Sameiningin - 01.12.1956, Side 15

Sameiningin
61
niður þjónustu. Var skrifara safnaðarins falið að votta Mrs.
Johnson þakkir fyrir ágæta þjónustu hennar. Einnig voru
þakkir vottaðar þeim séra S. O. Thorlaksson, sem var stadd-
ur á fundi, J. J. Straumfjörð, sem lengi og trúlega hafði
starfað í safnaðarnefnd, og Ellu Wells, sem var endurkosin
skrifari.
Nú veittu þeir Sigmar-feðgar söfnuðinum þjónustu um
skeið. Séra Haraldur og séra Harald sonur hans messuðu til
skiptis, og Eric Sigmar, sem þá var guðfræðinemi, þjónaði
hér í sumarfríi sínu.
Josephsons-systurnar gáfu trjáplönturnar við anddyri
kirkjunnar í minningu um foreldra sína, Steinunni og
Magnús Josephson, en þau höfðu verið meðlimir safnaðarins
frá upphafi.
Var nú fundur haldinn til þess að reyna að koma sér
saman um að kjósa prest. Þar sem Blaine-söfnuður var nú
einn um hituna, voru lítil tök á að geta boðið væntanlegum
presti lífvænlegt kaup, og var því ákveðið að leita fyrir sér
hjá ULCA um fjárhagslegan styrk í bili.
Dan Daníelsson, formaður safnaðarnefndar, vottaði
Eric Sigmar hugheilar þakkir fyrir frábæra þjónustu, sem
hann hefði leyst af hendi þann stutta tíma, sem hann hafði
dvalið hér og mælti með því að honum væri send köllun til
fastrar þjónustu, en Eric Sigmar hafði þá þegar tekið köllun
frá söfnuðunum í Argyle, Man. Mælti Sigmar mjög með
séra Arthur Hanson, ungum manni af skandinaviskum upp-
runa, að hann mætti verða prestur okkar. Fulltrúi safnaðar-
ins á Point Roberts taldi söfnuðinn þar reiðubúinn að senda
séra Arthur köllun til prestsþjónustu ásamt Blaine.
Formaður lét þess getið að þessi söfnuður hefði ávalt
verið sjálstæður fjárhagslega, og þætti mörgum það miður
að þurfa nú að leita hjálpar annara (ULCA) til að halda
uppi starfi hér, en þar sem um framtíð safnaðarins væri að
ræða, yrðu persónulegar tilfinningar og stærilæti að lúta í
lægra haldi. Var síðan ákveðið að senda séra Arthur Hanson
prestsköllun, og einnig var ákveðið samkvæmt tillögu frá
Mrs. Wells , sem Fred Ögmundsson studdi, að biðja ULCA
að borga laun prestsins að hálfu á móti söfnuðinum. Séra
Arthur tók kölluninni og kom hingað 1. júlí. Fólki féll mjög
vel við þennan unga prest, og hann reyndist ötull og áhuga-
samur í starfi sínu. En hann sagði af sér þjónustu árið 1950