Fréttablaðið - 21.02.2011, Blaðsíða 8

8 21. febrúar 2011 MÁNUDAGUR
landsbankinn.is 410 4000Landsbankinn
Námskeið
um réttindi
lífeyrisþega
24. febrúar – Árbæjarútibú, Kletthálsi
3. mars – Hornafjörður – Ekra, Víkurbraut
10. mars – Vesturbæjarútibú, Hagatorgi
Farið verður yfir núgildandi reglur á réttindum
og greiðslum lífeyrisþega hjá Tryggingastofnun.
Skráning og nánari upplýsingar á vef bankans
og í síma 410 4000.
Lárus Blöndal, fulltrúi stjórnarandstöðunnar í Icesave-samninga-
nefndinni, telur að með synjun forsetans gefist tækifæri á að
kynna samninginn betur fyrir þjóðinni.
„Ég tel að það hafi vantað kynningu á samningnum og að þetta
sé ágætis tækifæri til að kynna hann fyrir fólki. Þá getur það tekið
upplýsta afstöðu sem snýr þá fyrst og fremst að því hvort eigi að
semja eða ekki. Atkvæðagreiðslan mun ekki snúast um neitt annað
því ég tel mjög litlar líkur á að við setjumst aftur að samningaborð-
inu. Þingið hefur heldur ekki talið okkur getað náð betri samningum
og eftir stendur þá bara eitt – það er að láta reyna á greiðsluskyldu
okkar.“
Lárus segir það hafa gleymst í umræðunni að miðað við útreikn-
ingana sem nú liggi fyrir séu Íslendingar nánast eingöngu að borga
vexti. „Ef við töpum málinu fyrir dómstólum fáum við enga 2,64
prósenta vexti eins og nú. Bara vaxtamunurinn á gamla og nýja
samningnum, úr 2,64 prósentum í 5,55 prósent, er 170 milljarðar.
Það sýnir hvað málið er viðkvæmt. Við getum alveg gengið út frá því
að Bretar og Hollendingar munu ekki sætta sig við vexti sem eru
lægri en það. Þeir munu örugglega fara fram á hærri vexti.“
Lárus segir að þótt hann og Stefán Már Stefánsson lagaprófessor
séu enn á þeirri skoðun að Íslendingar hafi ekki lagaskyldu fyrir
kröfum Breta og Hollendinga sé ljóst að það séu margir sem séu
ekki sama sinnis.
„Við höfum þetta áminningarbréf frá ESA sem endurspeglar allt
aðra skoðanir og við getum ekki horft framhjá því,“ segir Lárus. „Það
er ekki hægt að kalla þetta hræðsluáróður. Þetta er bara raunsæi og
við verðum að skoða allt það sem er á borðinu fyrir framan okkur og
leggja mat á það. Það er alveg ljóst, eins og með öll önnur dóms-
mál, að það getur brugðið til beggja vona.“ - kh
Tækifæri til að kynna samninginn
FORSETI ÍSLANDS SYNJAR AFTUR STAÐFESTINGU ICESAVE-LAGA
FRÉTTASKÝRING
Hvað tekur við ef samkomulag um
Icesave verður ekki staðfest?
Fari svo að þjóðin hafni Icesave-
samningnum í þjóðaratkvæða-
greiðslu er hætt við því að Eft-
irlitsstofnun EFTA (ESA) muni
höfða mál gegn Íslendingum fyrir
brot á EES-samningnum. Þá eru
einnig líkur á því að Bretar og Hol-
lendingar höfði mál. Óvíst er hvaða
niðurstaða myndi fást úr slíkum
dómsmálum og ekki víst að hún
yrði hagstæðari Íslendingum en
núverandi samningar. Þetta segir
Stefán Már Stefánsson lagapróf-
essor í samtali við Fréttablaðið.
Stefán Már var einn fjögurra
lögfræðinga sem skiluðu álitsgerð
um Icesave-samninginn í byrjun
janúar á þessu ári að beiðni fjár-
laganefndar Alþingis. Lögfræðing-
arnir fjórir voru ekki á einu máli
um líklega niðurstöðu af dómstóla-
leiðinni.
Í álitsgerðinni kemur fram að ef
Icesave-deilunni verði ekki lokið
með samkomulagi er mögulegt að
Bretar og Hollendingar muni höfða
mál gegn Íslendingum. Þeir muni
þá meðal annars halda því fram
að ríkisstjórn eða ráðherrar hafi
gefið bindandi yfirlýsingar um
að greiða fjárhæðir sem þeir inn-
leystu til reikningseigenda. Þessi
málsókn yrði sennilega reist á því
að íslenska ríkið hafi ekki fullnægt
skuldbindingum sínum samkvæmt
Evróputilskipun og að þeir hefðu
mismunað innstæðueigendum.
Bretar og Hollendingar myndu
að öllum líkindum miða mál sitt við
alla þá fjárhæð sem þeir innleystu
en ekki einungis við rúmlega 20
þúsund evrur á hvern innstæðu-
eiganda. Fram kemur í álitinu að
nái ítrustu kröfur Breta og Hol-
lendinga fram að ganga fyrir
dómstólum er núverandi Icesave-
samningur mun hagstæðari.
Að sögn Stefáns Más munu Bret-
ar og Hollendingar þurfa að sækja
málið fyrir íslenskum dómstólum.
Ekki sé þó hægt að útiloka að þeir
muni reyna að sækja málið ytra.
Í álitinu er talið að ESA muni að
öllum líkindum fara af stað með
samningsbrotamál gegn Íslandi.
