Fréttabréf Siglfirðingafélagsins í Reykjavík og nágrenni - nóv. 1995, Blaðsíða 2
SIGLFIRÐINGAFÉIAGIÐ í REYKJAVÍKOG NÁGRENNI
æ FRÉTTABRÉF
ÚTGEFANDI:
SIGLFIRÐINGAFÉLAGIÐ I' REYKJAVÍKOG NÁGRENNI.
RITSTJÓRl OG ÁBYRGÐARMAÐUR
S. JÓNA HILMARSDÓTFIR
Frd ritstjóra:
Jæja, þá lítur eitt enn Fréttabréf SIRON dagsins
ljós. Satt að segja finnst mér Fréttabréfið vera eini
samgangur okkar brottfluttra Siglfirðinga hér suð-
vestanlands. Alltaf er minni og minni þátttaka í
skemmtanahaldi sem SÍRON stendur fyrir, af
hverju veit ég ekki.
Af og til hitti ég okkar fólk bæði hér fyrir sunn-
an og norðan og allir eru sammála um að efla
félagið og gera eitthvað! En svo þegar kemur að
því, hafa fáir tíma eða gefa sér ekki tíma því allir
þurfa jú að lifa lífinu sem hraðast!
Sl. vor mætti ég í Garðabæinn á fjölskyldudag-
inn og hef ég aldrei séð jafn fámennt þar. Hvar er
allt unga fólkið og öll börnin? Fyrir fáum árum var
svo fjölmennt að lagt var á borð í anddyrinu. Þessu
verðum við með einhverju móti að koma í lag aftur.
Hér með hvet ég alla til að vera duglegri að
mæta á samkomur félagsins. Einnig væri gaman að
fá frá ykkur línu um ykkar hugmyndir til að efla
félagið.
Jóna Hilmarsdóttir
Fró félagatalsnefnd:
Eins og fram kom í grein formanns SÍRON, Jóns
Sæmundar Sigurjónssonar, í síðasta fréttabréfi þá var
verulegt átak gert í því að fjölga félögum í Siglfirð-
ingafélaginu sl. vor. Sú félagaskrá sem unnin var á
sínum tíma upp úr þjóðskrá var keyrð saman við
þjóðskrá í vor og reynt var að finna út hvaða fólk
hafði aldrei verið á skrá í félaginu eða „gleymt“ að
skrá sig. í ljós kom að mjög marga árganga „vant-
aði“ inn í félagið og fyrst og fremst var það fólk fætt
á árunum 1960-1975 en það var sá árgangur sem
miðað var við að þessu sinni.
Félagar í SÍRON um síðustu áramót voru 1131. I
dag eru um 1800 brottfluttir Siglfirðingar á skrá í
SÍRON. Félagssvæðið er í dag höfuðborgarsvæðið,
Suðurnes, Akranes og austur á Selfoss. Allir þeir sem
fæddir eru á Siglufirði og búa í póstnúmerum
101-300 og 800-825 fengu því sent síðasta frétta-
bréf auk gíróseðils ef þeir vildu ganga í félagið.
Nokkrir hafa óskað eftir að vera ekki í félaginu og
hafa því verið teknir af skrá. í síðasta fréttabréfi var
ítrekað við „nýja“ félaga að senda félaginu línu ef
þeir vildu ekki fá fréttabréf (og gíróseðil einu sinni á
ári!). Um getur verið að ræða fólk sem t.d. flutti
mjög ungt að árum og hefur þar af leiðandi engin
tengsl haft við Siglufjörð. Er það hér með ítrekað á
ný að þeir sem ekki vilja vera í félaginu sendi okkur
línu og verður fólk þá tekið af félagaskránni. Utaná-
skrift félagsins er: SÍRON - félagatalsnefnd, pósthólf
8584, 128 Reykjavík.
í félagatalsnefnd eru: Jónas Skúlason, Jóna Hilm-
arsdóttir og Ólafur Baldursson. Að lokum eru félags-
menn minntir á það að greiða beimsenda gtróseðla
fyrir félagsgjöldum.
skemmtilegri sögu
eða myndum að
heiman?
Hafðu samband
2
MUNIÐ
að greiða
félagsgjöldin