Kylfingur - 01.07.1937, Blaðsíða 17
KYLFINGUR
11
Bergsteinssyni múrarameistara. Meiri hluti stjórnarinnar
taldi kleift að taka því tilboði, þar sem lán var fengið að
upphæð 30000 kr. og skuldir klúbbsins voru aðeins 7500
kr. Taldi hann óhjákvæmilegt að hafa upphitað klúbb-
hús, með nauðsynlegum þægindum, á vellinum, er félagar
klúbbsins gætu brugðið sér í þegar misjafnt veður væri,
geymt áhöld sín í, komið saman í .eftir kappleiki og endra-
nær, og haft fyrir heimili klúbbsins. Án klúbbhúss mundu
æfingar og kappleikir minka mikið og félagatal klúbbs-
ins smáfjara út. Aðeins nokkrir sterkir áhugamenn mundu
iðka golf án klúbblífs og klúbbhúss, og þeir yrðu svo fáir,
að þeim yrði ofviða að halda klúbbnum uppi. Ennfremur
væri óhjákvæmilegt, að hafa til húsnæði til innandyra-
æfinga og innandyrakennslu.
Tveir úr stjórninni töldu óverjandi að kosta svo miklu
til húss, og binda klúbbnum þar með þungan fjárhags-
legan bagga, og einn vildi ekki taka ákv.eðna afstöðu.
Varð að samkomulagi að leggja málið fyrir auka-aðalfund
1 klúbbnum. Sá fundur var haldinn 21. maí, og var þar
samþykkt með öllum greiddum atkvæðum gegn einu að
fela stjórninni að halda áfram með byggingu hússins. Var
það gert, undirbúningi haldið áfram, grunngrefti, vatns-
leiðslu og fleira, en ekki var byrjað að steypa fyr en eftir
miðjan júní, vegna timburskorts í bænum.
Þeir Ásgeir Ólafsson, ritari klúbbsins, og Friðþjófur
O. Johnson, er töldu ógætilegt að ráðast í húsbygging-
una, undu þessum málalokum hið versta og sögðu sig úr
stjórninni daginn eftir aðalfundinn. í stað þeirra var sam-
þykkt að taka í stjórnina Helga Eiríksson og Gottfreð
Bernhöft. Gunnar Guðjónsson var kosinn ritari.
Þann 1. júní var alflutt af velli þeim við sundlaugarnar,
er klúbburinn hafði haft þar á leigu frá byrjun. Fékkst
þá til bráðabirgða land fyrir 6 holur inn í Sogamýri, inn
við Útvarpsstöðvarveg, skammt fyrir vestan skeiðvöllinn.
En ekki gekk greiðlega að halda því landi. Eftir hálfan
mánuð hurfu flögg og merki af vellinum í súldveðri, en
í staðinn komu um 20 kýr. En þar sem þær voru á sífeldu
iði, og auk þess fleiri en holur áttu að vera á vellinum,