Sameiningin - 01.12.1956, Blaðsíða 8

54
Sameiningin
vitandi um uppruna sinn og finna til metnaðar hans vegna.
Þetta fólk hefir efnt til tvenns konar félagssamtaka til
verndar og viðhalds hinum tvíþætta þjóðararfi sínum,
annars vegar er Þjóðræknisfélag íslendinga í Vesturheimi,
og hins vegar kirkjufélögin. Ég flyt yður sérstakar og inni-
legar kveðjur frá Þjóðræknisfélaginu og frá Hinu Ev.
Lúterska Kirkjufélagi íslendinga í Vesturheimi, en eins og
stendur, veiti ég þessum félögum báðum forstöðu. Kirkju-
félagið hefir nú nýverið haldið 72. ársþing sitt. Þetta félag
er mótað af þeirri trúarsannfæring, sem túlkuð er í texta
mínum.
Allmikill fjöldi Vestur-íslendinga heimsækja ísland á
hverju ári, mörgum þar vestra er ísland enn landið helga,
sem stendur í ljómandi minningu æskuáranna. Þeir sem
koma hingað að vestan finna ekki lengur það land eða þá
þjóð, sem feðurnir töluðu um á frumbýlingsárunum vestra.
Þeir námu landspildu í Canada og nefndu það Nýja-ísland.
Nú skilst mönnum, sem koma þaðan hingað, að Nýja-ísland
er ekki í Canada, það er hér. Sjá, allt er orðið nýtt, má
vissulega segja um þetta land, framfarir þess á sjó og landi
og í lofti. Þessu fagna íslendingar vestan hafs. Við, sem hér
höfum dvalið í sumar, þökkum fyrir allan kærleika og
gestrisni, sem við höfum notið hér, við biðjum góðan Guð
að blessa ísland og íslendinga, við biðjum þess að andlegur
þroski þjóðarinnar megi ávalt haldast í hendur við hina
tæknilegu þróun, að hér megi ávalt verða gróandi þjóðlíf
með þverrandi tár, sem þroskist á Guðsríkisbraut.
Þú, íslenzka þjóð, þú, íslenzki maður og kona, hvar sem
þið dveljið. Minnstu bræðra þinna hinum megin við hafið.
En umfram allt mirmstu þess að þú ert sjálfur á leið yfir
hafið, en þó að stormarnir geysi og ljósin slokkni er ekkert
að óttast. Ef þú ert með Guði mun hann ekki frá þér víkja.
Trúið á Guð. —V. J. E.
Séra Bragi Friðriksson, er nú kominn til íslands og
seztur að í Reykjavík. Hann var ekki fyrr kominn heim, en
Reykjavíkurbær réði hann til að veita forstöðu æskulýðs-
starfsemi í borginni. Teljum vér að þar muni góður maður
á réttum stað. Sameiningin óskar þessum fyrrv. ristjóra
sínum til hamingju með heimförina og embættið.