Fréttablaðið - 11.01.2010, Blaðsíða 8

8 11. janúar 2010 MÁNUDAGUR
Víxlar og stutt skuldabréf með ábyrgð íslenska ríkisins.
Sjóðnum er heimilt að fjárfesta allt að 10% í innlánum.
Litlar sveiflur í ávöxtun og enginn binditími.
Hentar þeim sem vilja fjárfesta í þrjá mánuði eða lengur.
Lágmarkskaup 5.000 kr.
Enginn munur á kaup- og sölugengi.
»
»
»
»
»
Ríkisvíxlasjóður er verðbréfasjóður skv. lögum nr. 30/2003, um verðbréfasjóði og fjárfestingarsjóði. Rekstrarfélag sjóðsins er Stefnir hf. Vakin er sérstök athygli á að almennt fylgir áhætta fjárfestingu í hlutdeildarskírteinum sjóða, t.d. getur fjárfesting rýrnað eða tapast að öllu leyti. Fyrri ávöxtun sjóða gefur ekki áreiðanlega
vísbendingu um framtíðarávöxtun þeirra. Nánari upplýsingar um sjóðinn, þ.á m. nánari upplýsingar um áhættu við fjárfestingu í hlutdeildarskírteinum hans, má finna í útboðslýsingu eða útdrætti úr útboðslýsingu sjóðsins, sem nálgast má á www.arionbanki.is/sjodir.
Tryggingarsjóður innstæðueigenda og fjárfesta tryggir innlán að lágmarki fjárhæð sem samsvarar EUR 20.887 skv. lögum nr. 98/1999, um innstæðutryggingar og tryggingarkerfi fyrirfjárfesta. Samkvæmt yfirlýsingu ríkisstjórnarinnar frá 3. febrúar 2009 eru „innstæður í innlendum viðskiptabönkum og sparisjóðum og
útibúum þeirra hér á landi tryggðar að fullu“.Með yfirlýsingu frá 9. desember 2009 lýsti ríkisstjórnin því yfir að yfirlýsingin frá 3. febrúar 2009 væri enn í fullu gildi og að yfirlýsingin yrði ekki afnumin fyrr en hið nýja íslenska fjármálakerfi, með breyttri umgjörð, hefði sannað sig og þá yrði gefinn aðlögunartími.
Tryggingarsjóðurinn tryggir ekki tjón sem verður vegna taps á undirliggjandi fjárfestingum sjóða s.s. skuldabréfum eða víxlum. Sjá nánar lög nr. 98/1999, um innstæðutryggingar og tryggingakerfi fyrir fjárfesta, og heimasíðu sjóðsins, www.tryggingarsjodur.is.
innlán
ríkisvíxlar og
ríkisskuldabréf90% 10%
RÍKISVÍXLASJÓÐUR
Traustur kostur fyrir einstaklinga og fyrirtæki.
Verðbréfaþjónusta Arion banka
er söluaðili sjóða Stefnis.
Kynntu þér Ríkisvíxlasjóð hjá
starfsfólki verðbréfaþjónustu
Arion banka í síma 444 7000, í
næsta útibúi eða á arionbanki.is/sjodir
STEFNIR.COM
UMHVERFISMÁL Heilbrigðisnefnd
Hafnarfjarðar- og Kópavogs-
svæðis segir fyrirhugað skipu-
lag 132 hektara athafnasvæð-
is á Hólmsheiði setja grundvöll
framkvæmdar vatnsverndar í
uppnám. Gert er ráð fyrir losun
ofanvatns í Hólmsá sem fellur
um grannsvæði vatnsverndar
og í Elliðavatn, „þeirrar nátt-
úruperlu“ eins og segir í bókun
nefndarinnar.
„Heilbrigðisnefnd telur að
farga eigi ofanvatni frá áform-
uðu gatnakerfi og athafnalóðum
á Hólmsheiði á annan hátt en að
veita því inn á viðkvæmt vatna-
svið Elliðavatns,“ segir nefndin
sem vill aðrar lausnir. - gar
Athafnasvæði á Hólmsheiði:
Ofanvatn sagt
ógna vatnasviði
ELLIÐAVATN Veita á ofanvatni frá
Hólsmheiði í vatnið.
DÓMSMÁL Tveir piltar hafa verið
ákærðir fyrir Héraðsdómi Suður-
lands fyrir að ráðast á pilt í Valla-
skóla á Selfossi.
Pilturinn var að koma út um
vesturinngang skólans þegar
piltarnir réðust á hann. Annar
kýldi hann í andlitið og hinn kýldi
hann í öxlina og tvisvar í andlitið.
Fórnarlambið var með eymsli og
áverka eftir árásina.
