Skírnir - 01.01.1920, Side 46

40
Elías Lönnrot og Kalevala.
[Skirnir
um hans í hóp lærðra manna skildu gagnsemi þessa starfs
hins unga læknis fyrir menningarþróun og bókmentalíf
þjóðar sinnar. Tólf slíkir menn bundu nú félagsskap með
sér í þeim tilgangi fyrst og fremst að styðja að framgangi
þess verks, sem hér var hafið af Lönnrot. Með þeim
hætti varð til »hið finska bókmentafélag« (stofnað 16.
febr. 1831), félag, sem hefir haft samskonar áhrif á menta-
og menningarlíf finsku þjóðarinnar sem íslenzka systirin
á alt menningarlif sinnar þjóðar. Þar fékk Lönnrot þann
bakhjarl við að styðjast í starfi sínu, sem hann gat illa
án verið til lengdar, — bakhjarl áhugasamra mentaraanna
með næmum skilningi á nauðsyn starfsins,— sem veitti nauð-
synlega tryggingu fyrir framhaldi þess og góðum árangri.
Fyrsti forseti félagsins varð Melartin háskólakennari
(seinna erkibiskup), lærdómsmaður hinn mesti, en Lönnrot
fyrsti ritari þess. Meðal þúsunda félaga sinna geymir
finska bókmentafélagið nöfn allra þeirra manna, sem fræg-
astir hafa verið taldir með hinni finsku þjóð síðan er það
var stofnað og fram á þennan dag; enda hefir ekkert fé-
lag þarlent, átt meiri og betri þátt í þróun og vexti
finskrar menningar á 19. öld en það. Og það er þá líka
þetta ágæta félag, sem frá stofnunardegi sínum styður
Lönnrot öllum fremur í starfi hans, styrkir hann til ferða-
laga hans og sér um útgáfu rita hans. [Framh.]