Skutull - 16.09.1946, Síða 4

4
SKUTULL
*
Liggnr við landauðn í Sléttuhreppi.
Neydarkall frá hreppsnefnd til ráöuneytisins.
Eftirlitsmaður sveitastjórnarmálefna óskar tiilagna,
þingmanna, sýslunefndar og hreppsnefndar um það, hvaða
hjálp þessir aðilar telji, að helzt komi að haldi, til þess að
byggð haldist í Sléttuhreppi. Þingmenn og hreppsnefnd
hafa haldið fund um málið og gert sínar tillögur.
Ýmsir minnast þpss e. t. v. að
í vor birtist hér í blaðinu grein uni
allö’murlegt ástand, er ríkjandi væri
i Sléttuhreppi.
Vera má, að einhverjir hafi talið,
að þar væri ástandið málað full-
dökkum litum, þar eð kosningar
voru framundan. En því miður var
svo. ekki.
Nú birtir Skutull bréf, sem
hreppsnefndin í Sléttuhreppi sam-
þykkti einróma á fundi sínum þann
25. ágúst í sumar að senda félags-
inálaráðuneytinu.
Bréfið er svohljóðandi:
„tít af því ástandi, sem skapast
hefir í Sléttuhreppi vill hrepps-
nefndin skýra hinu háa félagsmála-
ráðuneyti frá því, sem hér segir:
Héraðið er læknislaust og ljós-
móðurlaust, og prestur er ekki
heldur í hreppnum. Landssímastöð-
in og bréfhirðingin á Látrum hefir
verið lögð niður, en þó er bráða-
birgðarsímaafgreiðsla.
Úr hreppnum hafa flutt og flytja
fyrir 1. okt. n. k. búferlum rúmlega
eitt hundrað manns, og verða íbúar
þá í hrepprtum um 180. Af þeim eru
35 sextíu ára og eldri, börn innan
10 ára 55 að tölu, en aðeins teljast
33 karlmenn 20—59 ára (verkfærir
menn).
Þá gefur það og nokkra hugmynd
um, hvaða skarð er fyrir skildi í
hreppnum með brottflutningi þessa
fólks, að í fyrrverandi hreppsnefnd
voru aðeins eftir tveir menn, í kjör-
tjsórn Látrakjördeildar var enginn
eftir er alþingiskosningar fóru
fram, og varamenn heldur ekki,
og allir skólanefndarmenn Látra-
skólahverfis voru líka farnir. Enn
fremur má geta þess, að þeir, sem
burt hafa flutt, bera um helming
útsvarsbyrðarinnar þetta ár.
Hvernig á að snúast við slíku
ástandi? — Oss heimamönnum
verður ráðafátt, einkum þar sem
ganga má út frá því, að brottflutn-
ingur hins vinnufæra hluta íbúanna
sé enn eigi stöðvaður. Hinsvegar er
augljóst mál, að hlutur hinna, sem
eftir eru, verður æ erfiðari,. eftir
því sem fleiri fara.
Auðsætt virðist því, að annað-
hvort verður að gerast: Að þjóðfé-
lagið geri þegar ráðstafanir til að
lijálpa þeim, sem eftir eru, til þess
að heyja lífsbaráttuna á _þessum
stað, eða í annan stað að veita að
ininnsta kosti þeim, sem verst eru
settir beina aðstoð til að komast
burt-til annara staða.
Ástæða mundi þykja til þess, að
hjálpa fólki, sem á einhvern skynd-
ilegan hátt missti fasteignir sínar.
Hér er í raun og veru um það sama
að ræða.. Fólk hefir unnvörpum
oröið að ganga frá eignum sínum
verðlausum, og veitist þá mörgum
erfitt að koma undir sig fótunum
á nýjum stað.
Auk . alls þessa skilja fáir þann
sársauka, sem því fylgir að sjá
heilt byggðarlag leggjast í auðn.
Slíkt og þvílíkt hefir lamandi á-
hrif og dregur þrótt úr þeim, sem
eftir eru og alltaf sjá raðirnar þynn-
ast og erfiðleikana aukast.
Ilvaða atvinnulegar ráðstafanir er
liægt að gera fyrir Hesteyri, Sæból
og Látra? Eða treystist hið liáa
ráðuneyti til að koma stórum fjöl-
skyldum, sem liafa yfir verulegum
vinnukfafti að ráða, til staðar, þar
sem næga atvinnu væri að fá.
Getur hið liáa ráðuneyti útvegað
gamalmennum, sem þess kynnu að
óska eða á það fallast, hælisvist? —
Slíkar ráðstafanir, þótt neyðarúr-
ræði séu, myndu létta þeim, sem
eftir eru, nokkuð byrðarnar.
Ef leggja þarf þorp eins og Látra
í auðn, geta þeir síðustu af vinnu-
færu fólki ekki til þess liugsað að
fara og slcilja gamalmenni og ör-
yrkja og aðra þá, sem verst eiga
með að koma sér fyrir á nýjum
stað, eina eftir.
Oss er ljóst, að þetta er erfitt
vandamál, og máske einstætt. En
oss fannst ekki verjandi að draga
lengur, að leggja málið fyrir liið
háa ráðuneyti, og leyfum oss að gera
það með b^éfi þessu. Auðvitað erum
vér fúsir til að eiga viðræður við
rikisstjórnina um þessi mál, en þess
ber fyrst og fremst að minnast, að
það sem gert verður, þarf og verður
að gerast í skjótri svipan.