Í málinu er gerð krafa um að
piltarnir verði dæmdir til að
greiða þeim sem þeir réðust á
500 þúsund krónur og lögmanns-
kostnað. - jss
Tveir piltar ákærðir:
Réðust á nem-
anda á Selfossi
SJÁVARÚTVEGUR Sjö uppsjávar-
veiðiskip hafa stundað veið-
ar á gulldeplu nú eftir áramót-
in. Veiðin hefur verið treg að
sögn Vilhjálms Vilhjálmsson-
ar, deildarstjóra uppsjávarsviðs
HB Granda. Hann segir menn nú
bíða eftir niðurstöðum loðnuleit-
ar á vegum Hafrannsóknastofn-
unar.
Vilhjálmur segir að gulldepla
hafi fundist í veiðanlegu magni
á mánudag. Þá gátu skipin verið
að veiðum á meðan birtu naut en
aflinn var lítill, eða um 70 til 100
tonn. Aflabrögðin voru heldur
skárri þegar leið á vikuna, eða
um 100 til 150 tonn eftir dag-
inn. Veiðisvæðið er á svipuð-
um slóðum og fyrir áramót eða í
nágrenni Grindavíkurdýpis. - shá
Beðið eftir loðnunni:
Gulldepluveiðin
fer rólega af stað
SAMGÖNGUR „Lögfræðingur okkar
segir að þetta hafi verið á gráu
svæði svo við ætlum að breyta
afsláttarfyrirkomulaginu,“ segir
Pétur Ágústsson, framkvæmda-
stjóri Sæferða, sem rekur Breiða-
fjarðarferjuna Baldur.
Fram til þessa hafa Vestfirðing-
ar notið sérkjara í fargjöldum og
fengið allt að 50 prósent afslátt.
Pétur segir að athugasemdir hafi
verið gerðar við það af fólki sem
taldi sér mismunað með þessu.
Niðurstaðan hafi verið sú að breyta
fyrirkomulaginu.
„Þetta verður framvegis með
svipuðu sniði og í Hvalfjarðar-
göngunum. Hægt verður að kaupa
kort fyrirfram og fæst mismikill
afsláttur eftir því hversu margar
ferðir eru keyptar. Þannig fá þeir
mestan afslátt sem eru í mestum
viðskiptum og allir sitja við sama
borð,“ útskýrir Pétur sem kveður
afsláttinn framvegis geta orðið á
bilinu 25 til 45 prósent.
Vegna sparnaðar hjá Vegagerð-
inni, sem styrkir vetraráætlun
Baldurs, siglir ferjan nú aðeins sex
daga vikunnar en ekki á hverjum
degi. Pétur segir að eftir könnun
meðal notenda ferjunnar hafi verið
ákveðið að fella laugardagana út.
„Þetta er alls ekki heppilegt, til
dæmis gagnvart jarðarförum sem
oft eru á laugardögum. En atvinnu-
lífsins vegna var ekki hægt að fella
út virkan dag svo þetta varð lend-
ingin.“ - gar
Sæferðir breyta reglum sem veittu Vestfirðingum sérkjör í Breiðafjarðarferjuna:
Ekki aðeins útvaldir fái afslátt
PÉTUR ÁGÚSTSSON Vestfirðingar fengu
sérstakan afslátt í Breiðafjarðarferjuna
Baldur en nú telja Sæferðir sér ekki
lengur stætt á að mismuna fólki á þann
máta.
ÖRYGGISMÁL Nýr þjónustusamn-
ingur milli Siglingastofnunar
Íslands og Neyðarlínunnar um
rekstur Vaktstöðvar siglinga
var undirritaður í gær. Eldri
samningur hefur verið í gildi
frá árinu 2004. Hlutverk aðila
skiptast þannig að Siglinga-
stofnun hefur með höndum fjár-
hagslegt og faglegt eftirlit með
rekstrinum, sinnir samskiptum
við stjórnvöld og samstarfi við
alþjóðastofnanir um siglinga-
mál. Neyðarlínan sér um fjármál
og rekstur vaktstöðvarinnar og
gerir samninga við verktaka þar
um.
Með nýjum samningi er nið-
urskurði á framlögum ríkisins
mætt og sparnaðarmarkmið-
um náð. Fyrir að annast rekstur
vaktstöðvarinnar mun Siglinga-
stofnun greiða Neyðarlínunni
242 milljónir á ári. - shá
Nýr samningur um Vaktstöð:
Niðurskurði er
mætt að fullu
UMHVERFISMÁL Hornsíli í Vífils-
staðavatni gegna þýðingarmiklu
hlutverki í nýrri rannsókn sem
bendir til þess að þróun lífs á jörð-
inni verði frekar í stórum stökkum
en í hægari skrefum. Um þetta hafa
líffræðingar deilt síðan á tímum
Darwins, segir Bjarni Jónsson,
sviðstjóri þróunar- og nýsköpunar-
sviðs Veiðimálastofnunar (VMST),
sem vann að rannsókninni.