Stefán Már segir það slæmt fyrir
Íslendinga ef ESA vinni málið
fyrir EFTA-dómstólnum. Þá hafi
Íslendingar í stað þess að vera með
samning í höndunum verið dæmdir
fyrir brot á öðrum samningi.
Í álitinu er jafnframt talið lík-
legt að Bretar og Hollending-
ar, og jafnvel aðrar þjóðir, muni
halda uppi að minnsta kosti svip-
uðu andófi gegn Íslandi og íslensk-
um hagsmunum og hingað til. Það
hafi birst í andstöðu þeirra við lán-
veitingar og aðra fyrirgreiðslu,
til dæmis hjá Alþjóðagjaldeyris-
sjóðnum, Evrópska framkvæmda-
bankanum og fleiri aðilum. Óljóst
sé hversu umfangsmiklar aðgerð-
irnar geta orðið eða hve lengi þær
munu standa. Þetta gæti valdið
Íslandi tjóni þótt ekki sé lagt mat
á eðli eða umfang þess.
Í álitsgerðinni segir að kost-
irnir við að halda málaferlum til
streitu séu þeir að þá fáist lög-
fræðileg úrlausn sem hugsanlega
hefði þau áhrif að íslenska ríkið
þyrfti ekki að greiða. Ókostirnir
séu aftur á móti þeir að málið gæti
tapast sem myndi að öllum líkind-
um setja Ísland í verri samnings-
stöðu en nú og gæti leitt til óhag-
stæðari niðurstöðu. Dómsmálið
gæti dregist á langinn með sam-
svarandi óvissu og tjóni fyrir alla
aðila. Það geti einnig haft áhrif
á vinsamleg samskipti við þjóðir
sem eiga í hlut.
Stefán Már hefur ítrekað bent
á að hann telji að Íslendingar
geti unnið málið fyrir dómstól-
um. Óvissa fylgi því hins vegar að
fara með málið þangað. „Það eru
betri lögfræðingar en ég sem telja
að við getum tapað málinu,“ segir
hann. Stefán Már bendir þó einn-
ig á að ákveðin óvissa fylgi núver-
andi Icesave-samningi – eitthvað
sem hann hefði viljað vera laus
við. kristjan@frettabladid.is
Í verri stöðu
ef málið tap-
ast fyrir dómi
Algjör óvissa ríkir um hvað gerist ef Íslendingar
hafna Icesave-samningnum í þjóðaratkvæða-
greiðslu. Kostirnir við málaferli eru að lögfræðileg
úrlausn fæst. Ókostirnir aftur á móti eru þeir að ef
málið tapast er Ísland líklega í verri samningsstöðu.
MÓTMÆLI Algjör óvissa ríkir um hvað gerist ef Íslendingar hafna Icesave-samningn-
um. Einhverjir mótmæltu samningnum fyrir utan Bessastaði í gær. FRÉTTABLAÐIÐ/VALLI
Lítið heyrðist frá stjórnvöldum í Bretlandi og Hollandi í gær í kjölfar
ákvörðunar forseta Íslands um að synja Icesave-lögunum staðfest-
ingar.
Bloomberg-fréttastöðin hefur þó eftir talsmanni hollenska
fjármálaráðuneytisins að samningaviðræðunum um Icesave sé
lokið, samningur sé á borðinu. Þá var haft eftir starfsmanni breska
fjármálaráðuneytisins að þar á bæ biðu menn frekari skýringa á
stöðunni á Íslandi. Bloomberg vitnar í hagfræðing hjá íslenska
fjármálafyrirtækinu GAMMA sem leiðir að því líkur að skuldatrygg-
ingarálag Íslands hækki í kjölfar ákvörðunar forsetans
Össur Skarphéðinsson utanríkisráðherra segir að íslenskir emb-
ættismenn hafi rætt við erlenda starfsbræður sína í gær en staðan
verði rædd nánar á næstu dögum. - mþl
Lítið heyrst í Bretum og Hollendingum
Samtök þjóðar gegn Icesave, hópurinn sem stóð
að undirskriftasöfnun gegn Icesave-frumvarpinu
á vefsíðunni kjosum.is, fagnar ákvörðun forseta
Íslands um að synja Icesave-lögunum staðfesting-
ar og vísa þar með málinu til þjóðarinnar. Þá eru
forsetanum færðar þakkir.
Þetta kemur fram í fréttatilkynningu frá hópn-
um. Þar segir að íslenska þjóðin fái nú tækifæri
til að taka afstöðu til ólögvarinna krafna Breta og
Hollendinga. Á fimm og hálfum sólarhring skor-
uðu 37.488 Íslendingar á forseta Íslands að synja
lögunum staðfestingar.
- mþl
Ánægðir með Ólaf
Að framangreindu
leiðir að kostirnir
við að halda málaferlum til
streitu eru helstir þeir að við
það fæst lögfræðileg úrlausn
sem hugsanlega hefði þau
áhrif að íslenska ríkið þyrfti
ekki að greiða. Ókostirnir eru
aftur á móti þeir að málið
gæti tapast sem myndi að
öllum líkindum setja Ísland í
verri samningsstöðu en nú er
fyrir hendi.
ÚR ÁLITSGERÐ UM DRÖG AÐ
SAMKOMULAGI UM ICESAVE-REIKNINGA.
Ég tel að það hafi vantað kynn-
ingu á samningnum og að þetta
sé ágætis tækifæri til að kynna hann fyrir
fólki.
LÁRUS BLÖNDAL
FULLTRÚI STJÓRNARANDSTÖÐUNNAR
Í ICESAVE-SAMNINGANEFNDINNI