Alþýðumaðurinn - 04.02.1988, Blaðsíða 7
Hornrekupistill...
Þegar hringt var í mig og ég beö-
in að skrifa einhvern pistil fyrir
Alþýðumanninn lofaði ég því
einu að skamma þann sem vísað
hafði á mig. Þetta gerði ég svo en
hann hló bara og sagði mér að
fara að setja eitthvað saman. Ég
gæti það alveg þó mér fyndist
annað.
Áramót eru tfmi uppgjörs. Þau
eru einnig sá áfangi þegar menn
líta um öxl og gá að því sem gert
var eða látið ógert. Mörgum eru
þau stund heitstrenginga. Pétur
ætlar að hætta að reykja, - Pálína
fer í megrun. Nemandinn lofar
að taka sig á, á næstu önn.
Veðurguðirnir eru jafnvel með í
leiknum. Litu þeir kannski ekki
um öxl og sáu að þessi skratti
dugði ekki?
Þó maður skydli ætla að
hlýindi væru hagstæð þjóð sem
býr á okkar breiddargráðu er það
nú öðru nær. - Er það ekki ein-
mitt þess vegna sem dilkarnir
sem nú eru kallaðir fjallalömb,
þó þeir gangi undir mæðrum
sínum, koma alltof feitir af fjalli?
Allir upplýstir menn vita að vænt
fé er lífshættulegt bæði eigendum
sínum, þjóðfélaginu og ekki síst
þeim sem eiga að éta það. Eða er
ekki svo? Ég legg til að bændur
hætti að láta lömbin ganga undir
ánum sumarlangt. Þeir gætu t.d.
tekið fráfærur upp að nýju. Þá
fengi neytandinn a.m.k. ekta
fjallalamb.
„Hallarkóngarnir" kvarta und-
an nísku hinna mennsku máttar-
valda. Ekki fæst nóg fé til að
leiðbeina sveitamanninum. Ja
það var og.
Ég er nú bara áhorfandi en sé
og skil þetta vel. Ég hef nefnilega
sjálf þurft að snúa við blaðinu
eins og bændur nú.
Er það nokkuð misminni að á
undangengnum áratugum hafi
bændur verið hvattir til að rækta
land og búfé. Ráðunautar hafa
ýtt bændum hærra - hærra. Kýrin
þarf að hafa stærri vömb svo hún
geti étið meira hey og korn og þá
um leið mjólkað meira. Ærin er
sædd. Nú dugar ekki gamla
aðferðin. Hrúturinn sem dropinn
er fenginn úr þarf að vera með
breiðara spjald, þykkari læri og
standa gleiðar en faðir hans
o.s.frv. Ærin þarf náttúrlega að
vera mjólkurlagnari en hún
amma hennar svo allt smelli
saman. Hvað kemur út ef þú
leggur saman 2 og 2? Það mega
alls ekki verða 4. Nú þurfa þeir
sem bera vit fyrir bændum að búa
til nýja leiðbeinendur. Það þarf
að tölvuvæða kýrnar. Eða hvað?
í gróandanum græða þær sig ef
allt er eðlilegt, en það mega þær
einmitt ekki, heldur öfugt, því þá
er framleiðsluárinu að ljúka og
kvótinn oft búinn.
Aumingja Búkolla mín. Hvers
átt þú að gjalda? Það er þó þér og
henni frænku þinni „Flekku" að
þakka að enn er til íslensk þjóð.
Man heldur enginn lengur að það
voru „jól“ í kotinu þegar kýrin
bar?
Fjárbændur ættu að lengja
„mörsug“ fram yfir fengitíma svo
rolluskjáturnar komi ekki með
nerna eitt lamb hver að vori. Eins
væri hugsandi að fá kínverska
ráðunauta í fjárhúsin. Þeir ku
vera komnir allra þjóða lengst í
að láta kvenkynið ekki fjölga sér
um of.
Þá er það „Refur bóndi“.
Hann segir sig vanta svo sem
1500 krónur á skinn til að dæmið
í fyrra gangi upp. Hver sagði
honum að hýsa refi? Skyldi sú
leiðbeining hafa komið frá alvitr-
um stjórnanda í „Höllinni". Mér
finnst bændum eiga að búa með
skepnur, ekki dýr.
Til að leysa allan þann vanda
sem sauðfjár- og refabændur eru
komnir í dettur mér helst í hug,
já ég held það sé óhjákvæmilegt,
að sleppa bara refunum út þegar
ærnar eru farnar á fjall í vor.
Bændur geta svo fengið vinnu við
að elta dýrbítinn uppi. Jón
„fjári“ afhendir „búfjár" Jóni svo
afganginn af matarskattinum sem
hinn hlægilegi grátkór segir ekki
svo lítinn. Bændur fá sitt.
Segið svo að menn kunni ekki
lengur að slá tvær flugur í einu
höggi, - eða þannig!
Þjóðarvandi það var og
þankagangur flakkar.
Bændur sker hann búss við trog
brytjar svo og hakkar.
Verið þið svo margblessuð.
Hornreka
HERRADEILD
Gránufélagsgötu 4
Akureyri • Sími 23599
*T*: Tölvuskóli MA
Námskeið í meðferð ritvinnslukerfisins
OrðSnilld (WordPerfect) hefst 8. febrúar
n.k.
Kennslan fer fram kl. 20-22 á mánudagskvöldum og
miðvikudagskvöldum í fimm vikur, samtals 30
kennslustundir.
Skráning á námskeiðið fer fram á skrifstofu
Menntaskólans, sími 25660.
■Bókabúðin EddaB
■■! Hafnarstræti 100 Akureyri Sími 24334 ■■■
Meiriháttar verðlækkun
vegna tollabreytinga
Ljosritunarvélar
Ritvélar
Reiknivélar
Alþýðuf lokksfó I k
Akureyri
Bæjarmálafundur verður haldinn að Strand-
götu 9 mánudaginn 8. febrúar nk. kl. 20.30.
Rætt verður m.a. um fjárhagsáætlunina.
Stjórnin.
Frá kjörbúðum KEA
Bjóðum þorramat
í bökkum, 2 stærðir
Súrmatur í úrvali, svo sem bringur,
sviðasulta, hrútspungar, lundabaggar,
blóðmör, lifrarpylsa, hvalrengi
og svo hákarlinn góÖi.
rsljótiö þorrans
á þjóÖlegan hátt.
I