Búnaðarrit - 01.06.1969, Page 82
332
BÚNAÐARRIT
ir byggingu. Ýmsar ágætar afurðakýr undan félagsnautum
eru til, en þó eru enn ágætlega byggðar, mjólkurlegar
og vel með farnar kýr, sem af einhverjum ástæðum
mjólka snöktum minna en þær ættu að geta gert. Nokkr-
ar ungar kýr undan nautum Kynbótastöðvarinnar í Laug-
ardælum voru sýndar. Höfðu flestar þeirra reynzt ágæt-
lega að 1., 2. og 3. kálfi og betur en eldri kýrnar, en
erft góða byggingu Mýrdalsstofnsins. Virðist svo sem
þessi blöndun gefist vel.
Nf. Austur-Eyjafjallahrepps. Valdar höfðu verið á sýn-
inguna í Drangslilíð 38 kýr frá 13 búum, en af þeim
var komið með 26 frá 9 búum auk tveggja annarra kúa.
Af hinum sýndu kúm lilutu 15 I. verðlaun, en liinar
13 II. verðlaun. Þótt bagalegt væri að fá ekki allar vald-
ar kýr á sýninguna, sérstaklega frá einum bæ, má þó
telja, að fengizt liafi rétt mynd af hinu bezta í kúa-
stofninum. Hinar sýndu kýr voru jafnvaxnar flestar og
yfirleitt sterklega byggðar, og báru flestar með sér svip
ræktunar, enda lengi verið góðar kýr í sveitinni. Þó eru
til of síð júgur og grófir spenar. Nær lielmingur kúnna
voru dætur nauta á Kynbótastöðinni í Laugardælum,
enda stöðin verið notuð lengi, og flestar hinna voru
undan völdum, eldri nautum félagsins. Engar kvígur að
1. og 2. kálfi voru sýndar. Kjarnfóður er gefið með
minna móti og fáar kýr mjög nytháar, þótt vel fóðraðar
séu.
Nf. Vestur-Eyjafjallahrepps. Sýndar voru kýr frá Merk-
urbæjunum þremur aðeins, en frá þeim bæjurn voru
sýndar allar kýr, sem valdar liöfðu verið á sýninguna
eða 19 alls. Hlutu 11 kýr I. verðlaun, og voru flestar frá
Guðjóni í Syðstu-Mörk eða 5. Sjö af sýndum kúm voru
dætur Rauðs frá Felli í Dyrhólahreppi. Þær eru virkja-
miklar og vel gerðar kýr með góð júgur og ágæta spena.
Hlutu 5 þeirra I. verðlaun. Á sýningunni fékkst ekki
nógu gott yfirlit yfir kúastofninn í félaginu, en félags-
starfsemin hefur dregizt mjög saman undanfarin ár nema