Æskan - 01.04.1988, Qupperneq 6

Svona er það í Skútuskóla
Gamanþættir eftir Iðunni Steinsdóttur
- Nú er blessað vorið
að koma, sagði Magga kennari
og sveiflaði sér inn
í skólastofuna.
Börnin voru öll sest,
meira að segja Jalli og Kalli.
- Förum við ekki í ferðalag
fyrst vorið er komið?
spurði Ella.
- Ég vil fara í ferðalag,
ég vil fara í ferðalag,
sönglaði hver í sínu horni.
- Ég ætlaði einmitt
að tala um það við ykkur
hvort við ættum ekki
að fara í ferðalag,
sagði Magga.
- Jú, í ferðalag,
í ferðalag, hrópuðu allir.
- Við skulum fara langt,
sagði Lilla.
6=-
- Megum við fara með flugvél?
spurði Jalli.
- Nei, skriðdreka!
æpti Kalli. Hann var alltaf
að horfa á stríðsmyndir.
- Verið þið ekki
með þessa vitleysu.
Auðvitað förum við með rútu,
sagði Magga kennari.
- Hvert á að fara?
spurði Sólveig litla
sem sat við fremsta borð.
Hún var lítil og góð
með stóra slaufu í hárinu.
- Við förum upp í sveit
og leikum okkur, sagði Magga.
- Oj, nei, ekki upp í sveit,
sagði Kalli.
- Þar eru engar sjoppur,
sagði Jalli.
- Mér finnst einmitt
svo gaman uppi í sveit.
Þar er svo mikið af fuglum,
sagði Sólveig litla.
- Þú ert bara asni,
sagði Jalli og kippti
slaufunni af Sólveigu.
Sólveig fór að væla.
- Hættu þessum hrekkjum.
Við förum ekki í neina ferð
ef þið látið svona,
sagði Magga.
Ella og Lilla hjálpuðu
Sólveigu að binda slaufuna
aftur í hárið og hún
þurrkaði af sér tárin.
- Við skulum fara
til Þingvalla, sagði Ella.
- Já, Þingvellir eru svo
merkilegur staður,
sagði Óli sem allt vissi.
Hann var nefnilega
hjá ömmu sinni á daginn
og hún var alltaf að segja
honum eitthvað fróðlegt.
- Hvernig veistu það?
spurði Jalli.
- Amma sagði mér það,
svaraði Óli.
- Hún er bara gömul skjóða
og veit ekki neitt,
sagði Jalli.
- Á ég að lemja þig?
spurði Óli.
- Komdu ef þú þorir,
svaraði Jalli.