Tímarit lögfræðinga - 01.04.1986, Síða 70

Fyrir Hæstarétti lágu fáein ný gögn, m.a. utanréttarskýrsla raf-
veitustjóra á Akureyri um framkvæmdir á vegum Rarik í Mývatns-
sveit á árunum 1976-1981, úttekt vinnuflokka Rarik á sprengiefni og
losun þeirra á afgangsefni. Er meginefni skýrslunnar tekið upp í dóm
Hæstaréttar.
1 dómi er þess getið, að einn aðila þeirra, sem ekki unnu á vegum
Rarik, hafi notað hvellhettu til að sprengja bílflak á sorphaugunum við
Kísiliðjuna. Tekið er fram, að sá maður hafi borið í yfirheyrslu hjá
rannsóknarlögreglu, að hann hafi notað hvellhettu af annarri gerð en
þeirri, sem slysið hlaust af. Þá er tekið fram, að takmarkaðra gágna
njóti að öðru leyti við um notkun sprengiefnis, meðferð þess og varð-
veislu á þeim stað og tíma, sem hér skipti máli. Ljóst sé þó af máls-
gögnum, að fleiri en Rarik hafi haft með höndum allmikið magn sprengi-
efnis. Á bæjarþingi hafi verið kveðinn upp úrskurður um frekari öflun
gagna, en ekki hafi tekist að afla þeirra. Hafi héraðsdómur verið kveð-
inn upp að svo búnu. Loks segir orðrétt í hæstaréttardóminum:
„Hvorki er sannað, að margnefnd hvellhetta hafi verið í eigu Raf-
magnsveitna ríkisins né að hún hafi borist á sorphaugana fyrir
tilverknað manna, sem þær bera ábyrgð á. f málinu er að vísu
leitt í ljós, að nokkur misbrestur varð á því hjá starfsmönnum
Rafmagnsveitna ríkisins að gætt væri góðrar reglu um meðferð
sprengiefnis. Ekki hafa þó verið leiddar að því nægar líkur, að
gáleysi starfsmanna Rafmagnsveitnanna sé orsök þess að hvell-
hetta barst á sorphaugana. Samkvæmt því verður að sýkna ... “
3. SÉRATKVÆÐI TVEGGJA DÓMENDA
Dómarar þeir, sem voru í minni hluta, vísa í meginatriðum til rök-
stuðnings héraðsdóms. 1 sératkvæðinu rekja þeir auk þess nokkur atriði
úr framburði vitna o.fl. Síðan segir í sératkvæðinu:
„Þegar allt framanritað er virt og skoðaðar eru ljósmyndir af
vettvangi, svo og það, að telja verður að hvellhettan hafi fundist
innan um drasl á haugunum, sem helst verður rakið til RARIK
verður að telja, eins og sönnunaraðstöðu er háttað í þessu máli,
að nægilega sterkar líkur séu fram komnar fyrir því, að hvell-
hetta sú, er slysinu olli, stafi frá Rafmagnsveitum ríkisins vegna
gáleysis starfsmanna á þeirra végum um geymslu hvellhettu
þessarar.“
64