Sameiningin - 01.12.1957, Side 7

Sameiningin
5
ljósi sinnar eigin dýrðar. Það getum vér alls eigi gjört oss
hugmynd um, það er hátt hafið yfir vorn skilning. En ef vér
vildum sjá ímynd hins guðlega kærleika, svo fagra, að englar
himins mega hníga í duftið af undrun, og þó svo einfalda,
að hvert barn getur skilið hana, þá hugsum oss húsið í
Betlehem með barninu liggjandi í jötunni, og hirðunum á
knjám fyrir því, og með gullum stöfum letrað þar uppi yfir:
Svo hefur Guð elskað heiminn.
Guð er kærleikurinn, og barnið í jötunni er opinberun
Guðs kærleika á þessari jörð, og hið lága hreysi er upp-
ljómað af geislum hins himneska kærleika.
Svo hefur Drottinn þóknast þér,
og þá vill speki kenna mér,
að heimsins auð og allt hans glys
þú eigi virðir meir en fis.
En svo bjart sem móti oss skín frá jötunni í Betlehem
Guðs trúfesti og kærleikur, þá megum vér eigi síður dást
þar að Guðs dýrðlega almætti. Hversu fátæktlegt er allt
umhverfis hina lágu jötu í því litla hreysi, og hversu stór-
kostlegt er þó það, sem Guð hefur framleitt af þeirri litlu
byrjun? ísraelsþjóðinni átti frelsari að fæðast, og hann er
í jötu lagður, er hann fæðist. Öllum heiminum átti frelsari
að fæðast, og hann kemur í heiminn í lágum helli hjá lítils-
virtri þjóð. Guð vildi reisa sér musteri á jörðu, er blót-
stallar heiðinna guða skyldu hverfa í duftið fyrir, og þetta
musteri byrjar í auðvirðilegum afkima með jötu í stað
altaris, hjálparlaust, nýfætt hjúfrandi barn í stað guðanna,
fátækir hirðar í stað skrúðklæddra hofgoða. Hefði æðsta
prestinum í Jerúsalem þá verið sagt, að eftir 200 ár mundu
menn beygja kné og til tilbiðja Guð í lágum helli í Betle-
hem, en eigi steinn yfir steini standa af hinu skrautlega
musteri í Jerúsalem — þá mundi hann hafa kallað slíkt
guðlöstun. Hefði einhver þá sagt hinum ríka keisara,
Ágúsusi, er réði yfir nær því öllum kunnum löndum, að á
þeirri nóttu hefði fátækt sveinbarn fæðst í Gyðingalandi, er
stofna mundi það ríki er hans ríki yrði að lúta, og að hans
eftirkomendur mundu með lotningu krjúpa á kné fyrir
sveini þeim — þá mundi hann hafa álitið þann vitfirring.
Ef einhver hefði sagt spekingum Grikklands, að Gyðingur