Virðingarfyllst,
pr. Hreppsnefnd Sléttuhrepps,
Bergm. Sigurðsson.
(sign.)
Til Félagsmálaráðuneytisins, Bvk.“
Við þessu neyðarkalli lirepps-
nefndarinnar snerist Finnur Jóns-
son félagsmálaráðlierra þannig, að
lianr. lagði þegar fyrir eftirlitsmann
sveitastjórnarmálefna að óska til-
lagna þingmanna kjördæmisins,
sýslunefndar og hreppsnefndar í
þessu einstæða vandamáli.
Bréf eftirlitsmanns sveitastjórn-
armálefna til þreppsnefndarinnar í
Sléttuhreppi er svoliljóðandi:
6. september 1946.
Félagsmálaráðherra hefir sent
mér bréf hreppsnefndar Sléttu-
hrepps, dags. 25. ágúst s. 1., með
fyrirmælum um, að setja mig nú
þegar í samband við hreppsnefnd
og sýslunefnd og þingmenn kjör-
dæmisins í því skyni að fá raun-
hæfar tillögur til úrbóta á því
vandamáli, sem þarna er um að
ræða. Samkvæmt þessu er hér með
lagt fyrir hreppsnefndina að gera
nú þegar tillögur um, hvaða hjálp
liún telur að helzt myndi að lialdi
koma, til þess byggð fengi haldist
í Sléttuhreppi.
Er þess vænst, að tillögur hrepps-
nefndarinnar berist hingað hið
allra fyrsta.
Virðingarfyllst
Jónas Guðmundsson
(sign.)
Oddviti Sléttulirepps,
Látrum, Aðalvík, N.-IS.
Út af þessu bréfi héldu alþingis-
mennirnir Hannibal Valdimarsson
og Sigurður Bjarnason fund á Isa-
firði með hreppsnefnd Sléltuhrepps
þann 11. september, og er fundar-
gerð þess fundar svohljóðandi:
Isafirði, 11. sept. 1946.
Hreppsnefnd Sléttuhrepps átti
miðvikudaginn 11. sept. 1946 fund
með alþingismönnunum Sigurði
Bjarnasyni og Hannibal Valdimars-
syni á Isafirði.
Tilefni fundarins var bréf hrepps
nefndarinnar til félagsmálaráðu-
neytisins dags. 25. ágúst 1946, þar
sem óskað var aðstoðar ráðuneytis-
ins vegna þess ástands, sem skapast
hefir í hreppnum ogsvar, erlirepps-
nefndinni og þingmönnunum hafði
borist frá eftirlitsmanni sveita-
stjórnarmála.
Ákveðið var að beina eftirfarandi
tillögu til viðreisnar hreppsfélaginu
til félagsmálaráðuneytisins, ög var
þingmönnunum falið að fylgja þeim
eftir:
1. Ríkið reisi tvö lítil liraðfrysti-
hús, annað á Sæbóli í Aðalvík og
hitt að Hesteyri.
2. Lendingarbótum þeim, sem
hafnar eru á Látrum, verði fram
haldið, þannig að bryggjan komi
að fullum notum fyrir smávélbáta.
Ráðgerð bryggja á Sæbóli verði
byggð þannig að hún fullnægi þörf-
unum vegna hraðfrystihússins. Á
sama hátt verði séð fyrir nauðsyn-
legum lendingarbótum á Hesteyri.
3. Rannsökuð verði virkjunar-
skilyrði Hesteyrar og Reyðardals-
ár í Norður-Aðalvík og þær virkj-
aðar ef ráðlegt þykir.
4. Mælt verði upp ræktanlegt
land við Hesteyri og í Aðalvík með
tilliti til þess að lireppsbúar geti
fengið aukin afnot af Iandi.
5. Lögð verði áherzla á að ljúka
sem fyrst akfærum sumarvegi milli
Hesteyrar og Sæbóls.
Fenginn verði þegar læknir í
Hesteyrarhérað með búsetu á Ilest-
eyri.
Um nauðsyn þessara ráðstafana
leyfir hreppsnefndin sér að skír-
skota til fyrgreinds bréfs til fé-
Iagsmálaráðuneytisins. Það er álit
hreppsnefndarinnar að ef þessar
ráðstafanir eða aðrar, sem að líku
haldi mættu koma, ekki verði gerð-
ar mjög fljótlegay muni hreppsfé-
lagið fara algerlega í auðn.
Nefndin treystir því á aðstoð rík-
isins í þessu einstæða vandamáli
hreppsins.
Virðingarfyllst,
Má það öllum augljóst vera af
framanskráðum gögnum, að ástand
það, sem skapazt hefir í Sléttu-
hreppi er hið alvarlegasta og næsta
einstætt, og ekki hvað sízt erfitt
viðfangs vegna þess, hve mikið af
vinnufæru fólki er þegar flutt úr
hreppnum. Þó verður að vorna það,
að enn sé ekki of seint að bjarga
byggð í Sléttulireppi.
HAPPDRÆTTI
)
til ágóða fyrir starfsemi
SUNNUKÓRSINS
Vinningur er Blythner-píanó að verðgildi kr. 9594,00.
Verð kr. 10,00.
* Dregið verður hjá bæjarfógetanum á Isafirði 10. júní 1947.
Styðjið starfsemi Sunnukórsins, kaupið happdrættismiða
hans og fáið yður ódýrt píanó!
Miðarnir fást í báðum bókabúðunum og hjá öllum félögum
Sunnukórsins.