Heima er bezt - 01.11.1994, Page 24
Á hringreisu
Frá Vorsabæ er valinkunnur maður,
víða um landið reikar nú um hríð.
Þó hann sé nú orðinn háaldraður
var hann hetja á sviði leikja fyrr á tíð.
Við hyllum hann og hefjum félagsmerki,
hrópum fullum rómi „Islandi allt.“
Nú sannast að „Vormenn Islands“ eru að verki,
vilja bæta landið þúsundfalt.
Gróðurmáttur lands, hinn stóri sterki,
stendur beinn þó stundum blási kalt.
Ingvar Bjömsson yrkir eftirfarandi vísur af sitt hvoru
tilefninu. Hann segir:
„Fyrri vísan er tilorðin, þegar mig bar göngumóðan að
dyrum kunningja míns, og þá orðinn nokkuð kaffiþyrstur:
Er ei kaffi komið á
könnu svo égfái sopa.
Ei ég lengur lifa má
af lönguninni í tíu dropa.
Sú síðari er svo gerð að lokinni kaffidrykkjunni og á
göngu þar sem sá til sjávar:
Himinninn bláan og heiðan
héðan er gott að sjá.
Lít ég svo Ijúfan og breiðan
lognkyrran sæinn á. “
Kári Kortsson á svo næstu vísur og er nú karlinn á
nokkuð rómantískum nótum:
Sólsetur
Hnígur sól í sœinn,
sindrar mararbrún,
kveður drottins daginn
dyggðug himins rún.
Tunglskinsnótt
Mánaskinið merlar
á marar kvikri slóð.
Stjörnustóðið perlar
stýris himna glóð.
Yngismær
Ung á göngu yndisfríð,
öll og búin þokka,
tifar áfram teit og þýð,
trú með gullna lokka.
Oskar Þórðarson frá Haga slær líka á ýmsa strengi í
vísum sínum og hann hefur þetta að segja:
Vísa náttúrubarnsins
Þegar golan sumarsœt
suðurfjöllin strýkur,
ýmist hlæ ég eða grœt
afyndi og gleði ríkur.
Æskustöðvar
Þar sem ég átti mín æskuspor,
enginn veit hvernig það skeður
að er í huganum alltafvor
og eilíft sumarveður.
Haustvísa
Veröld sargar sálarró,
sumri fargar vetur.
Eg er argur eygi þó
ögn sem bjargað getur.
í síðasta vísnaþætti birtum við ljóðið Kveðja til dalsins
eftir Þórmund Erlingsson. Því miður slæddist inn í það
prentvilla í þriðja erindi og endurbirtum við það því hér
um leið og við biðjumst velvirðingar á villunni. Rétt er
ljóðið svona:
Hver hæð og steinn, hver brekka og barð,
hver bali, lækur og runni,
hér heilsa mér aftur því ég viðskila varð
þessa vini í náttúrunni.
Eg kem hér löngum og krýp við garð
hjá kærustu minningunni.
Að síðustu er svo rétt að minna á áskorun síðasta þáttar
sem var eftirfarandi spuming:
Hver er þinn mesti gleðivaki?
Látum við svo hér staðar numið að sinni og minnum á
heimilisfang þáttarins sem er:
Heima er bezt
Pósthólf8427,
128 Reykjavík.
380 Heima er best