Ægir - 01.08.1926, Blaðsíða 19

ÆGIR
159
kílóið á hverri tegund. Þar við bætist svo
afarmikill beitukostnaður hjá þeim, er
eigi öfluðu sér skelfisks sjálfir.
Þrátt fyrir þetta góðfiski mun hæsti
hlutur eigi meiri en 500 kr. yfir vorvertíð-
ina. Allur þorri báta hefir um 300 króna
hlut. Örfáir hafa náð upp að 700 krónum.
Eg gat þess í skýrslu um harðfiskverzl-
un i síðasta hlaði Ægis, að Halldór B.
Halldórsson hér í bænum hefði gert tilraun
með hertan (ráskertan) ufsa til útflutn-
ings hér í vor, og skal nú skýrt frá þessu
með nokkrum orðum.
Halldór var ytra í síldarerindum í vet-
ur, og sá þá í Sundsvall hertan ufsa, er
kej'ptur var frá Noregi og sem mikið er
neytt af i Svíþjóð, einkum norðanverðri.
Hugkvæmdist honum þvi að gera tilraun
með harðufsa i vor. Fékk hann síðan 1000
ufsa af togaranum Hávarði ísfirðing héð-
an úr bænum í mai, flatti þá og hengdi í
hjalla að norskuin sið. Eins og nærri má
geta urðu uppfesturnar ærið dýrar, þar
sem þeim var slegið uppp úr nýju timbri.
Segir Halldór mér að þær hafi kostað nær
300 krónur.
Ufsinn var full-þur og sendur til Ber-
gen í lok júní. Hefir Halldór nú nýlega
fengið skilagrein frá kaupandanum, er
var fiskkaupmaður í Bergen. Nálega öll
sendingin reyndist 1. fl. fiskur, og fékst
fvrir hana 15 kr. fyrir búntið (20 kg.),
en nokkuð á 12 kr. og örlítið á 7 kr. Alls
fékst fyrir fisksendinguna 635 kr. 25 au.
(brúttó).
Kaupandinn segir meðal annars í bréfi:
,,að ufsinn hafi verið mjög að óskum“ og
„að eftir þessa tilraun sýni það sig, að
ekkert sé því til fyrirstöðu að íslending-
ar geti framleitt 1. flokks ráskerðing
(rotskjær).
Þessi tilraun Halldórs má teljast mjög
góðra gjalda verð. Er með henni, þótt litil
sé, staðfest, að hér má takast að verka á-
gætan harðfisk til útflutnings. Verkunar-
kostnaðurinn liggur aðallega í uppfestun-
um, eins og vitað er.
Uppfesturnar eru dýrari en ég ætlaði i
skýrslu minni í síðasta blaði, en að öðru
leyti fæst öllu meira verð fyrir ufsann,
en ég gerði ráð fyrir það (brúttó). En nú
má ætla að sæmilegar uppfestur endist
lengi. Verður kostnaðurinn við þær alls
eigi ægilegur, ef gera mætti ráð fyrir að
þær entust t. d. í 10 ár með litlu viðhaldi.
Þá nálgast verkunarkostnaðurinn það,
sem ég henti á í skýrslu minni, og ætti
ekki að fara fram úr 35—40 kr. á 1000
fiska. Annars er að svo stöddu eigi unt
að fullyrða neitt í því efni, og verður
reynslan að skera úr þessu, en ætla mætti
að við meiri reynslu inætti haga þessu mun
ódýrar en við fyrstu tilraunir.
Væri einkar æskilegt að þeir, er kynnu
að fást við verkun á harðfiski til útflutn-
ings, sendu Fiskifélaginu sem greinileg-
astar skýrslur um verkunarkostnað, verð
og umsögn hinna erlendu kaupenda um
gæði harðfisksins, svo menn hefðu sein
ábj'ggilegastar skýringar við að styðjast
á fyrsta áfanganum i harðfiskverkun-
inni. ísafirði, 10. ágúst 1926.
Kristján Jónsson frá Garðsstöðum.
Lægstu tilboð
er fram komu um smíði á hinu nýja skipi
Eimskipafjelagsins.
kr. dansk.
Seebeck Bremen, Unterweser .. 1.210.000
Howalt Kiel, Deutsche Werke . . 1.259.000
Kiel, Deutsche Werke.............. 1.222.000
Helsingör, með tima 10 mán. .. 1.030.000
Aalborg, með tíma 14 mán........ 1.065.000
Flydedokken, með tima 9 mán. .. 1.050.000
Nakskov........................... 1.450.000
Flydedokken smíðar skipið.