Morgunn - 01.06.1958, Page 38

32
MORGUNN
Á þessum grundvelli leiðir oss samstarf hinna ýmsu
trúarbragða til „life and work“. Þau einkunnarorð gaf
Nathan Söderblom erkibiskup samstarfi kristnu kirkju-
deildanna, sem hann afrekaði mikið fyrir. En vér fram-
lengjum þá hugsjón hans og látum hana ná til allra æðri
trúarbragða.
Sérhver trúarbrögð halda þá áfram að auðga og þroska
sínar eigin trúarhugmyndir. En með vináttu og bróður-
legu samstarfi gera áhangendur ýmissa trúarbragða ein-
ingu mannkynsins í æ ríkara og ríkara mæli að sameign
alls mannkyns. Ef trúarbrögðin — forystumenn þeirra —
læra að skilja hvort annað og vinna saman í þeim anda,
geta þau lagt fram stærri skerf til að tryggja frið á jörðu
en allri viðleitni f jármálamannanna mun takast, þótt ekki
skyldi lítið gjört úr viðleitni þeirra.
Það sem hið sundraða, sundurtætta mannkyn, með allar
sínar blæðandi þúsund undir, þarf, og það sem eitt er
megnugt að bjarga því, er kærleikur, fæddur af kærleika
Guðs, eins og hann hefir lifað og lifir í helgum mönnum
og blóðvottum allra æðri trúarbragða. Nýtt tímabil mann-
kynssögunnar mun hefjast, þegar trúarbrögðin læra að
iðka umburðarlyndi og læra að vinna einhuga saman sam-
eiginlegt starf fyrir mannkynið allt.
Lokasálmur elztu biblíu mannkynsins, Rigvedu hinnar
indversku, brýnir fyrir oss eininguna. Þar segir: „Komið
sameinaðir,talið sameinaðir, látið samræmi ríkja milli anda
yðar, látið einhug ríkja í viðleitni yðar og einhug í hjört-
um yðar og huga, svo að þér verðið vel sameinaðir“.
Jón Auðuns
þýddi úr News Digest nr. 35, 1957.