Kirkjuritið - 01.07.1957, Blaðsíða 11
PRESTASTEFNAN 1957
297
náði samt tilgangi sínum — því að ekkert í allri sögu trúar-
bragðamia hefir átt slíkan mátt til að gagntaka mennina eins
og krossinn, svo að þeir gleymdu öllu öðru.
Og þó erum vér oft svo undarlega sljóir og hjartað kalt.
Ef til vill hefi ég aldrei minnzt þess átakanlegar um sjálfan
mig en á fögrum hásumardegi fyrir tæpum þrem árum. Eg
var staddur í kirkjugarðinum á Þingeyri, reikaði þar um og
horfði á letrið á legsteinunum. Allt í einu blasti við mér steinn
með fjórum nöfnum. Þessir menn höfðu allir látizt á Línuveið-
aranum Fróða. Eg settist niður hjá steininum og tók að hug-
leiða þennan atburð. Meðal nafnanna voru nöfn skipstjórans
og bróður hans. Þeir höfðu báðir orðið sárir mjög. Þegar átti
að fara að gjöra að sárum skipstjórans, bað hann: „Hugsið fyrst
um Steina bróður.“ Hann vildi heldur hætta á það, að honum
sjálfum blæddi út. Ég komst við af kærleik þessa góða bróð-
ur. En svo vaknaði hugsunin: Ég á bróður, sem hefir gjört
óendanlega miklu meira fyrir mig. Hann hefir lifað og dáið fyr-
ir mig til þess að gefa mér eilíft líf í samfélagi við sig og föð-
ur kærleikans á himnum. Og þó gat ég gleymt því svo oft. Líf
mitt er reist á kærleiksfórn. En of sjaldan hef ég minnzt á það.
Yður þykir þetta ef til vill einkennilegt ávarp, bræður mín-
ir. En hér erum vér þó staddir við kjarna fagnaðarerindisins og
það, sem eitt er nauðsynlegt í lífi voru og starfi.
Kærleiki Jesú Krists er fullkomnasta opinberun kærleika
Guðs, er vér fáum augum litið. Hann er lifandi kærleiki Guðs
a vorri jörð, ljósið, er hingað fellur frá sólnanna sól. Vér meg-
um ekki ætla oss þá dul, að vér fáum borið inn í kerjum dags-
birtuna, heldur tökum hlerana frá öllum gluggum og biðjum:
Geti eg krafti af guðdóms hreinum
geisla þínum staðist einum,
sonur Guðs, ó, send mér hann.
Kærleiksaugu Krists ljóma yfir oss um tíma og eilfífð, bví
að einnig þar er hann frelsari mannssálnanna og býr þeim
skjól. Horfum til hans í anda og tökum undir lofgerðina:
Kristur Jesús er sá, sem dáinn er, og meira en það, er upp-