Fréttablaðið - 23.12.2009, Blaðsíða 40

36 23. desember 2009 MIÐVIKUDAGUR
LOKAÐ Í DAG
OPNUM ANNAN Í JÓLUM
GLEÐILEG JÓL!
SJÁUMST Í JÓLASKAPI
FRUMSÝND
ANNAN Í JÓLUM
SAMbíóin eru lokuð í dag Þorláksmessu
OPIÐ FYRIR SÖLU Á GJAFAKORTUM
FRÁ 11 - 17.00 Í ÁLFABAKKA OG 11 - 23.00 Í KRINGLUNNI
OPNUM AFTUR 2. Í JÓLUM MEÐ JÓLAMYNDUNUM Í ÁR
GLEÐILEGA HÁTÍÐ
NÝTT Í BÍÓ - bara lúxus
Sími: 553 2075
Sesselja Magnúsdóttir, eða
Sessý, hefur verið iðin við
að búa til umhverfisvænar
jólagjafir upp á síðkastið.
Gjafirnar hefur hún bæði
selt á jólamörkuðum og á
Facebook, en kveikjan að
handverkinu er bæði áhugi
Sessýjar á umhverfisvernd
og þörfin til að ná endum
saman fyrir jólin.
„Ég er búin að skrautskrifa frá
því að ég var krakki, en það var
Birta Björnsdóttir, æskuvinkona
mín og fatahönnuður, sem kenndi
mér skrautskrift þegar ég var tólf
ára,“ segir Sessý, spurð um hand-
verksáhugann. „Mamma mín rak
innrömmunarfyrirtæki í mörg ár
og þar var afgangspappír þegar
kartonið var skorið fyrir mynd-
irnar. Mér fannst agalegt að því
væri hent svo ég fékk alltaf kart-
on hjá henni sem ég skrautskrifaði
á og fór svo að gata og setja borða
í til að búa til sæt kort,“ bætir hún
við.
Einhverjir muna eflaust eftir
Sessý úr fyrstu Idol-seríunni, en
hún er söngkona og kennir söng
auk þess sem hún er í kennara-
námi við Háskóla Íslands. Gjaf-
irnar gerir hún í frístundum
sínum til að endurnýta heimilis-
úrgang og skapa sér aukatekjur,
en fyrir utan jólakortin selur hún
meðal annars segul sem festa má
á ísskáp, heimabakað speltbrauð,
hummus og skartgripi. „Þegar ég
var að selja hrísgrjónahitapoka
sem ég saumaði á jólamarkaðnum
í Heiðmörk síðustu jól bauð ég upp
á brauð og hummus sem sló alveg í
gegn. Ég hef svo þróað uppskrift-
ina og bætt ýmsu út í hana. Annars
er ég mikið að dansa salsa og er
alveg salsasjúk. Þar er krafturinn
og litagleðin ríkjandi svo ég fór að
leika mér að búa til litríka skart-
gripi út frá því,“ útskýrir Sessý
sem leggur jafnframt áherslu á
að breiða út kærleiksboðskapinn.
„Ég er ekki tengd neinum trúar-
brögðum heldur er ég bara aðdá-
andi kærleiks og umburðarlyndis.
Eftir að ég byrjaði í tólf spora-
kerfinu fyrir um tveimur árum
féll ég alveg fyrri þeirra lífspeki.
Ég hef lært margt síðan þá sem
getur hjálpað manni, sérstaklega
á krepputímum,“ segir hún og
viðurkennir að það sé erfitt að ná
endum saman í dag.
„Ég er einstæð móðir svo maður
er alltaf að reyna að ná jafnvægi
fjárhagslega. Ég var ekki með
nein gjaldeyrislán og lifði mjög
hógværu lífi, en ég mátti ekki við
þessari verðbólgu og er virkilega
að finna fyrir kreppunni núna. Þótt
ég skammist mín ekki almennt
fyrir að leita mér hjálpar vildi ég
prófa að sjá hvað ég gæti gert áður
en ég færi að leita til Fjölskyldu-
hjálpar og sækja mér matarkörfu,“
segir Sessý. „Án þess að vera nei-
kvæð finnst mér ganga mjög langt
hvað við neytum mikils og sköpum
mikið rusl á plánetunni okkar. Við
erum svo ofboðslega mikið neyslu-
þjóðfélag og að því leyti finnst mér
kreppan jákvæð. Undanfarna mán-
uði hef ég verið að geyma dót til að
föndra úr og það hefur veitt mér
ánægju að búa til verðmæti úr ein-
hverju sem er til án þess að kaupa
meira,“ segir Sessý, en vörurnar
má sjá á Facebook undir Sessý‘s
market. alma@frettabladid.is
IDOL-STJARNA SELUR HAND-
VERKIÐ SITT Á FACEBOOK
UMHVERFISVÆNAR JÓLAGJAFIR Sessý endurnýtir meðal annars heimilisúrgang til að búa til jólagjafir, en kveikjan að handverkinu
er bæði áhugi Sessýjar á umhverfisvernd og þörfin til að ná endum saman fyrir jólin. FRÉTTABLAÐIÐ/ANTON