Kylfingur - 01.07.1937, Blaðsíða 18

12
KYLFINGUR
voru sumir kylfinga óánægðir með skiftin. Við rannsókn
málsins kom í ljós, að landsdrottinn klúbbsins hafði land-
ið á leigu til beitar fyrir kýr sínar, en ekki til framleigu
né golfleika. Varð hann því skelkaður mjög, er land-
eigandi kom og sá hóp manna að leikum, og kvað landið
ætlað öðrum til beitar, ,en þeim fénaði, er þá hafðist þar
við. Tókst ekki að fá landið leikhæft áfram og var því
hætt við það.
Samtímis þessu var útbúinn 9 holu völlur á Bessastaða-
nesi og fóru nokkrir klúbbmeðlimir þangað í 2—3 skifti
til leika. Einnig höfðu útvarparar útvarpsstöðvarinnar
æft sig á Kjóavöllum, sem er rennisléttur dalbotn miðja
vega milli Vatnsendastöðvarinnar og Vífilstaða. Báðir eru
þessir staðir of fjarri til daglegra leika, en ágætir fyrir
„picnic“, með golfleik inn á milli, um helgar, hvort sem
væri yfir sunnudaginn einn eða laugardag og sunnudag,
og sofa í tjaldi eða tjöldum yfir nóttina. Ekki hefir orðið
af framkvæmdum í því efni, og vilja sumir kenna vallar-
nefnd um.
Á gamla vellinum voru háðir þessir kappleikar í sumar:
1. Flaggkeppni, sumardaginn fyrsta, 22. apríl. Hófst
þar með þriðja leikár klúbbsins. Veður var fagurt
og blítt allan daginn, segir Ásgeir. Þátttakendur
í keppninni voru 20 og fóru leikar þannig, að Þor-
valdur Ásgeirsson komst að 19. holunni með sitt
flagg og vann þar með fyrstu verðlaun. Önnur verð-
laun fékk Daniel Fjeldsted, er komst yfir lækinn
með einu höggi á 19. braut. Lægstan höggafjölda
hafði Daníel, 83, en Þorvaldur næst, 85.
2. Hvítasunnukeppnin, hvítasunnudag, 16. maí. Stjórn
klúbbsins hafði ákveðið, samkvæmt tillögu frá Frið-
þjófi O. Johnson, að útvega farandbikar til þess að
keppa um hvern hvítasunnudag, og var það gert.
Fór undirbúningskeppnin, höggleikur með handi-
kappi, fram á hvítasunnudag.
Aðeins 15 tóku þátt í kappleiknum og fóru leikar
sem hér segir:
(Frh.).