Rannsóknin er unnin af vís-
indamönnum við læknadeild Stan-
ford-háskóla í Bandaríkjunum
með aðkomu sérfræðinga VMST
á Sauðárkróki. Niðurstöður þeirra
lýsa því hvernig brotthvarf á stutt-
um kafla DNA-raðar veldur því að
hornsíli missa kviðgadda sína, sem
er töluvert mikil breyting á beina-
byggingu þeirra. Breytingin veit-
ir sílunum vistfræðilega yfirburði
við ákveðin skilyrði í umhverfinu.
Kviðgaddalaus hornsíli finnast í
nokkrum vötnum í heiminum, þar
á meðal í Vífilsstaðavatni. Þessi
vitneskja um íslensku sílin er til-
komin fyrir tilviljun en Bjarni
fann kviðgaddalaust hornsíli þegar
hann var við útikennslu barna við
vatnið árið 2002. Bjarni vann á
þeim tíma við rannsókn á vegum
Stanford-háskóla sem snerist um
kortlagningu mikilvægra gena og
virkni þeirra í hryggdýrum. Þegar
gaddalausu sílin fundust í Vífils-
staðavatni var nýhafin rannsókn
á erfðum gaddaleysis og reynd-
ust íslensku hornsílin eiga eftir að
gegna mikilvægu hlutverki í lausn
þeirrar gátu, og lýst er í greininni
í Science.
Hornsíli eru draumur þróun-
arlíffræðinga vegna þess að teg-
undin hefur þróað mörg mismun-
andi afbrigði frá lokum síðustu
ísaldar. Ástæðan er að sjávar-
hornsíli námu land í ferskvatns-
kerfum sem mynduðust við bráðn-
un jökla. Í raun hefur það farið í
gegnum umfangsmikla þróunar-
fræðilega tilraun í náttúrunni og
margir sömu eiginleikarnir þróast
aftur og aftur á mismunandi stöð-
um í heiminum, segir í umfjöllun
VMST.
„Við sjáum sömu hluti í þróun-
arfræðilegum breytileika í heil-
um dýrum. Ef þú veist hvert genið
er og hvaða stökkbreyting hefur
orðið í einni lífveru geturðu spáð
fyrir um hvað hefur gerst í ann-
arri. Við þekkjum ekki öll lögmál-
in enn þá en við erum að byrja að
fá einhverja mynd á hvernig heilu
lífverurnar geta umbreyst og
hvernig frumur og lífverur geta
nýtt sér ákveðnar ummyndanir
til að breytast og aðlagast nýjum
umhverfisaðstæðum,“ segir Bjarni
á vef VMST. svavar@frettabladid.is
Íslensk hornsíli bæta
skilning á þróun lífs
Nýbirt grein í hinu virta vísindatímariti Science lýsir því hvernig lítil breyting
getur valdið ummyndun heilla lífvera. Sérfræðingar Veiðimálastofnunar á
Sauðárkróki koma að rannsókninni. Hornsíli leika aðalhlutverkið.
HORNSÍLI Hér sjást seiði með og án
kviðgadda. MYND/VEIÐIMÁLASTOFNUN
Á SÍLAVEIÐUM Þessir strákar láta það ekki trufla sig við sílaveiðarnar að bráð þeirra
er stórmerkileg frá líffræðilegum sjónarhóli. FRÉTTABLAÐIÐ/ANTON
ALÞINGI Ólafur Örn Haraldsson,
fyrrverandi þingmaður og land-
fræðingur, hefur verið ráðinn
framkvæmdastjóri Þingvalla-
nefndar og þjóðgarðsvörður á
Þingvöllum.
Þingvallanefnd samþykkti
þetta á fundi sínum á föstudag.
78 manns sóttu um starfið.
Ólafur er forseti Ferðafélags
Íslands og lauk nú um áramót-
in störfum sem verkefnisstjóri
þjónustumiðstöðvar vegna jarð-
skjálfta á Suðurlandi. Hann var
alþingismaður árin 1994 til 2003
og var formaður umhverfis-
nefndar þingsins í sex ár.
- þeb
Ólafur Örn Haraldsson:
Ráðinn í starf
þjóðgarðsvarðar
VEISTU SVARIÐ?
1 Hvaða íslensku landslið
munu ekki geta tekið þátt í Evr-
ópukeppni næstu tvö árin?
2 Hvar nálgast hafís landið
og gæti lokað siglingaleiðum á
næstunni?
3 Hvert ætlar fyrrum fegurð-
ardrottningin Unnur Birna
Vilhjálmsdóttir að flytja á
næstunni?
SVÖRIN ERU Á SÍÐU 26