Æskan - 01.02.1991, Síða 6

Er ég að verða
stór?
Framhaldsþættir eftir Ðrynju Einarsdóttur.
11. kofli.
Sumarið er komið og nú er
alltaf gott veður. Stærsta fjar-
an í bænum er stutt frá mínu
húsi. Hún er miklu stærri en
allar hinar fjörurnar og nær
alveg frá bryggjunni og næst-
um því upp í sveit.
Hún heitir líka Langisand-
ur.
Þangað förum við stund-
um að leika okkur. Við Er-
lingur og margir krakkar.
Fyrst mátti ég bara fara
með leikskólakonunum og
mömmu eða pabba en nú fæ
ég stundum að fara sjálfur.
Pabbi er búinn að kenna
mér á fjöruna. Hann segir að
það komi alltaf til skiptis
flóð og fjara. Þegar er fjara er
sandurinn stór og sjórinn er
langt í burtu frá bökkunum.
En þegar flóð er kemur sjór-
inn nær og nær og endar al-
veg uppi í klettum. Þá meg-
um við aldrei fara þangað og
eigum líka alltaf að flýta
olckur heim þegar sandurinn
minnkar.
Það er gott að leggja bíla-
veg í sandinn. Það er hægt að
fara í torfæruakstur þar. Ég
fékk flottan torfærubíl í jóla-
gjöf, svona bíl eins og Ómar
Ragnarsson á. Mamma segir
að hann sé að verða hálfgerð
drusla af því að lceyra í sand-
inum. En torfærubílar verða
alltaf svona. Það er svaka
kraftur í honum.
Verst er þegar stelpurnar
teikna parís rétt hjá bílveg-
unum. Þær gera það þegar
þær vilja vera með í keppni
en við viljum ekki hafa þær.
Stelpur eiga ekki neina flotta
bíla.
Mér finnst að það eigi líka
að gefa stelpum bíla í jóla-
gjöf. Þá gætum við öll leikið
okkur saman.
Einu sinni fundum við dá-
inn fugl í fjörunni. Það var
blóð á honum. Þetta var stór
fugl. Hann heitir mávur. Ég
veit það af því að pabbi segir
mér alltaf hvað allir fuglar
heita. Við jörðuðum mávinn
og tíndum fallega steina og
skeljar og röðuðum ofan á.
Ég vorkenndi honum svo
mikið að vera dáinn en mér
fannst það ekki eins vont
þegar mamma sagði að hann
væri farinn til Guðs og gæti
nú flogið þar meó öllum hin-
um dánu fuglunum.
Um daginn voru kallar í
fótbolta á sandinum. Ég ætla
að verða knattspyrnumaður
þegar ég verð stór.
Bráðum fæ ég fótbolta. Ég
er að safna fyrir honum. Ég
fæ kaup þegar ég hjálpa
mömmu, fer í sendiferð í
búðina sem er rétt hjá okkur
og gæti Guðbjargar litlu. Ég
set peningana í bauk og bráð-
um verður komið nógu mik-
ið fyrir fótbolta.
6 Æskan