Kirkjuritið - 01.07.1957, Blaðsíða 31
PRESTASTEFNAN 1957
317
Kostnaður við slíka för er að sjálfsögðu mikill. Séra Pétur Sigur-
geirsson er þegar farinn vestur. Hann fær styrk frá Heimssam-
bandinu til þess að kynnast vestra kristilegu æskulýðsstarfi.
Starf Biblíufélagsins.
Mestallt upplag Nýja testamentisins hefir nú verið bundið
inn í vandað „rexin“-band. En allt er upplagið 5000 eintök.
Bókfell hefir annazt bandið með hagstæðum kjörum fyrir
Biblíufélagið. Fyrir fermingar í vor var nokkuð bundið inn í
hvítt „rexin“, og mun það heppilegt til fermingargjafa. Bókin
hefir verið seld í búðum á 60 og 85 krónur. Leiftur hf. hefir
haft aðalútsöluna á hendi, og hafa selzt síðastliðið ár um 1000
eintök.
Leturplötur stóru Biblíunnar eru nú komnar frá Bretlandi.
Er letrið, eins og vænta má, tekið allmjög að slitna, enda var
verðið lágt, aðeins 200 ensk pund að meðtöldum umbúnaði
og flutningskostnaði í Englandi. Eimskipafélag íslands annað-
ist flutning þaðan ókeypis. Hefir verið ákveðið að prenta 5000
eintök af Biblíunni í heldur stærra broti en áður, og er ágætur
pappír þegar fenginn til þess.
Eins og ég skýrði frá á prestastefnunni í fyrra, hefir Hið ís-
lenzka Biblíufélag keypt allt upplag Brezka Biblíufélagsins af
íslenzkum Biblíum og Nýja testamentum. Hefir sala þeirra
gengið mjög vel, þannig, að um 2000 eintök hafa selzt frá 1.
ágúst. Umsjón með dreifingu og sölu liefir Ólafur B. Erlings-
son, sem ráðinn hefir verið framkvæmdastjóri félagsins. Hefir
mikill þungi starfsins hvílt á honum og féhirði, séra Óskari J.
Þorlákssyni, og ber að þakka báðum.
Biblíufélagið hélt aðalfund sinn 25. nóvember í Dómkirkjunni
í Reykjavík, og var hann fjölsóttur. Frá honurn er sagt í blöðum
°g Kirkjuritinu.
Mjög margir hafa nú gerzt félagar og ýmsir þeirra ævifélag-
ar. Hafa félaginu safnazt með því móti um 20.000,oo kr. Öll-
um ævifélögum var sent Nýja testamentið.
í sambandi við Biblíudaginn, 2. sunnudag í níu vikna föstu,
24. febrúar, bárust félaginu alls nær 20.000,oo krónur.