnar.
Hann orti lausavisur við hátíðleg tækifæri, t.d. þegar
Steingrímur skáld Thorsteinsson varð áttræður 19. maí
1911. Eftirfarandi vísa er birt í ísafold um það leyti:
Vorsins son. Þinn andans yl
ungir og gamlir finna,
er sœkja auð og scelu til
sólarlanda þinna.
Meðal frægra bóka, sem Sigurður Kristjánsson gaf út,
var hugvekjusafn séra Páls Sigurðssonar, föður Árna pró-
fessors. Þær hugvekjur stungu mjög í stúf við þær húslestr-
arbækur, sem áður voru notaðar á landinu. Séra Páll var
mjög frjálslyndur prestur. Milli hans og séra Matthíasar var
mikil vinátta. Þegar þessi bók var fullprentuð orti útgef-
andinn:
Djöfla óðum fœkkar fans
fyrir góðum penna,
uns á hlóðum andskotans
engar glóðir brenna.
Vísan birtist í 7. tölubl. Óðins 1905, í heimildarleysi, eins
og þar er komist að orði.
Jón úr Vör.
...... ~
ÚR
POKAHORNINU
KomiS hafa í leitirnar
fáein eintök
í prentuðum en óbundnum örkum af nokkr-
um vinsælum bókum, sem hafa verið
algjörlega ófáanlegar um árabil.
Þessi eintök
hafa nú verið bundin og eru til sölu, en
þetta eru
allra síðustu eintökin,
svo vissara er fyrir þá sem áhuga hafa
að panta strax.
C. W. Ceram:
Grafir og grónar rústir
Verð kr. 1000,00
Edward Schuré:
Vígðir meistarar
Verð kr. 600,00
Theódór Gunnlaugsson:
Nú brosir nóttin
Verð kr. 500,00
Walter Lord:
Sú nótt gleymist aldrei
Verð kr. 500,00
Betty Smith:
Hamingjudraumur
skrifstofustúlkunnar
Verð kr. 250,00
Vestur íslenskar
æviskrár I-IV
Verð kr. 2000,00
BÓKAFORLAG ODDS BJÖRNSSONAR
Tryggvabraut 18-20, 600 Akureyri, © 96-22500

140 Heima er bezt