Fréttablaðið - 23.12.2009, Blaðsíða 43

MIÐVIKUDAGUR 23. desember 2009 39
FÓTBOLTI Það hefur gengið á ýmsu
hjá Eggerti Gunnþóri Jónssyni og
félögum í Hearts í skosku deild-
inni í vetur. Eggert meiddist í
upphafi tímabils og lenti í átökum
eftir svekkjandi tap á móti Hamilt-
on á dögunum en hefur nú tryggt
sér fast sæti í liðinu í sinni stöðu á
miðjunni. Eggert átti mjög góðan
leik í 2-1 sigri á Celtic um síðustu
helgi og það spillti ekki fyrir að
fjölskyldan hans var í stúkunni.
„Það hafði ekkert gengið alltof
vel hjá okkur undanfarið þannig
að það var gott að fá þennan sigur.
það er ekkert búinn að vera alltof
góður mórall í liðinu. Þessi leikur
hjálpar okkur aðeins og svo eigum
við törn yfir jólin og það er vonandi
að við getum gert vel þar,“ segir
Eggert sem viðurkennir að slags-
málin eftir leikinn við Hamilton á
dögunum og eftirmál þeirra hafi
reynt mikið á leikmenn liðsins.
„Það var mikil pressa á klúbbn-
um eftir þann leik. Það var mikið
fjallað um þetta, við fengum
slæma umfjöllun og það var verið
að tala um að það væri enginn agi
hjá okkur,“ segir Eggert sem forð-
ast það að tala um hvað gerðist
eftir leikinn.
Tímabilið byrjaði ekki vel hjá
honum. „Ég byrjaði á því að meið-
ast strax í öðrum leik í deildinni,
reif magavöðva og þurfti að fara í
aðgerð. Ég var frá í sex vikur eftir
það en er að koma til baka núna, er
búinn að spila 3 til 4 leiki í röð og
er kominn á fullt aftur,“ segir Egg-
ert sem er kátur með að fá að spila
sína bestu stöðu.
„Ég er farinn að finna mig vel og
farinn að spila mjög vel. Ég er loks-
ins farinn að spila á miðjunni aftur
því í fyrra var ég mikið að flakka
um stöður á vellinum þegar það
vantaði menn. Núna er ég búinn að
festa mig í sessi inni á miðjunni og
þar vil ég vera. Það sést líka alveg,
mér líður miklu betur á miðjunni
og þá er ég að spila miklu betur.
Ég er að skila miklu meiru til liðs-
ins þarna heldur en ef ég er látinn
hanga í einhverjum öðrum stöð-
um sem ég vil ekki vera að spila
í,“ segir Eggert.
„Þjálfarinn er búinn að segja
við mig seinasta árið að honum
líði alltaf betur að hafa mig í vörn-
inni. Ég vil bara vera á miðjunni,“
segir Eggert og þjálfarinn Csaba
László er kominn á sömu línu og
hann í dag. Hearts hefur nú fengið
7 stig í síðustu 4 leikjum og þetta
lítur allt betur út hjá liðinu.
„Við eigum að vera miklu ofar
en við erum núna. Við erum í sjö-
unda sæti en við eigum að vera
að berjast um þriðja sætið. Þetta
hefur verið erfitt tímabil, stuðn-
ingsmennirnir voru búnir að
missa þolinmæðina og við áttum
ekki langt eftir niður í neðsta
sæti. Síðan þá höfum við náð að
rífa þetta upp hjá okur og við
erum komnir á gott skrið núna.
Við fengum góðan sigur um síð-
ustu helgi á móti Celtic og það
ætti að hjálpa að fá sjálfstraustið
til baka,“ segir Eggert sem von-
ast eftir fleiri stigum yfir hátíð-
arnar þar sem liðið mætir neðsta
liðinu og svo Motherwell sem er
lið á svipuðu róli í töflunni.
„Ef við komum vel út úr þessari
törn um jólin þá lítur þetta von-
andi miklu betur út hjá okkur. Um
leið og við erum komnir þarna
upp í efri hlutann þá getur allt
gerst,“ segir Eggert.
Það er mikið að gera hjá Egg-
erti og félögum yfir hátíðarnar
og því enginn tími til að komast
heim til Eskifjarðar yfir jólin.
Fjölskyldan dreif sig í staðinn
út til Edinborgar og verður hjá
honum yfir jólin. „Það er gaman
að fjölskyldan var komin og fékk
að sjá þennan Celtic-leik. Ég
kemst ekkert frá um jólin þannig
að þau koma bara til mín. Það er
fínt að maður getur sýnt þeim að
maður geti eitthvað,“ segir Eggert
í léttum tón.
„Þau komu rétt fyrir leikinn
og verða hjá mér yfir jól og ára-
mót. Þau komu út með allan jóla-
matinn. Það er mjög gott að fá
þau út og þá sérstaklega að fá
mömmu svo að hún geti eldað
jólamatinn. Það er eiginlega það
mikilvægasta,“ segir Eggert að
lokum. ooj@frettabladid.is
Mikilvægast að fá mömmu út
svo að hún geti eldað jólamatinn
Eggert Gunnþór Jónsson og félagar í Hearts unnu frábæran 2-1 sigur á Celtic í skosku úrvalsdeildinni um
síðustu helgi. Eggert var valinn besti leikmaður leiksins af stuðningsmönnum liðsins eftir leikinn.
AÐ STANDA SIG Eggert
Gunnþór Jónsson sést hér
í leik með Hearts. Hann
leikur aðalhlutverk á miðju
liðsins.
MYND/NORDICPHOTOS/GETTY