Muninn - 01.11.1962, Blaðsíða 13

femina infesta
hvenær hvar
hvernig var
konan ger
]á hvernig var hún eiginlega búin iil
(mig langar nefnilega til að búa til eina)
á ég að gera eina úr snjó
ekki nóg
búa til úr kökudeigi
hún á að vera nrjó
og lu'tn á að hafa varir
sem ég get borið í vasa mínum
(til þes að ég geti talað við
einhvern þegar mér leiðist)
og þá get ég sagt si sona
flautið þið nú á varir rnínar
á líkama ykkar
ef hann er einhverstaðar á lífi
labbi
Leitin mikla
:Þú leggur upp í leitina að þér sjálfum.
'Þú leitar víða, skoðar margt og spyrð.
Þú ferð um sléttur, býrð með ösp og álfum,
innir múginn, dalsins hljóðu kyrrð.
Þú sást hann kannski sitja undir trjánum,
sigla burtu, ganga yfir torg.
Og þú varst líkur öllum öðrum kjánum,
sem unna sinni hrundu skýjaborg.
En loksins muntu einn eða annan finna,
þótt áður fátt þú heyrðir um hans veg,
og kannski muntu horfa burt til hinna
hrópandi í undrun, „það er ég“.
R.
M U N I N N 13