Kirkjuritið - 01.07.1957, Blaðsíða 16
302
KIRKJUHITIÐ
fardaga 1944. Jafnframt sínu prestakalli þjónaði hann Staðar-
hólsþingum 1907—1909, 1920—1927 og 1929—1944, ennfremur
Staðarfells og Dagverðarnessóknum 1919—1920. Prófastur Dala-
prófastsdæmis 1920—1944. Hann var 35 ár í stjórn Sparisjóðs
Dalasvslu og lengst af formaður, ennfremur nokkur ár formað-
ur Kaupfélags Hvammsfjarðar og Kaupfélags Stykkishólms. Að
loknu prestsstarfi var hann til æviloka bókari hjá Almennum
Tryggingum í Reykjavík. Mörg ár formaður Félags fyrrverandi
sóknarpresta.
Hann kvæntist árið 1900 Ragnhildi Ingibjörgu Bjarnadótt-
ur, bónda í Ármúla.
Séra Ásgeir var maður vel gefinn og dugmikill starfsmaður,
enda naut hann trausts og vinsælda og virðingar. Þótti því máli
vel borgið, er hann tók að sér, og munu hans verða spor lengi.
Hann var í senn þrekmenni og ljúfmenni.
Séra Pétur Tyrfingur Oddsson, prófastur í Hvammi í Dölum,
dó af slysförum 4. nóvember, 44 ára gamall, fæddur 6. sept.
1912. Hann var prestur í Hofsprestakalli í Álftafirði 1936—1944
og síðan í Hvammsprestakalli í Dölum til dauðadags. Þau ár
var hann jafnframt prófastur í Dalaprófastsdæmi. Hann hafði
á hendi aukaþjónustu í Bjarnanesprestakalli, Heydalaprestakahi,
og Staðarhólsþingum frá 1944—1954. Hann lét skólamál og söng-
mál mjög til sín taka, var skólastjóri og kennari og formaður
Kirkjukórasambands Dalaprófastsdæmis. Miklar jarðabætur og
húsa urðu í hans tíð á hinu fornfræga höfuðbóli.
Hann kvæntist 1941 Unni Guðjónsdóttur, bónda í Tóarseli í
Breiðdal. Þeim varð 4 barna auðið.
Séra Pétur var hugsjónamaður mikih og brennandi í anda að
starfi sínu. Þótt hann félli frá ungur, lauk hann góðu dags-
verki, og er skarðið eftir hann vandfyllt. Hann var mjög vin-
sæh af safnaðarfólki sínu og harmdauði þeim, er þekktu hann.
Einkum mun þess lengi minnzt, hve vel hann efldi kirkjusöng
og sönglíf yfirleitt.
Kirkja íslands þakkar þessum mönnum störfin og blessar
minningu þeirra. Vér biðjum fyrir þeim og ástvinum þeirra og
vottum þeim virðingu vora með því að rísa úr sætum.