Fréttablaðið - 31.12.2009, Page 42

38 31. desember 2009 FIMMTUDAGUR
folk@frettabladid.is
Árið 2009 var viðburðaríkt úti í hinum stóra skemmtana-
heimi þar sem óvænt dauðsföll og hjónabandsvandræði
voru áberandi. Fréttablaðið tók saman helstu fréttir ársins
úr erlenda skemmtanabransanum.
Andlát Jacksons og
vandræði Woods
Janúar
PHOENIX HÆTTIR AÐ LEIKA
Leikarinn Joaquin Phoenix hóf árið með því að falla niður
af sviði á næturklúbbi í Las Vegas. Þar var hann að hefja
nýjan og heldur betur óvæntan feril sinn sem rappsöngvari.
Undarleg hegðun hans ýtti undir orðróm um að hann væri
að gera grín-heimildarmynd sem mágur hans Casey Affleck
væri að taka upp.
Febrúar
BROWN RÆÐST Á RIHÖNNU
Grimmileg árás rapparans Chris Brown á kærustu
sína Rihönnu vakti mikla athygli. Þau hættu
saman og Brown fékk skilorðsbundinn dóm.
Apríl
SUSAN SIGRAR HEIMINN
Susan Boyle kom öllum á óvart með frábærri
frammistöðu í breska þættinum Britain´s Got
Talent. Hún söng lagið I Dreamed A Dream við
fádæma góðar undirtektir.
Maí
KATIE OG PETER SKILJA
Katie Price (Jordan) og Peter Andre skildu eftir þriggja
og hálfs árs hjónaband og tvö börn. Fjölmiðlar gerðu
sér mikinn mat úr skilnaðinum og bæði Price og
Andre voru dugleg við að úthúða hvort öðru fyrir
opnum tjöldum.
Júní
JACKSON DEYR
Popparinn Michael Jackson lést öllum að óvörum,
aðeins fimmtugur að aldri, skömmu áður en hann
ætlaði að hefja tónleikaröð í London. Lést hann eftir of
stóran skammt af lyfseðilsskyldum lyfjum.
September
WEST GERIR SIG AÐ FÍFLI
Rapparinn Kanye West gerði sjálfan sig að fífli með því að
ryðjast upp á svið þegar söngkonan Taylor Swift fékk afhent
MTV-verðlaun. Hann greip fram í fyrir henni í þakkar-
ræðunni og lýsti yfir vonbrigðum með að vinkona
hans Beyoncé hefði ekki fengið verðlaunin.
Nóvember
GIBSON NÚMER ÁTTA
Mel Gibson varð átta barna faðir eftir að rússneska
kærastan hans eignaðist þeirra fyrsta barn. Gibson
sótti um skilnað frá eiginkonu sinni á árinu en hann
hafði fram að þessu þótt fremur traustur og trúr
eiginmaður.
Desember
TIGER MEÐ BUXURNAR Á HÆLUNUM
Óflekkuð ímynd kylfingsins Tigers Wood beið mikinn hnekki
þegar í ljós kom að hann hafði haldið framhjá sænskri eigin-
konu sinni með fjölda kvenna, þar á meðal klámmynda-
stjörnu. Eiginkonan flutti heim til Svíþjóðar og Tiger ákvað
að taka sér frí frá golfinu um óákveðinn tíma.
„Vonandi finnur einhver ástina,“ segir
Ragnhildur Magnúsdóttir, kvikmynda-
og dagskrárgerðarmaður.
Stefnumótaþátturinn Djúpa laugin
hefst á ný á Skjá einum í febrúar. Ragn-
hildur stýrir þættinum ásamt blaða-
manninum Þorbjörgu Marinósdóttur,
sem starfar hjá útgáfufélaginu Birt-
íngi. Spurð hvort þátturinn verði með
öðru sniði en áður segist Ragnhildur
lítið geta sagt um það. „En ég get sagt
að hann verður mjög skemmtilegur,“
segir hún. „Svona þáttur snýst fyrst og
fremst um skemmtilega þátttakendur.
Við munum reyna að koma með eitthvað
nýtt og ferskt í sjónvarpsflóru lands-
manna.“
En er til nógu mikið af skemmtilegu
einhleypu fólki á Íslandi?
„Já, hiklaust. Ég held líka að
stefnumóta menningin á Íslandi hafi
breyst og þróast mikið. Það gefur
okkur visst tækifæri til að gera
nýja og skemmtilega hluti.“
Djúpa laugin var á dagskrá
Skjás eins nokkur ár í röð og
á meðal þeirra sem hafa
stýrt þættinum eru Dóra
Takefusa, Maríkó Mar-
grét og Kolbrún Björns-
dóttir á Bylgjunni. „Ég
man eftir þáttunum,“
segir Ragnhildur. „Ég
ólst líka upp í Ameríku
og þekki svona þætti
úr bandarísku sjónvarpi.
Það voru margir hrikalega
skemmtilegir enda alltaf
gaman að fjalla um ástina.“
- afb
Djúpa laugin hefst í febrúar
KOMA ÍSLENDINGUM
SAMAN Ragnhildur
Magnúsdóttir og Þorbjörg
Marínósdóttir ætla að senda
Íslendinga á stefnumót í
febrúar.
