Ægir - 15.03.1971, Blaðsíða 12

66
ÆGIR
einnig orðið mikil hjá okkur, ef fram sæk-
ir sem horfir. Við þurfum bæði að efla og
samræma þær rannsóknir, sem nú eru
gerðar á þessum sviðum og jafnframt
leggja áherzlu á öflun nýrrar þekkingar
og mannafla, m. a. með því að stuðla að
því, að efnilegir námsmenn sæki nám í
þær sérstöku háskóladeildir, sem komið
hefur verið eða er verið að koma upp í
nágrannalöndum okkar. Skipulag náms-
efnis í slíkum deildum mun einkum bein-
ast að líffræði, efnafræði og stærðfræði.
Að öðru leyti tel ég, að Hafrannsókna-
stofnunin geti hafið gagnasöfnun á hafinu
umhverfis Island í samráði við þær stofn-
anir, sem líklegastar eru til að geta unnið
að efnagreiningum gagnanna, eins og t. d.
Rannsóknastofnun fiskiðnaðarins. Ég vil
leggja á það áherzlu, að ég tel ekki að
þessu verkefni verði sinnt með því að kasta
til þess höndunum í hjáverkum, heldur
þarf að koma upp ákveðinni starfsaðstöðu
manna, sem vinna bæði að nauðsynlegum
undirstöðuathugunum og að því að fylgj-
ast með framvindu mála, — vara við og
koma í veg fyrir hugsanlegar hættur af
völdum mengunar. Hugsanlegt er, að hér
sé um að ræða svið, sem hafi þá sérstöðu
á íslandi eins og svo mörg önnur svið
vísinda vegna legu landsins og fámennis,
að leita megi til alþjóðastofnana um ein-
hverja framfylgju mála vegna hins al-
menna vísindalega eðlis rannsóknaverk-
efnisins.
Ráðstefnan fjallaði einnig um
8) Aðstoö við þróunarlönd og
9) Ráðstefnu Sameinuðu þjóðanna um
mannlegt umhverfi,
sem haldin verður í Stokkhólmi 1972, og
er tillögum og athugasemdum ráðstefn-
unnar í Róm beint til ráðstefnunnar í
Stokkhólmi til að vekja athygli á þýðingu
hafanna og lífveranna í sjónum og nauð-
syn þess að sporna við mengun þeirra.
Tekið saman í rannsóknaleiðangri á r/s Bjarna
Sæmundssyni í febrúar 1971.
Svend-Aage Malmberg, haffræðingur.
ö-----------------------------------»
Erlendar fréttir
a-----------------------------------»
Opinberir styrkir
tii brezka úthafsflotans.
Á árunum 1960 til 1970 nam opinber styrkur
til brezka úthafsflotans 4.790 millj. kr. Þetta
kom fram í skriflegu svari Priors, ráðherra land-
búnaðar, fiskveiða og matvæla, við fyrirspurn frá
McNamara þingmanni frá Hull í neðri málstof-
unni.
Þingmaðurinn hafði beðið ráðherrann að gera
grein fyrir árlegum styrkjum til úthafsflotans
á því tímabili, þegar það kerfi ríkti, að styrk-
irnir voru miðaðir við úthaldsdaga, og áætlaðar
upphæðir fram á mitt ár 1971.
Fram til 1968 hafði styrkurinn verið miðaður
við úthaldstíma og verið lægstur árið 1960—61,
kr. 315,6 millj., og hæstur 1962—63, kr. 594,2
millj. Síðasta árið, sem gamla kerfið gilti (og lauk
31. júlí 1967), nam styrkurinn kr. 294,2 millj.
Núverandi styrkjakerfi gildir frá ágústbyrjun
1968 til júlíloka í ár. Samkvæmt því fer styrkur-
inn eftir úthaldi og aflaverðmæti skipanna.
Grunnstyrkur að upphæð kr. 410 millj. er auk-
inn um helming þess, sem á vantar að aflaverð-
mætið nái kr. 820 millj. á tímabilinu, en skertur
um helming þess, sem aflaverðmætið fer fram úr
820 millj. kr. Heildarupphæðin á ári er bundin
við 840 millj. kr. hámark, og er við það miðað, að
samanlagt aflaverðmæti og styrkir fari ekki fram
úr kr. 1.470 millj.
Á tímabilinu október 1968 til jafnlengdar 1969
nam styrkurinn samkvæmt þessu kerfi kr. 407
millj., þar af kr. 150 millj. vegna úthaldstíma.
f svari ráðherrans kom fram, að áætlað er, að
styrkurinn á tímabilinu október 1960 til jafn-
lengdar 1970 muni nema kr. 320 millj.
Þingmaðurinn spurði ráðherrann hvaða breyt-
ingar í efnahags- og markaðsmálum fiskiðnaðar-
ins mundu verða, ef Bretland gengi í Efnahags-
bandalagið. Ráðherrann svaraði því, að viss atr-
iði í stefnu Efnahagsbandalagsins í málefnum
fiskiðnaðarins væru enn í mótun og eins og væri
gæti hann ekki séð fyrir, hvaða breytinga í mál-
efnum brezka fiskiðnaðarins væri þörf við inn-
göngu Breta í bandalagið. — Fishing News.
J