> VANTAÐI NEISTANN
Söngkonan Taylor Swift og leik-
arinn Taylor Lautner hafa slitið
sambandi sínu. Taylorarnir eru
bæði upprennandi stjörnur í
heimalandi sínu og þóttu því
fullkomið par. Ástæða sam-
bandsslitanna ku vera sú að
stúlkan Taylor var ekki nógu
hrifin af drengnum Taylor.
„Fólk er að fá alveg fyrir aurinn,“
segir Valgarð Sörensen, einn af eig-
endum skemmtistaðarins Austur.
Öllu verður tjaldað til fyrir
nýárspartí staðarins, enda er miða-
verðið eftir því, eða 14.500 krónur.
„Ef fólk ætlar út á annað borð þá er
þetta fimm rétta máltíð og allt inni-
falið, þar á meðal áfengi, rautt og
hvítt og kampavín í fordrykk,“ segir
Valgarð. „Síðan verður Smirnoff-
flaska inni í þessu líka, plús öll dag-
skráin, þannig að ég held að þetta
sé mjög góður díll. Við ætlum að
vera með flotta heimapartí-stemn-
ingu og skapa afslappað andrúms-
loft. Þetta verður ekta nýárspartí,“
segir Valgarð.
Veislustjóri kvöldsins verður
Logi Bergmann Eiðsson og á meðal
þeirra sem stíga á svið verða Baddi
og Valdi úr Jeff Who?, Högni og Sig-
ríður úr Hjaltalín og uppistandar-
arnir Ari Eldjárn og Jóhann Alfreð.
Matseðillinn verður ekki af verri
endanum. Hann samanstendur af
grafinni gæsabringu, lakkríslambi,
reyktri lambalund og nautalund,
ásamt fleiri kræsingum. Eftir að
allir hafa borðað nægju sína og
horft á skemmtiatriðin geta þeir
síðan dillað sér við danstónlist
frá plötusnúðunum Önnu Rakel og
Símoni.
Nánast uppselt er í matinn en
eftir hann verður húsið opnað á
milli ellefu og tólf. Spurð-
ur hvort partíið sé ekki
bara fyrir þotuliðið segir
Valgarð: „Eru ekki allir
í þotuliðinu á Íslandi
núna í dag?“ - fb
Nýárspartí á 14.500 krónur
LOGI BERGMANN Sjón-
varpsmaðurinn Logi
Bergmann Eiðsson verður
veislustjóri á Austur á
nýárskvöld. Sigríður
Thorlacius og Högni úr
Hjaltalín verða síðan
meðal skemmtiatriða.
29 vítamín og steinefni · 18 aminósýrur · Blaðgræna · Omega
GLA fitusýrur · SOD eitt öflugasta andoxunarensím líkamans
Lífrænt Fjölvítamín
Eingöngu lífræn næringarefni tryggja betri upptöku og nýtingu í líkamanum.
www.celsus.is
Til að fá jafnmikið af nokkrum völdum næringarefnum og í
dagskammti af Lifestream Spirulína þarf að borða:
· 7 gulrætur (betakarotín)
· 1 skál af fersku spínati (járn)
· 1 skál af híðishrísgrjónum (kalíum)
· 1 glas af mjólk (kalk)
· 125gr. nautakjöt (prótín + B12 vítamín)
· 30gr. hveitigrassafa (blaðgræna)
· 1 hylki Kvöldvorósarolía (GLA fitusýrur)
Súrefnistæmir umbúðirnar til að vernda næringarefnin.
Lifestream þörungarnir eru ómengaðir vegna þess að þeir eru ræktaðir í
ferskvatni eftir ströngum gæðastaðli. ISO9001 · ISO14001
Aukið úthald,
þrek og betri líðan
Styrkir fljótt líkamann gegn kvefi og flensum
WHO Alþjóðlega Heilbrigðisstofnunin telur hágæða Spirulina ákjósanlegan næringarauka
fyrir börn og fullorðna. Mörg hundruð rannsóknir hafa verið gerðar á Spirulina og fjöldi
þeirra hefur birst í virtum vísindaritum. Lifestream Spirulina eflir einbeitingu, gefur orku,
dregur úr pirringi, sleni og sætindaþörf. Gott fyrir alla sem eru í vinnu, námi og
vilja halda línunum í lagi.
Greinilegur munur eftir
nokkra daga inntöku
Hress og hraust
í skóla og vinnu með
Spirulina!
Lifestream Spirulina gefur mér mjög
mikla orku en ég finn ótrúlega mikinn
mun þegar ég tek það inn. Þó svo
að ég borði mjög hollt fæði er það
Spirulina sem gerir mér kleift að hafa
orku í allt sem þarf að gera en ég
er í skóla, vinnu, líkamsrækt og æfi
fótbolti. Hef miklu meiri úthald og er
hressari á morgnana.
Daði R. Kristleifsson, 18 ára
Fæst í apótekum, heilsubúðum og Fríhöfninni